Giroko 11. etaparen profila, ibilbidea eta ordutegiak: Foiano di Val Fortore-Francavilla al Mare (207 km)
2024ko Italiako Giroak bigarren zatiari ekingo dio asteazkenean, maiatzaren 15ean, hamaikagarren etaparekin. Jardunaldia 12:15ean hasiko da, Foiano di Val Fortoren, eta Francavilla al Maren amaitu, 16:57tik 17:26ra bitartean. 207 kilometroko ibilbidea izango du, eta mendate puntuagarri bakarra, 3. mailako Pietracatella, 48,4. kilometroan.
Bi zati dezente bestelako ditu etapa honek: aurrenekoa, 116. kilometrora bitartean, alegia, Termoli udalerrira ailegatu arte, Apeninoetan jokatuko dute, eta profil gorabeheratsua du, luzeak ez diren igoerak eta jaitsierak dituela; bigarren zatia, ordea, Adriatiko itsasoaren kostaldean, laua da.
Egunak Francavilla al Maren izango du bukaera. Baliteke bertan beste esprint bat izatea, etapako profila aztertuta. Etapako azken 3,5 kilometroetan, ia-ia ez dago bihurgunerik, eta egokia da tarte hori, beraz, esprint nagusia egon dadin, baldin eta lasterketako bilakaerak eta txirrindularien indarrak hala ahalbidetzen badute hori.
Jarraitu etapa osorik eitb.eus-en, 11:55etik aurrera, eta zati erabakigarria, 15:00etatik aurrera, ETB1en ere.
ETAPAREN PROFILA
FITXA TEKNIKOA
Etapa: 11. etapa (maiatzak 15)
Ibilbidea: Foiano di Val Fortore – Francavilla al Mare
Distantzia: 207 km
Goranzko desnibel metatua: 1.850 m
Hasiera-ordua: 12:15
Amaiera-ordua: 16:57 (44 km/h) | 17:11 (42 km/h) | 17:26 (40 km/h).
Mendiko saria: Pletracatella (3. mailakoa), 48,4. kilometroan.
ETAPAKO AZKEN KILOMETROAK
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
2026ko Italiako Giroa Bulgariatik irtengo da
Miroslav Borshosh Bulgariako Turismo ministroak agerraldi ofizial batean iragarri duenez, 2026ko Giroko lehen hiru etapak Bulgarian izango dira.
Elisa Longo Borghini italiarrak irabazi du Giroa, eta Liane Lippertek azken etapa
Italiarrak 4. egin du azken etapan, Marlen Reusser 3.aren eta Anna van der Breggen 2.aren atzetik. Lipperten denbora beran helmugaratu da Van der Breggen, eta 8 segundora sartu dira gainerakoak.
Sarah Gigante australiarrak irabazi du Giroko 7. etapa, eta Elisa Longo jarri da lider
4:44:14ko denborarekin helmugaratu da Gigante, Longo Borghini heldu da ondoren, 45 segundora, eta Isabella Holmgren kanadarra izan da hirugarren, 1:14ra.
Lippert nagusitu da Giroko seigarren etapan, eta Reusserrek maglia arrosari eutsi dio
Lippertek hamaikagarren garaipena lortu du profesional mailan, Fenix-Deceuninck taldeko Pauliena Rooijakkers (2 segundora) eta Lidl-Trekeko Shirin van Anrooij (46 segundora) gaindituta.
Lorena Wiebesek eskuratu du Monseliceko esprinta, eta Reusserrek maglia arrosari eutsi dio, Italiako Giroan
SD Worx-Protime taldeko esprinter herbeheretarrak, hala, hamabost garaipen daramatza 2025eko denboraldian; horietako bi, Giroan. Anna van der Breggen taldekidea, gainera, sailkapen nagusiko hirugarren postura igo da.
Lorena Wiebesek irabazi du Trenton, esprintean, eta Anna Hendersonek lider jarraitzen du, Italiako Giroan
SD Worx-Protime taldeko txirrindulari herbeheretarrak bereganatu du lasterketako hirugarren etapa, eta Lidl-Trek taldeko ziklista britainiarrak sailkapen nagusiko lehen postuan segitzen du. Usoa Ostolaza mendiko sailkapeneko lider jarri da.
Anne Hendersonek irabazi du Aprican, eta maglia arrosa jantzi du, Italiako Giroan
Lidl-Trekek taldeko txirrindulari britainiarrak Dilyxine Miermont CERATIZITeko ziklista frantziarra menderatu du, eta garaipena eskuratu; gainera, sailkapen nagusiko aurreneko postuan jarri da, Movistar taldeko Marlen Reusser igandeko irabazlearen ordez.
Marlen Reusserrek indarrean hasi du Italiako Giroa
Movistar taldeko suitzarra gailendu da Giroari hasiera eman dion erlojupekoan, eta liderraren maillota jantzi du. Lotte Kopecky belgikarra eta Elisa Longo izan dira bigarren eta hirugarren, hurrenez hurren.
Ostolaza, Santesteban eta Amondarain, Laboral Kutxa-Euskadi Fundazioak Italiako Giroan izango duen taldean
Alice Arzuffi, Arianna Fidanza eta Laura Tomasi italiarrek eta Yuliia Biriukova ukrainarrak osatuko dute euskal taldeak lasterketara eramango duen zazpikotea; proba igandean hasiko da, uztailaren 6an.