Nico Williams

2024/04/25 - 00:23

Iñaki Williams, Muniainen gainean: ''Eskerrak ematea merezi du, soilik hori, ordezkatu duenagatik''

Nico Williamsek ere izan du Bilboko taldeko kapitaina hizpide, San Mamesen asteazkenean egindako mahai-inguru batean: "Beti lagundu izan dit, ahalik eta gehien", adierazi du.

2024/04/14 - 22:50

95. minutuan sartutako penalti batek bi puntu kendu dizkio Athletici, Vila-real aurkari (1-1)

Ernesto Valverderen taldea jarri da aurretik, 68. minutuan, Oihan Sancetek egindako gol ikusgarri baten ondorioz, eta Parejok, luzapenean, banakoa egin du. Vila-real bigarren zati osoan aritu da hamar jokalarirekin, eta Athleticek, hala, lau puntura du laugarren postua, orain.

2024/04/12 - 01:32

Athleticek gabarran igota eta historian betiko geldituko den harrera batekin ospatu du bere 25. Kopa

Sevillan irabazitako titulua Bilbok eta Bizkaiak beti gogoan izango duten festa batez ospatu du Athleticek, bere zaleekin batera. Gabarraren ibilbidea, Getxotik Bilboko udaletxeraino, ezin jendetsuagoa izan da, eta Bizkaiko hiriburuan izandako ospakizunek aurreikuspen guztiak gainditu dituzte.

2024/04/11 - 19:51

Williams anaiak: ''Egia bihurtutako ametsa da; merezi dugu''

Iñaki eta Nico Williams Athleticeko jokalariek, urte hauetan jasotako babesa eskertu dute eta eskerrak eman dizkie zale zuri-gorriei. "Amets bat bizitzen" ari direla aipatu dute.

2024/04/07 - 17:22

Athletic, Kopako txapeldun!

Bilboko taldeak Kopan lortu duen 25. titulua eskuratu du Sevillan, Cartuja futbol-zelaian, Mallorca aurkari. Athleticeko 40.000 bat zale izan dira zelai barruan, eta bertatik bertara gozatu ahal izan dute garaipenaz. Titulua penaltietan erabaki da.

2024/04/07 - 17:19

Athleticek eta Mallorcak jokatu duten Errege Kopako finalaren laburpena

Athleticek bere historiako 25. Errege Kopa irabazi du, Sevillan jokatutako finalean Mallorca penaltietan mendean hartuta.

2024/04/07 - 12:48

Nico Williams: ''Beti izan naiz inoren anaia, baina orain izenetik ezagutzen naute''

Athleticen eta Mallorcaren arteko Errege Kopako finaleko MVPak, Iñaki anaiarekin batera, taldeak titulua irabazita sentitutakoaz hitz egin du hedabideen aurrean. "Beti izan naiz inoren anaia, baina orain izenetik ezagutzen naute", esan du Nicok.

2024/04/07 - 04:17

Maria Arthuer: ''Guk bagenekien gaur Kopa hartuko genuela, modu batera edo bestera''

Williamstarren amak aitortu du ezin izan duela penaltien txanda ikusi nerbioengatik, eta emakume batek esan diola irabazi egin dutela: "Komunean ezkutatu naiz, beldur nintzelako". Hala ere, pozez gainezka, osteguna iristea espero duela esan du, handikiro ospatzeko.

2024/04/07 - 03:23

Athleticeko jokalariak, Errege Koparekin

Iker Muniainek Felipe VI.a Borboikoaren eskuetatik jaso du garaikurra, eta zelaira jaitsi da gero, garaipena taldekideekin ospatzeko.

2024/04/07 - 02:53

Oihan Sancetek egin du Athleticen lehen gola Kopako finalean (1-1)

Oihan Sancetek sartu du Athleticen lehen gola Kopako finalean, area barrutik egindako jaurtiketa batekin. Nico Williamsek eman dio pasea, Mallorcari baloia lapurtu ostean.

