Italiako Giroa atzeratzea erabaki dute
Italiako Giroko 103. edizioaren hasiera atzeratu egin dutela iragarri du RSC Sport enpresa antolatzaileak. Hungarian jokatu behar ziren aurreneko hiru jardunaldiak, baina bertan behera geratu dira koronabirusagatik eta ondorioz lasterketak hasiera data aldatu behar izan du.
Noiz hasi beharko den apirilaren lehen astean esango dute, 3an hain zuzen ere, Italiako larrialdi-egoera amaitzea espero denean.
2020. urteko Italiako Giroa Budapesten hasi behar da eta bigarren eta hirugarren etapak ere Hungarian egin behar dira.
Hamalaugarren aldia da Giroa Italia ez den herrialde batetik irteten dela. Amsterdam (2010), Belfast (2014), Apeldoorn (2016) eta Jerusalem (2018) izan ditu abiapuntu Giroak azken hamarkadan.
2020ko GIROKO ETAPAK
| Etapa | Noiz | Ibilbidea | Distantzia | |||
| 1.a | Budapest - Budapest (Erlojupekoa) | 8,6 km | ||||
| 2.a | Budapest - Gyor | 195 km | ||||
| 3.a | Székesfehérvár - Nagykanizsa | 204 km | ||||
| 4.a | Monreale - Agrigento | 136 km | ||||
| 5.a | Enna - Etna | 150 km | ||||
| 6.a | Catania - Villafranca Tirrena | 138 km | ||||
| 7.a | Mileto - Camigliatello Silano | 223 km | ||||
| 8.a | Castrovillari - Brindisi | 216 km | ||||
| 9.a | Giovinazzo - Vieste | 198 km | ||||
| Atseden eguna | ||||||
| 10.a | San Salvo - Tortoleto Lido | 212 km | ||||
| 11.a | Porto Sant'Elpidio - Rimini | 181 km | ||||
| 12.a | Cesenatico - Cesenatico | 205 km | ||||
| 13.a | Cervia - Monselice | 190 km | ||||
| 14.a | Conegliano - Valdobbiadene (Erlojupekoa) | 33,7 km | ||||
| 15.a | Base di Rivolto - Piancavallo | 183 km | ||||
| Atseden eguna | ||||||
| 16.a | Udine - San Daniele del Friuli | 228 km | ||||
| 17.a | Bassano - Madonna di Campiglio | 202 km | ||||
| 18.a | Pinzolo - Laghi di Cancano | 209 km | ||||
| 19.a | Morbegno - Asti | 251 km | ||||
| 20.a | Alba - Sestriere | 200 km | ||||
| 21.a | Cernusco - Milan (Erlojupekoa) | 16,5 km |
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
2026ko Italiako Giroa Bulgariatik irtengo da
Miroslav Borshosh Bulgariako Turismo ministroak agerraldi ofizial batean iragarri duenez, 2026ko Giroko lehen hiru etapak Bulgarian izango dira.
Elisa Longo Borghini italiarrak irabazi du Giroa, eta Liane Lippertek azken etapa
Italiarrak 4. egin du azken etapan, Marlen Reusser 3.aren eta Anna van der Breggen 2.aren atzetik. Lipperten denbora beran helmugaratu da Van der Breggen, eta 8 segundora sartu dira gainerakoak.
Sarah Gigante australiarrak irabazi du Giroko 7. etapa, eta Elisa Longo jarri da lider
4:44:14ko denborarekin helmugaratu da Gigante, Longo Borghini heldu da ondoren, 45 segundora, eta Isabella Holmgren kanadarra izan da hirugarren, 1:14ra.
Lippert nagusitu da Giroko seigarren etapan, eta Reusserrek maglia arrosari eutsi dio
Lippertek hamaikagarren garaipena lortu du profesional mailan, Fenix-Deceuninck taldeko Pauliena Rooijakkers (2 segundora) eta Lidl-Trekeko Shirin van Anrooij (46 segundora) gaindituta.
Lorena Wiebesek eskuratu du Monseliceko esprinta, eta Reusserrek maglia arrosari eutsi dio, Italiako Giroan
SD Worx-Protime taldeko esprinter herbeheretarrak, hala, hamabost garaipen daramatza 2025eko denboraldian; horietako bi, Giroan. Anna van der Breggen taldekidea, gainera, sailkapen nagusiko hirugarren postura igo da.
Lorena Wiebesek irabazi du Trenton, esprintean, eta Anna Hendersonek lider jarraitzen du, Italiako Giroan
SD Worx-Protime taldeko txirrindulari herbeheretarrak bereganatu du lasterketako hirugarren etapa, eta Lidl-Trek taldeko ziklista britainiarrak sailkapen nagusiko lehen postuan segitzen du. Usoa Ostolaza mendiko sailkapeneko lider jarri da.
Anne Hendersonek irabazi du Aprican, eta maglia arrosa jantzi du, Italiako Giroan
Lidl-Trekek taldeko txirrindulari britainiarrak Dilyxine Miermont CERATIZITeko ziklista frantziarra menderatu du, eta garaipena eskuratu; gainera, sailkapen nagusiko aurreneko postuan jarri da, Movistar taldeko Marlen Reusser igandeko irabazlearen ordez.
Marlen Reusserrek indarrean hasi du Italiako Giroa
Movistar taldeko suitzarra gailendu da Giroari hasiera eman dion erlojupekoan, eta liderraren maillota jantzi du. Lotte Kopecky belgikarra eta Elisa Longo izan dira bigarren eta hirugarren, hurrenez hurren.
Ostolaza, Santesteban eta Amondarain, Laboral Kutxa-Euskadi Fundazioak Italiako Giroan izango duen taldean
Alice Arzuffi, Arianna Fidanza eta Laura Tomasi italiarrek eta Yuliia Biriukova ukrainarrak osatuko dute euskal taldeak lasterketara eramango duen zazpikotea; proba igandean hasiko da, uztailaren 6an.