Tadej Pogacarrek aise lortu du hirugarren etapa garaipena
Tadej Pogacar esloveniarrak eroso irabazi du Italiako Giroko zortzigarren etapa. Txirrindulariek 152 kilometroko ibilbidea egin dute Spoleto eta Prati di Tivo artean. Esloveniarrak sailkapen nagusiko lehen postuan jarraitzen du.
Oraingoan, Pogacarrek ez du aurkarien artean triskantzarik egin. Ondo kalkulatutako garaipena izan da, urrutitik ziurtatutakoa eta helmugarako azken 150 metroetan gauzatutakoa. Leku horretan jotako erasoari esker irabazi du etapa, 4 ordu, 2 minutu eta 16 segundoko denbora eginda, batez beste orduko 37,6 kilometroko abiaduran.
Pogacarren atzetik, Daniel Felipe Martinez Borako liderra helmugaratu da, irabazlearen denbora berean, Ben O'Connor australiarrarekin batera, eta bi segundo geroago sartu dira Geraint Thomas eta Einer Rubio.
Igandean, bederatzigarren etapa jokatuko dute, Avezzano eta Napoli artean 214 kilometroko ibilbide laua izango duena.
Etapako sailkapena
1 - POGACAR Tadej (UAE) 4:02:16
2 - MARTÍNEZ Daniel Felipe (BORA) d. b.
3 - O'CONNOR Ben (Decathlon) d. b.
4 - TIBERI Antonio (Bahrain) + 0:02
5 - THOMAS Geraint (INEOS) d. b.
6 - RUBIO Einer (Movistar) d. b.
7 - UIJTDEBROEKS Cian (Visma) d. b.
8 - ARENSMAN Thymen (INEOS) + 0:11
9 - STORER Michael (Tudor) + 0:13
10 - BAUDIN Alex (Decathlon) + 0:21
Sailkapen nagusia
1 - POGACAR Tadej (UAE) 28:14:42
2 - MARTINEZ Daniel Felipe (BORA) + 2:40
3 - THOMAS Geraint (INEOS) + 2:58
4 - O'CONNOR Ben (Decathlon) + 3:39
5 - UIJTDEBROEKS Cian (Visma) + 4:02
6 - TIBERI Antonio (Bahrain) + 4:23
7 - FORTUNATO Lorenzo (Astana) + 5:15
8 - RUBIO Einer (Movistar) + 5:28
9 - ARENSMAN Thymen (INEOS) Grenadiers + 5:30
10 - HIRT Jan (Soudal) + 5:53
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
2026ko Italiako Giroa Bulgariatik irtengo da
Miroslav Borshosh Bulgariako Turismo ministroak agerraldi ofizial batean iragarri duenez, 2026ko Giroko lehen hiru etapak Bulgarian izango dira.
Elisa Longo Borghini italiarrak irabazi du Giroa, eta Liane Lippertek azken etapa
Italiarrak 4. egin du azken etapan, Marlen Reusser 3.aren eta Anna van der Breggen 2.aren atzetik. Lipperten denbora beran helmugaratu da Van der Breggen, eta 8 segundora sartu dira gainerakoak.
Sarah Gigante australiarrak irabazi du Giroko 7. etapa, eta Elisa Longo jarri da lider
4:44:14ko denborarekin helmugaratu da Gigante, Longo Borghini heldu da ondoren, 45 segundora, eta Isabella Holmgren kanadarra izan da hirugarren, 1:14ra.
Lippert nagusitu da Giroko seigarren etapan, eta Reusserrek maglia arrosari eutsi dio
Lippertek hamaikagarren garaipena lortu du profesional mailan, Fenix-Deceuninck taldeko Pauliena Rooijakkers (2 segundora) eta Lidl-Trekeko Shirin van Anrooij (46 segundora) gaindituta.
Lorena Wiebesek eskuratu du Monseliceko esprinta, eta Reusserrek maglia arrosari eutsi dio, Italiako Giroan
SD Worx-Protime taldeko esprinter herbeheretarrak, hala, hamabost garaipen daramatza 2025eko denboraldian; horietako bi, Giroan. Anna van der Breggen taldekidea, gainera, sailkapen nagusiko hirugarren postura igo da.
Lorena Wiebesek irabazi du Trenton, esprintean, eta Anna Hendersonek lider jarraitzen du, Italiako Giroan
SD Worx-Protime taldeko txirrindulari herbeheretarrak bereganatu du lasterketako hirugarren etapa, eta Lidl-Trek taldeko ziklista britainiarrak sailkapen nagusiko lehen postuan segitzen du. Usoa Ostolaza mendiko sailkapeneko lider jarri da.
Anne Hendersonek irabazi du Aprican, eta maglia arrosa jantzi du, Italiako Giroan
Lidl-Trekek taldeko txirrindulari britainiarrak Dilyxine Miermont CERATIZITeko ziklista frantziarra menderatu du, eta garaipena eskuratu; gainera, sailkapen nagusiko aurreneko postuan jarri da, Movistar taldeko Marlen Reusser igandeko irabazlearen ordez.
Marlen Reusserrek indarrean hasi du Italiako Giroa
Movistar taldeko suitzarra gailendu da Giroari hasiera eman dion erlojupekoan, eta liderraren maillota jantzi du. Lotte Kopecky belgikarra eta Elisa Longo izan dira bigarren eta hirugarren, hurrenez hurren.
Ostolaza, Santesteban eta Amondarain, Laboral Kutxa-Euskadi Fundazioak Italiako Giroan izango duen taldean
Alice Arzuffi, Arianna Fidanza eta Laura Tomasi italiarrek eta Yuliia Biriukova ukrainarrak osatuko dute euskal taldeak lasterketara eramango duen zazpikotea; proba igandean hasiko da, uztailaren 6an.