Tadej Pogacar

2024/05/22 - 19:54

Steinhauserrek bikain lortu du bere lehen garaipena, Broconen, eta Pogacarrek 24 segundo gehiago erdietsi ditu

EF Education taldeko txirrindulari alemaniarrak, 21 urtekoa bera, 2024ko Italiako Giroaren hamazazpigarren etapa irabazi du, bakarka, erakustaldia emanda. Atzetik, lasterketako liderra bigarren helmugaratu da, eta are gehiago handitu du sailkapen nagusian duen aldea.

2024/05/22 - 19:35

Steinhauserren ahalegina, Giroaren 17. etapa irabazteko, eta Pogacarren erasoa, faboritoen multzoan

EF Education taldeko Georg Steinhauser alemaniar gazteak garaipen bikaina eskuratu du, Italiako Giroaren 17. etapan. 34 kilometro gelditzen zirela, Amanuel Ghebreigzabhier (Lidl-Trek) utzi du atzean, eta bakarka nagusitu da. Atzean, Pogacarrek segundo batzuk ere lortu ditu.

2024/05/21 - 20:02

Tadej Pogacarrek bosgarren etapa garaipena lortu du, Monte Panan, 2024ko Giroan

UAEko txirrindulari esloveniarrak, lasterketako liderra bera, etapako azken kilometroan gainditu du Giulio Pellizzari Bardiani taldeko italiar gaztea. Sailkapen nagusian, Daniel Felipe Martínez (BORA) bigarren jarri da, Geraint Thomas gaindituta; kontrako meteorologiak eguna baldintzatu egin du.

2024/05/21 - 16:16

Giroko 16. etapako ibilbidea murriztu dute eguraldi txarragatik

14:25ean hasiko da, eta txirrindulariek ez dituzte igoko lehendabiziko hiru mendateak, tartean Umbrailpass.

2024/05/19 - 19:20

Tadej Pogacarrek beste erakustaldi bat eman du Italiako Giroko etapa nagusia irabazteko

UAE Emirates taldeko esloveniarrak helmugarako 14 kilometrora jo du erasoa faboritoen multzoan, sailkapen nagusiaren lehian dauden gainerako txirrindulariak atzean utzi, eta aurretik ziren gizonak aurreratu ditu, pixkanaka. Hau ere kontuan izanda, lau etapa garaipen daramatza Giro honetan.

2024/05/18 - 19:33

Ganna nagusi Giroko 14. etapako erlojupekoan

Italiako Giroak atzean utzi du hamalaugarren etapa. Txirrindulariek 31,2 kilometroko erlojupekoari egin diote aurre. Bideo honetan dituzu ikugai helmugaratze esanguratsuenak.

2024/05/17 - 19:28

Giroko 13. etapako azken kilometroa eta esprinta

Italiako Giroak atzean utzi du 13. etapa. Garaipena esprintean erabaki da. Bideo honetan duzu ikusgai azken kilometroa oso-osorik.

2024/05/16 - 19:45

Alaphilippek 2024ko Giroan orain arte egindako lanaren saria jaso du; Pogacarrek lider jarraitzen du

Soudal Quick-Step taldeko txirrindulari frantziarra, ia 32 urtekoa bera, bere kirol ibilbidean aurrenekoz dabil Italiako Giroan; hiru etapetan garaipena gertu izan eta gero, laugarrenean gauzatu du helburua, azkenean. Sailkapen nagusian, ez da nabarmentzeko moduko aldaketarik izan.

2024/05/15 - 19:34

Milanek bigarrenez irabazi du 2024ko Giroan, eta maglia ciclaminoa sendotu du; Pogacarrek lider jarraitzen du

Lidl-Trek taldeko txirrindulari italiarrak hamaikagarren etapa erabaki duen esprinta eskuratu du, Francavilla al Maren, eta puntukako sailkapenean duen aurreneko postua indartu egin du. Tadej Pogacarrek ez du aparteko arazorik izan maglia arrosari eusteko.

2024/05/14 - 19:52

Valentin Paret-Peintrek irabazi du Bocca della Selvan, eta Tadej Pogacarrek Giroko lider gisa jarraitzen du

Decathlon AG2R taldeko txirrindulari frantziarra izan da indartsuena eguneko ihesaldian. Helmugarako hiru bat kilometro gelditzen zirela, etapa amaitu den 1. mailako mendatean, atzean utzi du Romain Bardet, eta Jan Tratnik harrapatu eta gainditu du.