2024/04/05 - 20:15

Maria Arthuer, Iñaki eta Nico Williamsen ama: ''Pozik gaude; irabazteko ez da urduri egon behar''

Williams anaien amaren arabera, Athleticeko jokalariak lasai eta ziur daude biharko Kopako finala irabaziko dutela.

2024/03/15 - 13:17

Simon, Remiro, Vivian, Zubimendi, Merino, Sancet, N. Williams eta Oyarzabal, Espainiako selekzioaren deialdian

Daniel Vivian Athleticeko jokalaria da berritasun nagusia Luis de la Fuente hautatzaileak emandako deialdian, Espainiak Kolonbiaren eta Brasilen aurka jokatuko dituen partidetarako. Guztira, zortzi euskal futbolari deitu ditu De la Fuentek.

2024/03/01 - 02:46

Athletic-Atletico Errege Kopako finalerdietako itzuliko partidako golak eta laburpena (3-0)

Athleticek 3-0 irabazi dio Atletico Madrili Errege Kopako finalerdietako itzuliko partidan. Iñaki Williams, Nico Williams eta Gorka Guruzeta izan dira partidako golegileak. Bideo honetan, neurketako laburpena ikus daiteke.

2024/03/01 - 00:31

Nico Williamsek egin du Athleticen bigarren gola (2-0)

Lehendabiziko golaren jokaldia errepikatu du Athleticek bigarrenean; baina oraingoan, Iñaki Williamsek egin du erdiraketa, Oihan Sanceten pasea baliatuta, eta Nicok sartu baloia Oblaken atean.

2024/02/25 - 20:13

Athleticek Betisekin galdu du partida kaskarra eginda, Nico Williamsen kaleratzeak baldintzatuta (3-1)

Jokalari zuri-gorriak bigarren txartel horia ikusi du epaileari txalo egiteagatik lehenengoa atera dionean, eta taldea 10 jokalarirekin utzi du. Chimy Avila, Yuri (bere atean), Cardoso eta Berenguer izan dira neurketako golegileak.

2024/02/07 - 12:04

Athleticek lehen kolpea eman nahi du Metropolitanon, Nico Williams egon ala ez

Iñaki Williams bere onera etorri da, eta prest dago Kopako finalaurreko joaneko partidan Atletico Madrilen aurka lehiatzeko. Nico Williamsek jokatu ahal izango duen, berriz, zalantzan dago. Ernesto Valverdek jokalari guztiak sartu ditu deialdian.

2024/02/06 - 20:41

Valverde: ''Ziurrenik, Atletico da etxean onena den Europako taldea''

Ernesto Valverde Athleticeko entrenatzaileak adierazi du medikuek erabakiko dutela Nico Williams Kopako finalaurreko joaneko partida jokatzeko moduan dagoen ala ez. Horrez gain, Atletico Madril gainditzeko eta finalera heltzeko dena eman beharko dutela azpimarratu du.

2024/02/03 - 17:01

Nico Williamsek lesioa du izterrean, eta zalantzan dago Kopan Atleticoren aurka parte hartuko duen

Athleticeko jokalariak min hartuta amaitu du Mallorcaren kontrako Ligako partida. Klubak jakinarazi du Nicok lesioa duela eskuin izterreko gihar aduktorean. Iñaki Williamsek, berriz, min zehaztugabea du ezker oinean.

2024/02/03 - 00:16

Athleticek 4-0 menderatu du Mallorca, eta Ligan berriro irabaztea lortu du horrela

Yuri Berchichek, lehen zatian bi gol eginez, eta Gorka Guruzetak eta Iker Muniainek, bigarren zatian bana eginda, eman diote garaipena Bilboko taldeari. Nico eta Iñaki Williams bigarren zatian kendu behar izan ditu Ernesto Valverdek, eta baliteke arazo fisikoren bat izatea.

2024/01/25 - 02:28

Errege Kopako Athletic-Bartzelona kanporaketako golak eta laburpena (4-2)

Gorka Guruzetak, Oihan Sancetek, Iñaki Williamsek eta Nico Williamsek sartu dituzte Athletici Kopako finalaurrekoetarako txartela eman dioten lau golak.