Reusserrek irabazi du Frantziako Tourreko laugarren etapa, eta Vosek lider jarraitzen du
Marlen Reusser SD Worx taldeko txirrindulari suitzarrak irabazi du asteazken honetan jokatu den Frantziako Tourreko laugarren etapa; bere aldetik, Marianne Vos (Jumbo-Visma) herbeheretarrak lider izaten jarraitzen du.
Reusserrek (30 urte) minutu eta 24 segundoko aldea atera zion bigarren sailkatuari, Évita Muzic frantziarrari (FDJ), eta, hala, bere hamahirugarren garaipena lortu du profesional gisa, 2022ko lehendabizikoa.
Txirrindulariek galtzada-harrizko eta asfaltorik gabeko tarteei egin behar izan diete aurre jardunaldian zehar, eta horrek hainbat matxura mekaniko eragin die parte-hartzaileei.
Vos liderra ez da Silvia Perico (Valcar) italiarrarengandik aldendu; izan ere, huraxe baitu une honetan arerio nagusi sailkapen nagusian Katarzyna Niewiadoma poloniarrarekin batera (SRAM Racing).
Etapa amaitu ondoren, ez da aldaketarik izan sailkapeneko lehen postuetan, eta, horrenbestez, Vosek jarraitzen du lehen postuan 16 segundoko aldearekin Perico eta Niewiadomarekiko.
Mavi Garciaren erorikoa
Etapa amaitzeko 13 kilometro falta zirenean, 38 urteko Mavi Garcia (UAE Team ADQ) espainiarra lurrera joan da, bere taldeko autoak atzeko gurpila ukitu dionean. Espainiako txapeldunak bost postu egin du behera sailkapen nagusian, 1:31 galdu baitu liderraren taldearekiko. Ondorioz, 2 minutu eta 26 segundora dago orain. Aipatu erorikoa izan aurretik, gainera, Garciak hainbat aldiz zulatu du bere bizikleta asfaltorik gabeko tarteetan.
Zure interesekoa izan daiteke
Bartzelonan hasiko da 2026ko Frantziako Tourra, mendia eta Alpe d’Huezen itzulera protagonista dituela
2026ko Frantziako Tourrak badu mapa. Frantziako Tourra Bartzelonatik abiatuko da lehen aldiz, taldekako erlojupeko batekin, Montjuïcen, eta altuerako ibilbidea egingo du: bost amaiera maldan gora, hitzordu bikoitza Alpe d'Huezen, eta 3.333 kilometro guztira.
Frantziako Tourra Mont Ventoux mendatera helduko da
2026ko edizioa Lausanatik abiatuko da abuztuaren 1ean, eta hilaren 9an amaituko da, Nizan. Zazpigarren jardunaldian, Mont Ventoux mendatera igo beharko dute txirrindulariek; horrez gain, laugarren etapa 21. kilometroko erlojupekoa izango da.
Ferrand-Prevotek historia egin du Frantziako Tourra irabazita
Azkeneko etapa ere Vismako txirrindulari frantziarrak bereganatu du. Podiumean Demi Vollering herbeheretarra eta Katarzyna Niewiadoma poloniarra izan ditu ondoan.
Pauline Ferrand-Prevot frantziarrak Tourra erabakita utzi du, Madeleine mendatean erakustaldia emanda
Amaierarako etapa baten faltan, Ferrand-Prevotek 2:37ko aldea du Sara Gigante bigarren sailkatuarekin, eta 3:18koa Demi Volleringekin.
Maeva Squibanek bigarrenez jarraian irabazi du Frantziako Tourrean
Txirrindulari frantziarrak erakustaldia eman du eta bigarren egunez jarraian bakarka helmugaratu da.
Maeva Squiban gailendu da Amberten, bakarka, eta Kim Le Courtek maillot horiari eutsi dio, Frantziako Tourrean
Lasterketako 32. ekitaldiko aurreneko mendiko etapan, UAE taldeko txirrindulari frantziarrak eskuratu du garaipena; AG Insurance taldeko ziklista maurizioarrra, ordea, hirugarren tokian helmugaratu da, seigarren jardunaldian, eta sailkapen nagusian duen aldea, orain, zortzi segundo handiagoa da.
Lorena Wiebesek irabazi du Poitiersen, esprintean, eta Marianne Vosek Frantziako Tourreko lider jarraitzen du
Lasterketako 32. ekitaldiko laugarren etapan, ez da aldaketa nabarmenik izan sailkapen nagusian. Wiebesek, beste behin, erakutsi du munduko esprinterrik onenetakoa dela; astelehenean bezala, garaipena eskuratu du.
Lorena Wiebesek irabazi du Angerseko esprinta, eta Marianne Vosek maillot horia berreskuratu du, Tourrean
SD Worx-Protime taldeko txirrindulari herbeheretarra, Europako egungo txapelduna bera, aurrenekoz gailendu da 32. Frantziako Tourrean; sailkapen nagusian, Visma-Lease a Bikeko herbeheretarra larunbateko etapan eskuratutako lehen postura bueltatu da.
Mavi Garcia nagusitu da Quimperren, eta Le Court horiz jantzi da
41 urteko Liv AlUla Jayco taldeko txirrindulariak 10 kilometro falta zirela ekin dio eraso erabakigarriari, eta 20 segundo inguruko tartea du taldearekiko.
Pogacarrek, Vingegaardek eta Lipowitzek osatu dute podioa
Tadej Pogacarrek irabazi du 2025eko Frantziako Tourra, Jonas Vingegaard bigarren izan da, eta Florian Lipowitz, hirugarren.