Paris-Niza
Ez dago emaitzarik erakusteko.
2025/10/12 - 21:13
Gizonezkoen eta emakumezkoen 2025eko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak lau egun geroago hasiko dira lehiatzen, proba berean.
2025/03/16 - 19:27
Jorgensonek bigarrenez jarraian irabazi du Paris-Niza lasterketa
Txirrindulari estatubatuarrak erakutsi du lasterketa handi bat lehiatzeko prest dagoela. Magnus Sheffield gailendu da Nizan hasi eta bukatu den azken etapan.
2025/03/16 - 18:38
Paris-Nizako 8. etapako azken kilometroak, Magnus Sheffielden garaipenarekin
INEOS taldeko txirrindularia bera bakarrik iritsi da helmugara, Matteo Jorgenson (Visa Lease a Bike) lasterketako liderraren eta irabazlearen aurretik.
2025/03/15 - 18:28
Storer nagusitu da Auronen elurpean, eta Jorgensonek lidergoari eutsi dio
Australiarra bakarrik iritsi da helmugara, 2 ordu eta 43 minutuko denborarekin. Bigarren Mauro Schmid (Jayco Alula) izan da 20 segundora, hirugarren Georg Steinhauser (EF) 30era, eta laugarren Ivan Romeo (Movistar) 45era. Jorgensonek (Visma), berriz, sailkapen nagusian lider jarraitzen du.
2025/03/15 - 17:50
Auron mendatearen igoerako azken kilometroak, elurrak eta hotzak baldintzatuta
Michael Storer australiarrak irabazi du Paris-Nizako 7. etapa, eguraldi txarraren ondorioz ibilbide laburragoa izan duena.
2025/03/15 - 15:15
Mattias Skjelmosek lasterketa utzi du, sailkapen nagusian hirugarren zela erori ostean
Daniarrak erorikoa izan du, berak bakarrik, helmugarako 51 kilometrora. Skjelmose hirugarren zegoen sailkapen nagusian, Jorgenson liderra 59 segundora zuela.
2025/03/14 - 18:41
Paris-Nizako 6. etapako azken kilometroa: Mads Pedersenek irabazi du, eta Jorgensonek lider jarraitzen du
Mads Pedersen (Lidl-Trek) daniarrak irabazi du Paris-Nizako seigarren etapa, 209 kilometrokoa, eta Matteo Jorgenson (Visma) estatubatuarrak lider jarraitzen du, Jonas Vingegaard taldeburuak osteguneko erorikoaren ondorioz lasterketa utzi ostean.
2025/03/14 - 18:09
Pedersenek esprintean irabazi du seigarren etapa, eta Jorgensonek lider jarraitzen du
Vingegaardek lasterketa utzi ostean, Jorgensonek 40 segundora du Florien Lipowitz (Red Bull Bora) alemana, eta 59ra, berriz, Mattias Skjelmose (Lidl-Trek) daniarra.
2025/03/14 - 15:03
Jonas Vingegaardek Paris-Niza utzi du, 5. etapako erorikoaren eraginez
Txirrindulari daniarrak erorikoa izan zuen ostegunean, eta Paris-Niza lasterketa uztea erabaki du gaur goizean, ondo sendatze aldera.
2025/03/13 - 20:05
Lenny Martinez nagusitu da Cote de Notre-Dame-de-Sciezen, eta Jorgenson berriro jarri da lider, Paris-Nizan
Bahrain-Victorious taldeko txirrindulari frantziarra izan da indartsuena probako bosgarren etapako azken igoeran. Jonas Vingegaardek erorikoa izan du, eta sailkapen nagusiko lehen postua galdu du; orain, bigarren postuan dabil, Matteo Jorgenson taldekidearekiko 22 segundora.
2025/03/13 - 18:46
Paris-Nizako 5. etapako azken kilometroa: Lenny Martinezek irabazi du, eta Jorgenson da, berriro, liderra
Bahrain-Victorious taldeko txirrindulari frantziarra izan da onena Cote de Notre-Dame-de-Sciez mendaterako igoera gogorrean, eta Visma-Lease a Bike taldeko estatubatuarrak berriro ere lortu du sailkapen nagusiko lehenengo postua, Jonas Vingegaard taldekidearen ordez.
