Itzulia Women 2023: 1. etaparen profila, ibilbidea eta ordutegia (Etxebarria – Markina-Xemein, 122,2 km)

Itzuliaren bigarren edizioko lehenengo etaparen zatirik handiena Bizkaian jokatuko dute, baina tropela Gipuzkoan ere ibiliko da. 3. mailako Orontzugarai eta 2. mailako Urkaregi mendateak igo beharko dituzte txirrindulariek, Markina-Xemeinen izango den helmugara iritsi baino lehen.

2023ko Itzulia Women: 1. etaparen profila. Argazkia: Itzulia.

J. E. | EITB

2023/05/01 - 21:45

Azken eguneratzea

2023/05/01 - 21:45

2023ko Itzulia Women lasterketako lehenengo etapa Etxebarrian hasiko da, Eika Kooperatibaren aurrean, eta Markina-Xemeinen amaitu. 122,2 kilometroko ibilbidea du, eta txirrindulariak Bizkaian barrena ibiliko dira, eguneko tarterik handienean; etapako zati bat, hori bai, Gipuzkoan jokatuko dute. Antolatzaileek bi mendate puntuagarri kokatu dituzte lehen jardunaldi honetan: bata 3. mailakoa da, eta bestea, helmugarako zortzi kilometro baino gutxiago falta direnean, 2. mailakoa.

Etxebarria atzean utzita, tropela Ondarroarantz joango da, eta lasterketa Lekeition, Ereñon eta Arrazolan izango da gero. Ondoren, aurtengo Itzuliaren lehen mendatea igo beharko dute: Orontzugarai. 3. mailako mendatea etapako 67. kilometroan aurkituko dute, eta 2,6 kilometroko igoera eta, batez beste, % 6,5 maldak ditu.

Handik gutxira, Itzulia Markina-Xemeinen sartuko da; bertan, 75,3. kilometroan, bigarren edizio honetako lehen esprint berezia jokatuko dute. Ziklistak, jarraian, Gipuzkoan ibiliko dira, Mutrikun eta Elgoibarren, hain zuzen ere; azken udalerri horretan, 107,9 kilometroan, etapako bigarren esprint berezia jokatuko dute.

Urkaregi 2. mailako mendatea igoko dute segituan, 114,4 kilometroan: 5,8 kilometroko igoera da, eta, batez beste, % 4,6ko maldak ditu. Urkaregi helmugatik oso hurbil dago, zortzi bat kilometrora, eta, beraz, igoera horrek erabaki lezake nork altxatzen dituen besoak Markina-Xemeinen. Irabazleak sari bikoitza izango du, etapa irabazteaz gain liderraren aurreneko maillota jantziko baitu.

Etapa zuzenean ikusi ahalko da ETB1en eta eitb.eus-en, 12:00etatik aurrera.

Ikusi bigarren etaparen profila

PROFILA

Itzulia Women 2023ko 1. etaparen profila. Argazkia: Itzulia.

------------------------------------------------------

IBILBIDEA

2023ko Itzulia Women: 1. etaparen ibilbidea. Argazkia: Itzulia

FITXA TEKNIKOA:

Etapa: 1. etapa (maiatzak 12)

Ibilbidea: Etxebarria – Markina-Xemein

Distantzia: 122,2 km

Goranzko desnibel metatua: -

Hasiera-ordua: 10:06

Amaiera-ordua: 13:19 (38 km/h) | 13:29 (36 km/h) | 13:41 (34 km/h)

1. ETAPAKO MENDATEAK

Gontzagaraigana mendateko profila. Argazkia: Itzulia

------------------------------------------------------

Urkaregi mendateko profila. Argazkia: Itzulia

------------------------------------------------------

1. ETAPAKO AZKEN KILOMETROAK

1. etapako azken kilometroak. Argazkia: Itzulia

ITZULIA WOMEN 2023KO ETAPAK:

1. etapa (maiatzak 12): Etxebarria – Markina-Xemein (122,2 km)

2. etapa (maiatzak 13): Gasteiz-Amurrio (133,2 km)

3. etapa (maiatzak 14): Donostia-Donostia (114,8 km)

Zure interesekoa izan daiteke

Bredewold: ''Gustuko ditut esprintean amaitzen diren egun gogorrak''

Mischa Bredewoldek irabazi du 2025eko Itzulia Womeneko 1. etapa. Iazko lehendabiziko bi etapa garaipenak ere bereak izan ziren. Herbeheretarrak begiz jota zeukan Aguraingo helmuga.

Garaipena eta lidertza Mischa Bredewoldentzat, Agurainen

Itzulia Womeneko 1. etapa esprintean bukatu da, eta Aguraingo helmugan Mischa Bredewold izan da azkarrena. Anna van der Breggenek eroriko larria izan du helmugarako 8 kilometro falta zirenean.

2025eko Itzulia Womeneko 1. etapako azken kilometroa eta esprinta

Mischa Bredewold SD Worx taldeko txirrindulari herbeheretarra gailendu da Agurainen, Itzulia Womeneko aurreneko etapan; halaber, Bredewoldek, esprinta eskuratuta, maillot horia ere bereganatu du.

Bredewold nagusitasun handiz gailendu da Agurainen, eta bera izango da Itzuliko lehen liderra

Lehendabiziko etapa esprintean bukatu da, eta Mischa Bredewold izan da azkarrena helmugan. Anna van der Breggenek eroriko larria izan du helmugarako 8 kilometro falta zirenean.

20250516133520_anna-van-der-breggen-erorikoa_

Anna van der Breggenek erorikoa izan du Itzulia Womeneko 1. etapan

SD Worx taldeko txirrindulari herbeheretarra helmugarako 7,8 kilometro gelditzen zirenean erori da. Faborito nagusietakoa denak lasterketan jarraitu ahal izan du, eta etapa amaitu du.

2025eko Itzulia Womeneko 1. etaparen profila, ibilbidea eta ordutegia: Zumarraga-Agurain (148,5 km)

Laugarren ekitaldiari hasiera emateko, aurtengo etaparik luzeena jokatuko dute. Txirrindulariak Gipuzkoan eta Araban barrena ibiliko dira, eta hiru mendate puntuagarri gainditu beharko dituzte; horietako bat, Opakua, 2. mailakoa da.

Hamar mendate puntuagarri izango dira 2025eko Itzulia Women lasterketaren hiru etapetan

Hauek dira lasterketako hiru etapak: Zumarraga-Agurain, maiatzaren 16an, ostiralez, Ugao-Igorre, hilaren 17an, larunbatez, eta Donostia-Donostia, hilaren 18an, igandez. Euskal Herriko Itzuliaren laugarren ekitaldiaren aurkezpen ofiziala asteazkenean egin dute.