2022ko Italiako Giroko 14. etaparen profila eta ibilbidea: Santena – Turin (147 km)
Maiatzaren 21ean Italiako Giroko 14. etapa jokatuko da, Santena eta Turin artekoa. Txirrindulariek 147 kilometroko ibilbidea duen etapa laburra (aurtengo ekitaldiko laburrena, erlojupekoak kontuan hartu gabe), baina gogorra bete beharko dute. Izan ere, hirugarren mailako mendate bat eta bi aldiz igo beharreko bigarren mailako beste bi gainditu beharko dituzte parte-hartzaileek.
Jardunaldiko lehen zailtasuna 36. kilometroan agertuko da, hirugarren mailako Il Pilonetto mendatea, alegia. Ondoren, txirrindulariek bi aldiz igoko dituzte Superga (2. maila) eta Colle Maddalena (2. maila) mendateak. Lehena 5 kilometroko igoera da, batez besteko % 10eko maldekin; bigarrena, aldiz, laburragoa baina gogorragoa da, batez besteko % 20ko erripak baititu.
Colle Maddalena bigarrenez igo ostean, 11,8 kilometro geratuko dira helmugara arte, jaitsiera azkar eta teknikoan.
Lasterketa zuzen-zuzenean ikusi ahalko da EITBn, honako ordutegi hauetan: eitb.eus-en etapa oso-osorik ikusteko aukera egongo da 12:50etik aurrera. ETB4k 13:30etik 15:00etara egingo du bat seinalearekin. Ondoren, 15:00etatik etapa amaitu arte, ETB1en jarraitzeko aukera izango da.
Ikusi 13. etaparen profila | Ikusi 15. etaparen profila
ETAPAREN PROFILA
FITXA TEKNIKOA
Etapa: 14. etapa (maiatzak 21)
Ibilbidea: Santena – Turin
Distantzia: 147 km
Hasiera-ordua: 13:00
Amaiera-ordua: 17:00 (39 km/h) | 17:14 (37 km/h) | 17:30 (35 km/h).
Mendiko saria: Il Pilloneto (3. mailakoa), 43,3. kilometroan; Superga (Bric del Duca) (2. mailakoa), 83,2. kilometroan; Colle della Madalena (2. mailakoa), 96,7. kilometroan; Superga (Bric del Duca) (2ª. mailakoa), 113,7. kilometroan; eta Colle della Madalena (2. mailakoa), 135,2. kilometroan.
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
2026ko Italiako Giroa Bulgariatik irtengo da
Miroslav Borshosh Bulgariako Turismo ministroak agerraldi ofizial batean iragarri duenez, 2026ko Giroko lehen hiru etapak Bulgarian izango dira.
Elisa Longo Borghini italiarrak irabazi du Giroa, eta Liane Lippertek azken etapa
Italiarrak 4. egin du azken etapan, Marlen Reusser 3.aren eta Anna van der Breggen 2.aren atzetik. Lipperten denbora beran helmugaratu da Van der Breggen, eta 8 segundora sartu dira gainerakoak.
Sarah Gigante australiarrak irabazi du Giroko 7. etapa, eta Elisa Longo jarri da lider
4:44:14ko denborarekin helmugaratu da Gigante, Longo Borghini heldu da ondoren, 45 segundora, eta Isabella Holmgren kanadarra izan da hirugarren, 1:14ra.
Lippert nagusitu da Giroko seigarren etapan, eta Reusserrek maglia arrosari eutsi dio
Lippertek hamaikagarren garaipena lortu du profesional mailan, Fenix-Deceuninck taldeko Pauliena Rooijakkers (2 segundora) eta Lidl-Trekeko Shirin van Anrooij (46 segundora) gaindituta.
Lorena Wiebesek eskuratu du Monseliceko esprinta, eta Reusserrek maglia arrosari eutsi dio, Italiako Giroan
SD Worx-Protime taldeko esprinter herbeheretarrak, hala, hamabost garaipen daramatza 2025eko denboraldian; horietako bi, Giroan. Anna van der Breggen taldekidea, gainera, sailkapen nagusiko hirugarren postura igo da.
Lorena Wiebesek irabazi du Trenton, esprintean, eta Anna Hendersonek lider jarraitzen du, Italiako Giroan
SD Worx-Protime taldeko txirrindulari herbeheretarrak bereganatu du lasterketako hirugarren etapa, eta Lidl-Trek taldeko ziklista britainiarrak sailkapen nagusiko lehen postuan segitzen du. Usoa Ostolaza mendiko sailkapeneko lider jarri da.
Anne Hendersonek irabazi du Aprican, eta maglia arrosa jantzi du, Italiako Giroan
Lidl-Trekek taldeko txirrindulari britainiarrak Dilyxine Miermont CERATIZITeko ziklista frantziarra menderatu du, eta garaipena eskuratu; gainera, sailkapen nagusiko aurreneko postuan jarri da, Movistar taldeko Marlen Reusser igandeko irabazlearen ordez.
Marlen Reusserrek indarrean hasi du Italiako Giroa
Movistar taldeko suitzarra gailendu da Giroari hasiera eman dion erlojupekoan, eta liderraren maillota jantzi du. Lotte Kopecky belgikarra eta Elisa Longo izan dira bigarren eta hirugarren, hurrenez hurren.
Ostolaza, Santesteban eta Amondarain, Laboral Kutxa-Euskadi Fundazioak Italiako Giroan izango duen taldean
Alice Arzuffi, Arianna Fidanza eta Laura Tomasi italiarrek eta Yuliia Biriukova ukrainarrak osatuko dute euskal taldeak lasterketara eramango duen zazpikotea; proba igandean hasiko da, uztailaren 6an.