2024/05/12 - 20:01

Kooijek irabazi du Giroko 9. etapa; Pogacarrek lidertzari eutsi dio

Olav Kooijek bereganatu du garaipena Italiako Giroko 9. etapan. Esprint estuan, mendean hartu ditu Milan (bigarren) eta Molano (hirugarren). Narvaezek erasoa jo du azken kilometroetan, eta gertu izan du garaipena, baina tropelak harrapatu egin du helmugako marratik metro gutxira.

2024/05/12 - 19:24

Italiako Giroko 10. etaparen profila, ibilbidea eta ordutegiak: Ponpeia-Cusano Mutri (142 km)

Atseden egunaren biharamunean, etapak 1. mailako mendate batean izango du helmuga; 18 kilometroko igoera du, eta malda gogorrenetako asko azken zatian daude.

2024/05/11 - 19:36

Tadej Pogacarrek aise lortu du hirugarren etapa garaipena

Esloveniarra nahieran dabil aurtengo ekitaldian, eta bera izan da lehena helmugan, Prati di Tivo lehen mailako mendatean.

2024/05/11 - 19:30

Italiako Giroko 9. etaparen profila, ibilbidea eta ordutegiak: Avezzano-Napoli (214 km)

Atseden egunaren aurreko jardunaldia Giroaren edizio honetako etapa luzeenetakoa da. Mendate puntuagarri bakarra du, 4. mailakoa, eta ibilbidearen zati gogorrena amaieran izango dute.

2024/05/11 - 19:05

Giroko 8. etapako Prati di Tivoko igoerako erasoaldiak eta garaipenerako lehia

Italiako Giroak atzean utzi du jada 8. etapa. Maldan gora amaitu da, Patri di Tivo mendatean. Txirrindulariek ikuskizun bikaina eskaini dute.

2024/05/10 - 20:08

Tadej Pogacarrek Filippo Ganna gainditu du erlojupekoan, eta Italiako Giroan duen aurreneko postua sendotu

UAE taldeko esloveniarrak Perugiako erlojupekoa irabazi du; 40,6 kilometroko ibilbidean, Pogacarrek 17 segundoko aldea lortu du Gannarekiko, nahiz eta, jardunaldiko azken tartea gelditzen zela, Gannak 47 segundoko aldea zuen. Daniel Felipe Martinez sailkapen nagusiko bigarren postuan jarri da.

2024/05/10 - 19:56

Pogacar nagusi Giroko 7. etapako erlojupekoan, erakustaldia emanda

Tadej Pogacarrek irabazi du 2024ko Italiako Giroko zazpigarren etapa. Hala, bada, esloveniarrak bere bigarren etapa garaipena bereganatu du 107. edizioan. Filippo Gannari 17 segundo atera dizkio eta 49 Magnus Sheffieldi.

2024/05/10 - 19:11

Italiako Giroko 8. etaparen profila, ibilbidea eta ordutegiak: Spoleto-Prati di Tivo (152 km)

Giroaren edizio honetako goi-mendiko lehen etapa da, eta Prati di Tivon amaituko da, 14 kilometro baino gehiagoko lehen mailako igoeraren ostean. Oso jardunaldi garrantzitsua izan daiteke.

2024/05/09 - 19:54

Pelayo Sanchezek Alaphilippe eta Plapp beste iheslariak menderatu ditu; Tadej Pogacarrek lider jarraitzen du

"Sterrato" izenekoaren tarteak zituen etapak, 2024ko Italiako Giroaren seigarrenak, irudi ikusgarriak eta lehia polita utzi ditu. Sailkapen nagusian, ez da nabarmentzeko moduko aldaketarik izan.

2024/05/09 - 19:24

Italiako Giroaren zazpigarren etaparen ibilbidea, profila eta ordutegia: Foligno-Perugia (40,6 km)

Italiako Giroko 107. edizioko bakarkako lehen erlojupekoa zazpigarren etapan jokatuko dute, Foligno eta Peruglia artean (40,6 kilometro). Ibilbidearen azken zatia da etapako gogorrena.