Alex Aranburu gipuzkoarrak etapa amaiera ezin hobea egin eta garaipena lortu du Galdakaon
Atzetik, Lipowitzek eta Roglicek Paul Seixasi eraso egin diote gaur, baina Itzuliko liderrak sendo erantzun die eraso saiakera guztiei. Are gehiago, Frantziako izar gazteak lidergoa sendotu du, segundo gutxi batzuk irabazita.
Alex Aranburu (Cofidis) gipuzkoarra, helmugan. Argazkia: EFE
Alex Aranburu (Cofidis) gipuzkoarrak etapa amaiera ezin hobea egin du, eta garaipena erdietsi du Galdakaon (Bizkaia) hasi eta bukatu den Itzulia Basque Countryko laugarren etapan.
Aranburuk, helmugara zeraman hormako amaiera zirraragarrian, hirugarren aldiz altxatu ditu besoak Itzulian, 3h:55:15eko denborarekin, 42,6 kilometro orduko batez besteko abiaduran. Lau segundora Tobias Johannessen norvegiarra (Uno X) iritsi da eta sei segundora Christian Scaroni italiarra (Astana).
Paul Seixas liderra etapa irabazlearengandik 14 segundora helmugaratu da, eta segundo batzuetan bere errenta handitu du sailkapen nagusian.
"Aurkariak gertu zetozen, baina helmugarako distantzia kalkulatu dut, eraso egin eta dena bikain atera zait. Garaipen oso garrantzitsua da atzo Basaurin garaipena lehiatu ezin izanaren amorruarekin joan ondoren. Oraingoan ihesaldietan izan gara. Beldur nintzen aurkari batzuekin, baina dena bikain atera da", azpimarratu du Aranburuk.
Brandon McNulty (UAE) estatubatuarra izan da jardunaldiko ihesaldiaren protagonista, eta bakarrik joan da kilometro mordoan. Atzetik, 34 txirrindulariko talde bat saiatu da hura harrapatzen, eta helmugarako 35 bat kilometro falta zirenean lortu du. Amaierarako 30 bat kilometro falta zirenean, Elorritxuetako igoeran, Visma tropelaren buruan jarri da, ihesaldi jendetsua behera botatzen saiatzeko; aurreko taldean, bitartean, elkarri mokoka hasi dira.
Gero eta tropel txikiagoan, Florian Lipowitz (Red Bull-Bora) Paul Seixas (Decathlon) liderra urduritzen saiatu da Elorritxuetako igoeran, baina frantziarrak arazo handirik gabe erantzun die bere erasoei. Alemaniarrak lau eraso egin ditu igoeran.
Hainbat eraso eta gero, Anders Halland Johannessen (Uno-X Mobility) norvegiarra bakarrik geratu da lasterketa buruan, Marc Soler (UAE) kataluniarraren eta Luke Tuckwell (Red Bull-Bora) australiarraren arteko elkar ulertze falta aprobetxatuz. Tropelean, liderraren aurkako erasoa Roglicek egin du eguneko azken igoeran, bigarren mailako Leginan. Lipowitz ere berriro saiatu da.
Aurrean, Juan Pedro Lopez sevillarrak (Movistar) eta Alex Aranburu gipuzkoarrak (Cofidis) Johannessen harrapatu dute, eta jarraian, Ezkio-Itsasokoak erasoa jo du. Tropelak lasterketaren burua minutu bat baino gutxiagora zuen dagoeneko. Baina Tobias Halland Johannessenek (Uno-X Mobility), aurrekoaren anaiak, Gipuzkoako txirrindularia harrapatu du.
Paul Seixas, Itzuliko liderra
Jaitsiera ezagutzen nuen eta eraso egin dut; ongi etorri irabazitako denbora
Seixasek Legina mendatearen jaitsieran erasoa jo eta gero sailkapen nagusiko aurkariekiko irabazi ahal izan dituen 20 segundoak ospatu ditu, jaitsiera "ezagutzen nuen" eta "ondo zetorkidan".
"Taldeak gaurko etaparen ibilbidea ikustera eraman ninduen, hasierako erlojupekoa jokatu baino lehen, eta azken jaitsiera komeni zitzaidala ikusi nuen. Eguna oso gogorra izan da, baina indarrak gorde ditut jaitsieran saiatzeko. Helburua lortu dut, ongi etorri irabazitako denbora", adierazi du Seixasek Galdakaoko helmugan.