2025/03/12 - 19:20
Almeidak irabazi du La Loge des Gardesen, eta Vingegaard da Paris-Nizako liderra
UAEko txirrindulari portugaldarrak, azken metroetan, Vismako danimarkarra gainditu du; sailkapen nagusian, azken horrek bost segundoko aldea du Matteo Jorgenson taldearekiko. Etapako hamabost kilometro neutralizatuta egin dituzte, eguraldi eskasagatik.
2025/03/12 - 18:30
Vingegaarden erasoa eta Almeidaren garaipena, Paris-Nizako 4. etapako azken igoeran
Vismako danimarkarrak, lasterketako lider berria bera, lehen erasoa jo du faborito nagusien multzoan, baina azken metroetan harrapatu egin dute, eta, bien arteko esprintean, Joao Almeidak (UAU) lortu du garaipena.
2025/03/12 - 16:54
Epaileek Paris-Nizako 4. etapa neutralizatzea erabaki dute, eguraldi eskasa dela eta
Helmugarako 46 kilometro gelditzen zirela, zazpi txrrindulari zeuden ihes eginda; orduan, Paris-Nizako 4. etapa gelditu egin dute, eta, gerora, neutralizatu. Une horretan, elurra ari zen, eta errepidean ibiltzeak arrisku handia zekarren.
2025/03/12 - 16:28
Santiago Buitragok Paris-Niza utzi behar izan du, eroriko baten ondorioz
Paris-Niza lasterketako 4. etaparen helmugarako 60 kilometro geratzen zirela, Santiago Buitrago txirrindulari kolonbiarra erori egin da bihurgune batean. Hori dela eta, lasterketa utzi behar izan du.
2025/03/11 - 18:39
Vismak irabazi du Paris-Nizako taldekako erlojupekoa, eta Matteo Jorgenson lider jarri da
2024ko ekitaldiko irabazleak, sailkapen nagusian, sei segundoko aldea du bigarren postuan dabilen Jonas Vingegaard taldekidearekiko. Visma-Lease a Bike taldea Jayco-AlUla taldea baino hamalau segundo azkarrago aritu da etapan, eta Red Bull-BORA 24 segundora gelditu da.
2025/03/11 - 18:17
Visma jaun eta jabe izan da Paris-Nizako 3. etapako taldekako erlojupekoan
Visma-Lease a Bike taldeak irabazi du 2025eko Paris-Nizako tadekako erlojupekoa. Talde irabazleak 14 segundo atera dizkio Jayco AlUla bigarrenari eta 24 segundo, Red Bull-BORA-hangrohe hirugarrenari. Hala, bada, Matteo Jorgenson da txapelketako lider berria.
2025/03/10 - 18:54
Tim Merlier berriro ere nagusitu da Paris-Nizan, eta sailkapen nagusian duen lehen postua sendotu du
Soudal Quick-Step taldeko flandriarra, lehen etapan ere gertatu zenez, azkarrena izan da lasterketako bigarren jardunaldia erabaki duen esprintean, Bellegarden. TotalEnergieseko Emilien Jeanniere helmugaratu da bigarren, eta Lidl-Trekeko Mads Pedersenek eskuratu du hirugarren postua.
2025/03/10 - 18:10
Paris-Nizako bigarren etapako azken kilometroa
2025eko Paris-Nizak atzean utzi du bigarren etapa. Bideo honetan duzu ikusgai azken kilometroa, oso-osorik.
2025/03/10 - 17:58
Gorka Sorarrainek Paris-Niza utzi du eroriko baten ondorioz
2025eko Paris-Niza euskal txirrindularirik barik geratu da. Gorka Sorarrain (Caja Rural-Seguros RGA) zen euskal ordezkari bakarra lasterketa horretan, baina utzi egin behar izan du helmugarako 19 kilometro falta zirenean, erorikoa izan duelako. Tolosarrak kolpe gogorra hartu du sorbaldan.