Laboral Kutxak Sandra Alonso fitxatu du datorren denboraldirako
28 urteko txirrindulari alacantarrak denboraldi baterako sinatu du talde euskaldunarekin, ama izan ostean lehiaketara itzuli eta maila ona erakutsi ondoren.
Sandra Alonso Laboral Kutxa-Euskadiren eskutik itzuliko da datorren denboraldian pelotoi profesionalera. Torreviejako txirrindulariak 2025eko abenduan izan zuen haurra, eta aurten Eneicat-Be Call taldearekin lasterketetara itzuli ondoren maila bikaina erakutsi du.
Alonso hirugarren izan zen Eibarko Sari Nagusian, brontzea Espainiako erlojupeko txapelketan eta, joan den astean, zilarra Mediterraneoko Jokoetako erlojupekoan. Bere helburuen artean daude Paris-Roubaix berriro korritzea (2022an hamargarren izan zen), eta Frantziako Tourrera itzultzea.
"Nire esperientziak amatasuna eta goi mailako kirola erabat bateragarriak direla erakusteko balio izatea espero dut", adierazi du txirrindulariak.
Alonso Laboral Kutxaren laugarren fitxaketa da datorren denboraldirako, Maier Olano, Ayala Serrano eta Maite Urteagaren ondoren.
Zure interesekoa izan daiteke
Rafael Barbas portugaldarra, Caja Rural - Seguros RGA taldearen bosgarren fitxaketa
Ibilbide menditsuetan bereziki ondo moldatzen den txirrindulariak bi urterako kontratua sinatu du Nafarroako taldearekin.
Pogacarrek Enric Mas gainditu du Castelloko helmugan eta lidergoa sendotu du
UAEko txirrindulari esloveniarrak argi eta garbi gainditu du Movistar taldeko espainiarra, orain sailkapen nagusiko bigarren postuan dagoena, biek beste faborito batzuekiko abantaila hartu ostean.
Matthew Brennanek bere indarra erakutsi du esprintean eta bigarren garaipena lortu du Vueltako bosgarren etapan
Visma taldeko txirrindulari britainiarrak Jordi Meeus belgikarra (Red Bull) eta Vincenzo Albanese italiarra (EF Education) gainditu ditu Roquetesko helmugan. Pogacarrek (UAE) lider jarraitzen du.
Kazkabar ekaitz batek Vueltako hirugarren etapa bertan behera uztera behartu du
Antolatzaileek bertan behera utzi behar izan dute hirugarren etapa, Mont Louiseko igoeran izandako kazkabar ekaitz baten ondorioz.
Matthew Brennanek irabazi du Manosquen, esprintean, eta Tadej Pogacarrek lider jarraitzen du Espainiako Vueltan
Visma Lease a Bike taldeko txirrindulari britainiarra izan da azkarrena lasterketako bigarren etapako azken metroetan. Pogacar hirugarren postuan helmugaratu da, eta, hala, maillot gorriari eutsi dio, sailkapen nagusiko lehen tokian segitzen baitu.
Isaac del Torok irabazi du Alemaniako Itzulia eta Paul Magnierrek azken etapa
Mexikarrak lidergoa mantentzea lortu du Alemaniako Itzuliko laugarren etapan, eta Paul Magnier frantziarrak azken esprint estu batean irabazi du etapa hau. Hemen dago etapa honen azkeneko kilometroa.
Pogacarrek irabazi du Monakon, eta La Vueltako liderra da lehen egunean
Esloveniarrak bederatzi ehunenengatik irabazi dio Ethan Hayterri gorriz janzteko.
Pellizzarik irabazi du hirugarren etapa eta Del Toro lider jarri da berriro Alemaniako Itzulian
Red Bull-Bora taldeko txirrindulari italiarrak eta UAE taldeko mexikarrak elkarrekin egin dituzte azken kilometroak, tropelari aurrea hartuta, eta Del Torok Pellizzariri eman dio garaipena helmugan.
Alaphilippek, XXI. mendeko txirrindulari frantziar onenetako batek, erretiroa hartuko duela iragarri du
Txirrindulari frantziarrak bere azken Frantziako Tourra korritu zuen 2026an, non 126. postuan amaitu zuen.