Bestalde, Juan Ayusok, Lidl Trek taldeko liderrak eta 2024ko Itzuliaren irabazleak, lasterketa utzi behar izan du urdaileko arazoengatik. Arazo fisikoak lehen etapatik izan ditu, eta, beraz, sailkapen nagusian aukerak berehala galdu zituen. Gainera, Galdakaon hasi eta amaitu den laugarren etapako helmugatik 117 kilometrora erorikoa izan du Ayusok, eta handik kilometro gutxira bizikletatik jaistea erabaki du. Javeako txirrindulariak laguntza eskatu dio taldearen autoari, baina berehala lasterketa uztea erabaki du.
Ostiral honetan bosgarren etapa jokatuko da, Eibarren hasi eta amaituko dena, 176,2 kilometroko ibilbidea izango duena.
Zure interesekoa izan daiteke
Pello Bilbao: “Nire mentalitatea, Itzulian, bukaerara itxarotea izan da, indarrak ahalik eta ondoen kudeatzea”
Bahrain-Victorious taldeko txirrindulari bizkaitarra sailkapen nagusiko hamaikagarren postuan dabil, eta maila ona eman du Galdakaoko etapan, Alex Aranburuk garaipena lortu duen egunean.
Ion Izagirre: “Podiuma buruan dudan? Bai, zergatik ez?”
Cofidiseko txirrindulari gipuzkoarra bikain aritu da Alex Aranburu taldekideak irabazitako etapan, Itzulian; Izagirre laugarren postuan helmugaratu da, eta oso garrantzitsua izan da Aranburuk garaipena lortzeko, eta, sailkapen nagusian ere, laugarren dabil.
Alex Aranburu: “Oso pozik, beti izaten da berezia etxean irabaztea”
Cofidiseko euskal txirrindulariak, Galdakaon, 2026ko Itzuliko laugarren etapa bereganatu du, azken kilometroan igoera oso ona eginda. Horrenbestez, hirugarrenez gailendu da Aranburu Itzulian.
Alex Aranbururen garaipen bikaina Galdakaon, Itzulian, azken kilometroan igoera ederra eginda
Cofidiseko txirrindulari gipuzkoarra onena izan da 2026ko Itzuliko laugarren etapan, eta hirugarrenez gailendu da etapa batean Itzulian. Azken metroetan, Aranburuk Uno-X Mobilityko Tobias Halland Johannessen menderatu du, eta balio handiko garaipena eskuratu du.
ZUZENEAN: 2026ko Itzuliko 4. etapa: Galdakao-Galdakao (167,2 km)
Ikusi zuzenean Galdakaon hasi eta Galdakaon bertan amaituko den 2026ko Itzuliaren laugarren etaparen emanaldia. 15:05etik hasi eta 18:15era arte iraungo duen saioan, lasterketako laugarren jardunaldiak emango dituen nondik norako guztien berri izango duzu.
Galdakao-Galdakao etapako azken 60 kilometroak, Igor Antonekin
167,2 km egingo dituzte bihar, apirilak 9, Itzuliaren laugarren etapan parte hartuko duten txiurrindulariek. Galdakao-Galdakao ibilbidean, azken 60 kilometroak izango dira gogorrenak, Igor Antonek erakutsi dizkigu.
Paul Seixas, euskal zaleen babesarekin “txundituta”
Itzuliko liderrak euskal zaleen babesa eskertu du. Bestalde, hirugarren etapa "egun lasaia" izan dela azpimarratu du.
Igor Arrieta: “Banekien Laurance faboritoa zela, bukaeran justu samar ailegatu naiz”
UAEko txirrindulari nafarrak oso gutxigatik ez du irabazi du 2026ko Itzuliko hirugarren etapa, Basaurin, baina INEOSeko Axel Laurance azkarrago ibili da bien arteko esprintean; esprint hori erabakigarria izan da, eguneko garailea zehazteko.
Axel Lauranceren eta Igor Arrietaren arteko esprinta, Basaurin
INEOS taldeko txirrindulari bretoiak UAEko ziklista nafarra menderatu du, lasterketako hirugarren egunean, eta esprinta erabakigarria izan da. Laurancek eta Arrietak izan dute jokoan etapako garaipena, baina atzetik zetozkien gizonak ere hurbil izan dituzte, eta amaieran emozio handia izan da.