Pienaarrek irabazi du azken etapa eta Longo Borghinik Italiako Giroa
Elisa Longo Borghini (Lidl-Trek) italiarrak irabazi du igande honetan 2024ko Italiako Giroaren 35. edizioa, Pescara eta L 'Aquila (117 km) artean lehiatu den zortzigarren eta azken etapan lidergoa mantenduz. Azken etapa erlojupekoa izan da, eta Kimberley Pienaar (Soudal) mauritaniarrak irabazi du, azken metroetan Ruth Edwards (Human) eta Franziska Koch (DSM) gaindituta.
Longo Borghinik segundo bakarrera zuen bere aurkari nagusia, Lotte Kopecky (SD Worx) belgikarra, baina erlojupekoak bere nagusitasuna erakusteko balio izan du, eta 20 segundo gehiago atera dizkio Kopeckyri. Neve Bradbury australiarra, azken-aurreko etapako irabazlea, geratu da hirugarren sailkapen nagusian, 1 minutu eta 16 segundora.
Euskal parte-hartzeari dagokionez, Laboral Kutxako Usoa Ostolaza eta Ane Santesteban txirrindulariek 16. eta 21. postuan amaitu dute, hurrenez hurren.
8. ETAPAKO SAILKAPENA:
1 - (LE COURT) PIENAAR Kimberley (Soudal) 3:19:08
2 - EDWARDS Ruth (Human) d. b.
3 - KOCH Franziska (DSM) d. b.
4 - LONGO BORGHINI Elisa (Lidl-Trek) +0:25
5 - LABOUS Juliette (DSM) +0:29
6 - ROOIJAKKERS Pauliena (Fenix) d. b.
7 - BRADBURY Neve (Canyon) d. b.
8 - GARCÍA Mavi (Liv AlUla) d. b.
9 - MEIJERING Mareille (Movistar) +0:32
10 - GHEKIERE Justine (Soudal) d. b.
SAILKAPEN NAGUSA:
1 - LONGO BORGHINI Elisa (Lidl-Trek) 24:02:16
2 - KOPECKY Lotte (SD Worx) +0:21
3 - BRADBURY Neve (Canyon) +1:16
4 - ROOIJAKKERS Pauliena (Fenix) +2:05
5 - LABOUS Juliette (DSM) +2:15
6 - NIEDERMAIER Antonia (Canyon) +2:41
7 - REALINI Gaia (Lidl) +3:41
8 - LUDWIG Cecilie Uttrup (FDJ) +4:31
9 - GARCÍA Mavi (Liv AlUla) +5:17
10 - FISHER-BLACK Niamh (SD Worx) +5:54
--------------------------------------
16 - OSTOLAZA Usoa (Laboral Kutxa) +13:35
21 - SANTESTEBAN Ane (Laboral Kutxa) + 32:10
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
2026ko Italiako Giroa Bulgariatik irtengo da
Miroslav Borshosh Bulgariako Turismo ministroak agerraldi ofizial batean iragarri duenez, 2026ko Giroko lehen hiru etapak Bulgarian izango dira.
Elisa Longo Borghini italiarrak irabazi du Giroa, eta Liane Lippertek azken etapa
Italiarrak 4. egin du azken etapan, Marlen Reusser 3.aren eta Anna van der Breggen 2.aren atzetik. Lipperten denbora beran helmugaratu da Van der Breggen, eta 8 segundora sartu dira gainerakoak.
Sarah Gigante australiarrak irabazi du Giroko 7. etapa, eta Elisa Longo jarri da lider
4:44:14ko denborarekin helmugaratu da Gigante, Longo Borghini heldu da ondoren, 45 segundora, eta Isabella Holmgren kanadarra izan da hirugarren, 1:14ra.
Lippert nagusitu da Giroko seigarren etapan, eta Reusserrek maglia arrosari eutsi dio
Lippertek hamaikagarren garaipena lortu du profesional mailan, Fenix-Deceuninck taldeko Pauliena Rooijakkers (2 segundora) eta Lidl-Trekeko Shirin van Anrooij (46 segundora) gaindituta.
Lorena Wiebesek eskuratu du Monseliceko esprinta, eta Reusserrek maglia arrosari eutsi dio, Italiako Giroan
SD Worx-Protime taldeko esprinter herbeheretarrak, hala, hamabost garaipen daramatza 2025eko denboraldian; horietako bi, Giroan. Anna van der Breggen taldekidea, gainera, sailkapen nagusiko hirugarren postura igo da.
Lorena Wiebesek irabazi du Trenton, esprintean, eta Anna Hendersonek lider jarraitzen du, Italiako Giroan
SD Worx-Protime taldeko txirrindulari herbeheretarrak bereganatu du lasterketako hirugarren etapa, eta Lidl-Trek taldeko ziklista britainiarrak sailkapen nagusiko lehen postuan segitzen du. Usoa Ostolaza mendiko sailkapeneko lider jarri da.
Anne Hendersonek irabazi du Aprican, eta maglia arrosa jantzi du, Italiako Giroan
Lidl-Trekek taldeko txirrindulari britainiarrak Dilyxine Miermont CERATIZITeko ziklista frantziarra menderatu du, eta garaipena eskuratu; gainera, sailkapen nagusiko aurreneko postuan jarri da, Movistar taldeko Marlen Reusser igandeko irabazlearen ordez.
Marlen Reusserrek indarrean hasi du Italiako Giroa
Movistar taldeko suitzarra gailendu da Giroari hasiera eman dion erlojupekoan, eta liderraren maillota jantzi du. Lotte Kopecky belgikarra eta Elisa Longo izan dira bigarren eta hirugarren, hurrenez hurren.
Ostolaza, Santesteban eta Amondarain, Laboral Kutxa-Euskadi Fundazioak Italiako Giroan izango duen taldean
Alice Arzuffi, Arianna Fidanza eta Laura Tomasi italiarrek eta Yuliia Biriukova ukrainarrak osatuko dute euskal taldeak lasterketara eramango duen zazpikotea; proba igandean hasiko da, uztailaren 6an.