Italiako Giroaren 15. etaparen profila eta ibilbidea: Seregno-Bergamo (195 kilometro)
2023ko Italiako Giroaren hamabosgarren etapa maiatzaren 21ean jokatuko dute, igandean; 195 kilometroko ibilbidea du, Seregnon hasiko da, eta Bergamon amaitu. Etapa zaila da; izan ere, txirrindulariek Mendiko Sailkapenerako puntuagarriak diren lau mendate igo beharko dituzte. Horietako hiru 2. mailakoak dira, eta helmugatik gertuen dagoenak, Roncola Altak, gaina du amaierarako 30 bat kilometro geratzen direla; hori bai, lehenik eta behin, 46. kilometroan, 1. mailako mendate bat gainditu beharko dute parte hartzaileek, Valico di Valcava.
Hortaz, jardunaldi garrantzitsua da, lasterketako bigarren atseden egunaren bezperan. Gainera, kontuan izan behar da oraindik hirugarren astea osorik egin beharko dutela ziklistek, eta zenbait etapa oso gogor izango direla azken egun horietan.
Esan bezala, hamabosgarren etapako mendaterik gogorrena lehen 50 kilometroak egin aurretik izango da, alegia, Valico di Valcava, 1. mailakoa. 2. mailako Selvino dator jarraian, 98. kilometroan, eta Miragolo San Salvatore (2. maila) 111. kilometroan amaituko dira igotzen, handik gutxira. Roncola Altako igoeran lehia handia egon liteke, kontuan izanik gaina ez duela Bergamoko helmugatik urrun.
Lasterketa zuzen-zuzenean ikusi ahalko da EITBn, ondorengo ordutegietan: eitb.eus-en, etapa oso-osorik ikusteko aukera izango da, 12:20tik aurrera; ETB4k 14:00etatik 15:10era egingo du bat seinalearekin, eta, ohi legez, telebistako emanaldiak ETB1en jarraituko du 15:10etik etapa amaitu arte.
Ikusi 14. etaparen profila | Ikusi 16. etaparen profila
ETAPAREN PROFILA
------------------------------------------------------
RONCOLA ALTA
FITXA TEKNIKOA:
Etapa: 15. etapa (maiatzak 21)
Ibilbidea: Seregno – Bergamo
Distantzia: 195 km
Goranzko desnibel metatua: 3.600 m
Hasiera-ordua: 11:55
Amaiera-ordua: 16:53 (39 km/h) | 17:12 (37 km/h) | 17:33 (35 km/h).
Mendiko saria: Valico di Valcava (1. mailakoa), 46,4. kilometroan; Selvino (2. mailakoa), 98,6. kilometroan; Miragolo San Salvatore (2. mailakoa), 111,3. kilometroan; Roncola Alta (2. mailakoa), 164,4. kilometroan.
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
2026ko Italiako Giroa Bulgariatik irtengo da
Miroslav Borshosh Bulgariako Turismo ministroak agerraldi ofizial batean iragarri duenez, 2026ko Giroko lehen hiru etapak Bulgarian izango dira.
Elisa Longo Borghini italiarrak irabazi du Giroa, eta Liane Lippertek azken etapa
Italiarrak 4. egin du azken etapan, Marlen Reusser 3.aren eta Anna van der Breggen 2.aren atzetik. Lipperten denbora beran helmugaratu da Van der Breggen, eta 8 segundora sartu dira gainerakoak.
Sarah Gigante australiarrak irabazi du Giroko 7. etapa, eta Elisa Longo jarri da lider
4:44:14ko denborarekin helmugaratu da Gigante, Longo Borghini heldu da ondoren, 45 segundora, eta Isabella Holmgren kanadarra izan da hirugarren, 1:14ra.
Lippert nagusitu da Giroko seigarren etapan, eta Reusserrek maglia arrosari eutsi dio
Lippertek hamaikagarren garaipena lortu du profesional mailan, Fenix-Deceuninck taldeko Pauliena Rooijakkers (2 segundora) eta Lidl-Trekeko Shirin van Anrooij (46 segundora) gaindituta.
Lorena Wiebesek eskuratu du Monseliceko esprinta, eta Reusserrek maglia arrosari eutsi dio, Italiako Giroan
SD Worx-Protime taldeko esprinter herbeheretarrak, hala, hamabost garaipen daramatza 2025eko denboraldian; horietako bi, Giroan. Anna van der Breggen taldekidea, gainera, sailkapen nagusiko hirugarren postura igo da.
Lorena Wiebesek irabazi du Trenton, esprintean, eta Anna Hendersonek lider jarraitzen du, Italiako Giroan
SD Worx-Protime taldeko txirrindulari herbeheretarrak bereganatu du lasterketako hirugarren etapa, eta Lidl-Trek taldeko ziklista britainiarrak sailkapen nagusiko lehen postuan segitzen du. Usoa Ostolaza mendiko sailkapeneko lider jarri da.
Anne Hendersonek irabazi du Aprican, eta maglia arrosa jantzi du, Italiako Giroan
Lidl-Trekek taldeko txirrindulari britainiarrak Dilyxine Miermont CERATIZITeko ziklista frantziarra menderatu du, eta garaipena eskuratu; gainera, sailkapen nagusiko aurreneko postuan jarri da, Movistar taldeko Marlen Reusser igandeko irabazlearen ordez.
Marlen Reusserrek indarrean hasi du Italiako Giroa
Movistar taldeko suitzarra gailendu da Giroari hasiera eman dion erlojupekoan, eta liderraren maillota jantzi du. Lotte Kopecky belgikarra eta Elisa Longo izan dira bigarren eta hirugarren, hurrenez hurren.
Ostolaza, Santesteban eta Amondarain, Laboral Kutxa-Euskadi Fundazioak Italiako Giroan izango duen taldean
Alice Arzuffi, Arianna Fidanza eta Laura Tomasi italiarrek eta Yuliia Biriukova ukrainarrak osatuko dute euskal taldeak lasterketara eramango duen zazpikotea; proba igandean hasiko da, uztailaren 6an.