Gaia Realini da lehen liderra, Lidl-Trek taldeak lehen eguneko erlojupekoa irabazita
Lidl-Trek taldeak irabazi du Emakumezkoen Espainiako Itzuliaren lehenengo etapa, 16 kilometroko taldekako erlojupekoa, helmugan erorikoa izan duten arren. Garaipen horri esker, Gaia Realini italiarra sailkapen nagusiaren buruan jarri da.
AEBko taldeak alde oso txikia (9 ehunen) atera dio bigarren denborarik onena egin duen Visma-Lease a bike taldeari. Hirugarren postuan, segundo batera, Demi Volleringen SD Worx-Protime sailkatu da. Herbeheretarra garaipena lortzeko faborito nagusietako bat da.
Lehen etapa Valentzian hasi eta amaitu da, eta, besteak beste, Albuferako Parke Naturaleko kostako errepidetik ibili dira.
Gaia Realini (Lidl-Trek), iazko ekitaldiko protagonistetako bat, sailkapen nagusiaren buruan da, Lizzie Deignan Brodie Chapman, Elisa Longo Borhini eta Amanda Spratt taldekideen denbora berean. Faborito nagusia segundo gutxira du.
Laboral Kutxa-Euskadi Fundazioari dagokionez, hamabosgarren egin du etapan. Euskal taldea Lourdes Oyarbide, Debora Silvestri, Nadia Quagliotto, Cristina Tonetti, Laura Tomasi, Aileen Schweikart eta Idoia Eraso txirrindulariek osatzen dute.
Astelehen honetan, errepideko lehen etapa jokatuko dute, 118,3 kilometroko ibilbidearekin, Bunyol eta Moncofa artean. Mendate bat igo beharko dute, 3. mailakoa (Oronet), baina litekeena da garaipena esprintean erabakitzea.
Etapako sailkapena
1 - Lidl - Trek 19:20
2 - Team Visma | Lease a Bike 19:20 d. b.
3 - Team SD Worx - Protime 19:21 +0:01
4 - Canyon//SRAM Racing 19:28 +0:08
5 - EF Education-Cannondale 19:29 +0:09
6 - FDJ - SUEZ 19:29 +0:09
7 - Liv AlUla Jayco 19:30 +0:10
8 - Movistar Team 19:32 +0:12
9 - Team dsm-firmenich PostNL 19:37 +0:17
10 - AG Insurance - Soudal Team 19:52 + 0:32
15 - Laboral Kutxa - Euskadi Fundazioa 20:24 +1:04
Sailkapen nagusia
1 - REALINI Gaia (Lidl - Trek) 0:19:20
2 - DEIGNAN Elizabeth (Lidl - Trek) d. b.
3 - CHAPMAN Brodie (Lidl - Trek) d. b.
4 - LONGO BORGHINI Elisa (Lidl - Trek) d. b.
5 - SPRATT Amanda (Lidl - Trek) d. b.
6 - MARKUS Riejanne (Visma) d. b.
7 - HENDERSON Anna (Visma) d. b.
8 - VOS Marianne (Visma) d. b.
9 - VAN AGT Eva (Visma) d. b.
10 - VON BERSWORDT Sophie (Visma) d. b.
Zure interesekoa izan daiteke
Luis Zubero Kas taldeko txirrindulari historikoa hil da, 77 urte zituela
Zubero, Zeberiokoa bera, euskal taldean aritu zen 1968tik 1974ra. Hiru itzuli handiei dagokienez, lau aldiz izan zen Frantziako Tourrean, hirutan Italiako Giroan eta behin Espainiako Vueltan.
Israel-Premier Techek izena aldatuko du 2026an, "egungo israeldar nortasunetik aldentzeko" helburuarekin
Txirrindulari talde profesionalak aldaketa estrategiko bat iragarri du, eta bere egiturari eta irudiari eragingo die, errepideetako tentsioak eta protestek markatutako urte baten ostean.
Vueltako azken etapa bertan behera utzi dute Madrilen, Gazako genozidioa salatzeko protestak direla eta
Milaka manifestarik errepidea hartu dute Madril erdigunean, eta Poliziak haien kontra egin du. Istiluak izan dira, eta antolatzaileek etapa bertan behera uztea erabaki dute.
Vingegaard nagusitu da Bola del Mundon, eta Vuelta erabakita utzi du
Vingegaardek helmugatik 1,2 km-ra jo du erasoa, eta ia lau orduko denbora eginda irabazi du etapa. Sepp Kuss taldekidea helmugaratu da jarraian, 11 segundora, eta Jai Hindley australiarra, ondoren, 13ra.
Jasper Philipsenek irabazi du Guijueloko esprinta, eta hiru garaipen daramatza 2025eko Vueltan
Alpecin-Deceuninckeko txirrindulari belgikarra argi gailendu da Salamancako herrian, eta Mads Pedersen (Lidl-Trek) helmugaratu da bigarren. Sailkapen nagusian, ez da aldaketarik izan, baina Vingegaardek lau segundoko gainsaria eskuratu du.
Ganna nagusitu da Valladolideko erlojupeko laburtuan, eta Almeidak 10 segundo kendu dizkio Vingegaardi
Gannak 13 minutuan egin du ibilbidea, orduko 56,2 kilometroko abiaduran, eta Jay Vine (UAE) australiarra eta Joao Almeida (UAE) portugaldarra sailkatu dira horren atzetik, segundo bakarrera eta 7 segundora hurrenez hurren.
Espainiako Vueltako Valladolideko erlojupekoak 12.2 kilometro izango ditu, ez 27.2, protestengatik
Lasterketako hamazortzigarren etapako ibilbideari (ostegunean jokatuko dute hori) 15 kilometro kendu dizkiote, "babes handiagoa eman ahal izateko", Palestinaren aldeko eta Israelen eta Israel-Premier Tech taldearen aurkako protestak tarteko.
Pellizzarik garaipena lortu du El Morrederoko gailur kiskalian
Bestalde, Vingegaardek maillot gorriari eutsi dio. Danimarkarrak Almeidarekiko 50 segundoko aldea du, eta Pidcockekiko 2:28koa.
Bernalek Landa gainditu du hamaseigarren etapako helmuga neutralizatuan
Kolonbiarrak ezohiko esprint batean irabazi dio arabarrari. Poio eta Mos/Castro de Herville arteko ibilbidea neutralizatu dute helmugatik 8 kilometrora, amaieratik gertu Israelen aurka egiten ari ziren protestengatik.
Mads Pedersen nagusitu da Monforte de Lemosen
Danimarkako txirrindulariak (Lidl-Trek) lasterketako 15. etapa irabazi du, 4 ordu, 2 minutu eta 13 segundoko denbora eginda. Ondoren, Orluis Aular venezuelarra eta Marco Frigo italiarra helmugaratu dira. Sailkapen nagusian, bestalde, Vingegaardek lidegoari eutsi dio.