Italiako Giroaren 12. etaparen profila eta ibilbidea: Bra-Rivoli (179 km)
2023ko Italiako Giroaren hamabigarren etapa gaur jokatuko dute, maiatzaren 18an, ostegunean. Etapak 179 kilometroko ibilbidea du, eta Bran hasiko da eta Rivolin amaitu. Jardunaldian, Colle Braida mendeatea, 2. mailakoa bera, erabakigarria izan liteke; izan ere, helmugara 30 bat kilometro geratzen direla igoko dute txirrindulariek, hau da,tarte erabakigarrian. Kontuan izateko modukoa izan liteke, halaber, hurrengo egunean mendiko etapa handia dagoela; hori dela eta, baliteke sailkapen nagusiko gizonen taldeek estrategia jakin baten alde egitea, zer datorren buruan dutela.
Hala, lasterketaren antolatzaileen arabera, Giroaren hamabigarren etapan hiru zati desberdin egon litezke: lehenengoa, aurreneko 50 kilometroetan, ibilbideak hainbat igoera eta jaitsiera ditu; hurrengo 75 kilometroak lauak dira, eta zati horretan estreinakoz izango da tropela Rivolin; azken 54 kilometroetan igoko dute Colle Braida, eta zirkuitu batean arituko dira parte-hartzaileak, helmugaraino.
Tropelak, 36. kilometroan, 3. mailako Pedaggera mendatea igoko du; hori bai, gogorragoa izango da Colle Braida, alegia, 2. mailako mendatea. 9,8 kilometro ditu horrek, batez beste % 7ko aldapa da, eta malda batzuetan % 12koa ere bada.
Egunero bezala, lasterketa zuzen-zuzenean ikusi ahalko da EITBn, honako ordutegi hauetan: eitb.eus-en etapa oso-osorik ikusteko aukera egongo da, 12:20tik aurrera; ETB4k 14:15etik 15:10era egingo du bat probako seinalearekin, eta telebistako emanaldiak ETB1en jarraituko du, 15:10etik etapa amaitu arte.
Ikusi 11. etaparen profila | Ikusi 13. etaparen profila
ETAPAREN PROFILA
Italiako Giroko 12. etaparen profila. Argazkia: giroditalia.it
FITXA TEKNIKOA:
Etapa: 12. etapa (maiatzak 18)
Ibilbidea: Bra – Rivoli
Distantzia: 179 km
Goranzko desnibel metatua: 2.300 m
Hasiera-ordua: 12:45
Amaiera-ordua: 17:00 (42 km/h) | 17:14 (40 km/h) | 17:29 (38 km/h).
Mendiko saria: Pedaggera (3. mailakoa), 36. kilometroan; Colle Braida (2. mailakoa), 151,1. kilometroan.
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
2026ko Italiako Giroa Bulgariatik irtengo da
Miroslav Borshosh Bulgariako Turismo ministroak agerraldi ofizial batean iragarri duenez, 2026ko Giroko lehen hiru etapak Bulgarian izango dira.
Elisa Longo Borghini italiarrak irabazi du Giroa, eta Liane Lippertek azken etapa
Italiarrak 4. egin du azken etapan, Marlen Reusser 3.aren eta Anna van der Breggen 2.aren atzetik. Lipperten denbora beran helmugaratu da Van der Breggen, eta 8 segundora sartu dira gainerakoak.
Sarah Gigante australiarrak irabazi du Giroko 7. etapa, eta Elisa Longo jarri da lider
4:44:14ko denborarekin helmugaratu da Gigante, Longo Borghini heldu da ondoren, 45 segundora, eta Isabella Holmgren kanadarra izan da hirugarren, 1:14ra.
Lippert nagusitu da Giroko seigarren etapan, eta Reusserrek maglia arrosari eutsi dio
Lippertek hamaikagarren garaipena lortu du profesional mailan, Fenix-Deceuninck taldeko Pauliena Rooijakkers (2 segundora) eta Lidl-Trekeko Shirin van Anrooij (46 segundora) gaindituta.
Lorena Wiebesek eskuratu du Monseliceko esprinta, eta Reusserrek maglia arrosari eutsi dio, Italiako Giroan
SD Worx-Protime taldeko esprinter herbeheretarrak, hala, hamabost garaipen daramatza 2025eko denboraldian; horietako bi, Giroan. Anna van der Breggen taldekidea, gainera, sailkapen nagusiko hirugarren postura igo da.
Lorena Wiebesek irabazi du Trenton, esprintean, eta Anna Hendersonek lider jarraitzen du, Italiako Giroan
SD Worx-Protime taldeko txirrindulari herbeheretarrak bereganatu du lasterketako hirugarren etapa, eta Lidl-Trek taldeko ziklista britainiarrak sailkapen nagusiko lehen postuan segitzen du. Usoa Ostolaza mendiko sailkapeneko lider jarri da.
Anne Hendersonek irabazi du Aprican, eta maglia arrosa jantzi du, Italiako Giroan
Lidl-Trekek taldeko txirrindulari britainiarrak Dilyxine Miermont CERATIZITeko ziklista frantziarra menderatu du, eta garaipena eskuratu; gainera, sailkapen nagusiko aurreneko postuan jarri da, Movistar taldeko Marlen Reusser igandeko irabazlearen ordez.
Marlen Reusserrek indarrean hasi du Italiako Giroa
Movistar taldeko suitzarra gailendu da Giroari hasiera eman dion erlojupekoan, eta liderraren maillota jantzi du. Lotte Kopecky belgikarra eta Elisa Longo izan dira bigarren eta hirugarren, hurrenez hurren.
Ostolaza, Santesteban eta Amondarain, Laboral Kutxa-Euskadi Fundazioak Italiako Giroan izango duen taldean
Alice Arzuffi, Arianna Fidanza eta Laura Tomasi italiarrek eta Yuliia Biriukova ukrainarrak osatuko dute euskal taldeak lasterketara eramango duen zazpikotea; proba igandean hasiko da, uztailaren 6an.