Ane Santesteban izango da Laboral Kutxaren liderra Italiako Giroan
Ane Santesteban gipuzkoarra izango da Laboral Kutxa-Euskadi Fundazioko liderra uztailaren 7tik 14ra jokatuko den Womens World Tourreko emakumezkoen Italiako Giroan. Ion Lazkano eta Peio Goikoetxearen zuzendaritzapean, euskal taldeak "Corsa Rosan" parte hartzeko gonbidapenetako bat jaso zuen ekainaren hasieran RCS Sport antolakuntzarengandik.
Usoa Ostolaza zarauztarra, Aileen Schweikart alemaniarra eta Nadia Quagliotto, Debora Silvestri, Laura Tomasi eta Cristina Tonetti italiarrak dira Errenteriako txirrindulariarekin batera arituko diren sei txirrindulariak.
Hamaikagarren parte-hartzea izango du Santestebanek iaz hamargarren izan zen lasterketan, bederatzigarrena 2018an eta zazpigarrena sailkapen nagusian 2020an.
"Nire hamaikagarren Giroa izango da, baina hau berezia da beste behin talde euskaldun batekin arituko naizelako eta horrek sekulako ilusio egiten dit. Azken asteetan taldeak erakutsi du indartsu dagoela eta ziur nago Giroan ere hori erakutsiko dugula eta emaitza onak lortuko ditugula", nabarmendu du gipuzkoarrak Euskadi Fundazioko taldeak zabaldutako adierazpenean.
Laboral Kutxa bigarren postura igo da kontinental mailako sailkapenean eta 2025eko WorldTour mailako proba guztietarako gonbidapena ematen du horrek. Taldeak emaitza onak lortu zituen Espainiako Txapelketan (Usoa Ostolaza eta Yurani Blanco, urrea eta zilarra, hurrenez hurren, eta Eneritz Vadillo, 23 urtez azpiko irabazle). Halaber, Blancok garaipena eskuratu zuen Eibar Hiria Sari Nagusian eta Ostolazak Pirinioetako Tourrean.
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
2026ko Italiako Giroa Bulgariatik irtengo da
Miroslav Borshosh Bulgariako Turismo ministroak agerraldi ofizial batean iragarri duenez, 2026ko Giroko lehen hiru etapak Bulgarian izango dira.
Elisa Longo Borghini italiarrak irabazi du Giroa, eta Liane Lippertek azken etapa
Italiarrak 4. egin du azken etapan, Marlen Reusser 3.aren eta Anna van der Breggen 2.aren atzetik. Lipperten denbora beran helmugaratu da Van der Breggen, eta 8 segundora sartu dira gainerakoak.
Sarah Gigante australiarrak irabazi du Giroko 7. etapa, eta Elisa Longo jarri da lider
4:44:14ko denborarekin helmugaratu da Gigante, Longo Borghini heldu da ondoren, 45 segundora, eta Isabella Holmgren kanadarra izan da hirugarren, 1:14ra.
Lippert nagusitu da Giroko seigarren etapan, eta Reusserrek maglia arrosari eutsi dio
Lippertek hamaikagarren garaipena lortu du profesional mailan, Fenix-Deceuninck taldeko Pauliena Rooijakkers (2 segundora) eta Lidl-Trekeko Shirin van Anrooij (46 segundora) gaindituta.
Lorena Wiebesek eskuratu du Monseliceko esprinta, eta Reusserrek maglia arrosari eutsi dio, Italiako Giroan
SD Worx-Protime taldeko esprinter herbeheretarrak, hala, hamabost garaipen daramatza 2025eko denboraldian; horietako bi, Giroan. Anna van der Breggen taldekidea, gainera, sailkapen nagusiko hirugarren postura igo da.
Lorena Wiebesek irabazi du Trenton, esprintean, eta Anna Hendersonek lider jarraitzen du, Italiako Giroan
SD Worx-Protime taldeko txirrindulari herbeheretarrak bereganatu du lasterketako hirugarren etapa, eta Lidl-Trek taldeko ziklista britainiarrak sailkapen nagusiko lehen postuan segitzen du. Usoa Ostolaza mendiko sailkapeneko lider jarri da.
Anne Hendersonek irabazi du Aprican, eta maglia arrosa jantzi du, Italiako Giroan
Lidl-Trekek taldeko txirrindulari britainiarrak Dilyxine Miermont CERATIZITeko ziklista frantziarra menderatu du, eta garaipena eskuratu; gainera, sailkapen nagusiko aurreneko postuan jarri da, Movistar taldeko Marlen Reusser igandeko irabazlearen ordez.
Marlen Reusserrek indarrean hasi du Italiako Giroa
Movistar taldeko suitzarra gailendu da Giroari hasiera eman dion erlojupekoan, eta liderraren maillota jantzi du. Lotte Kopecky belgikarra eta Elisa Longo izan dira bigarren eta hirugarren, hurrenez hurren.
Ostolaza, Santesteban eta Amondarain, Laboral Kutxa-Euskadi Fundazioak Italiako Giroan izango duen taldean
Alice Arzuffi, Arianna Fidanza eta Laura Tomasi italiarrek eta Yuliia Biriukova ukrainarrak osatuko dute euskal taldeak lasterketara eramango duen zazpikotea; proba igandean hasiko da, uztailaren 6an.