IDK Euskotren eta Bilbao Basket, Europako laugarren garaipenaren bila
IDK Euskotrenek eta Surne Bilbao Basketek asteazken honetan, urriak 30, jokatuko dute Eurokopa eta FIBA Europa Kopa txapelketen fase erregularreko laugarren jardunaldia. Zehazki, IDK Euskotrenek 17:00etan jokatuko du Belgraden, Izar Gorriaren aurka, eta Bilbao Basketek Balkan Botevgraden aurka jokatuko du, 18:00etatik aurrera. EITBk zuzenean emango ditu bi partidak: Izar Gorria-IDK Euskotren ETB4n eta eitb.eus-en izango da ikusgai, eta Balkan Botevgrad-Bilbao Basket partida eitb.eus-en jarraitu ahal izango da.
Gauzak horrela, IDK Euskotren Eurokopan jarraitzen saiatuko da, C multzoaren barruan. Donostiako taldea hurrengo faserako sailkapena ziurtatzetik oso gertu dago; izan ere, Belgraden garaipena lortuz gero, pase hori ia bermatuta izango luke. Hori bai, Gascan (Donostia) Izar Gorriaren aurka jokatutako neurketa asteazkeneko konpromisoaren zailtasunaren eredua da; izan ere, IDK Euskotrenen aldeko markagailu oso zabaleko faseak egon baziren ere, Izar Gorria hobea izan zen partidaren azken bi laurdenetan, eta azken emaitza estuak begi bistan utzi zuen (70-64).
FIBA Europa Kopan pronostikoa Bilbao Basketen aldekoa da Bizkaiko taldeak eta Balkan Botevgradek Casillan (Bilbo) jokatu zuten partidan gertatutakoa eta gero, 40 puntugatik irabazi zuen Jaume Ponsarnauren taldeak (95-55). Bulgariako taldeak, Balkanek, hiru porrot ditu beste horrenbeste partidatan, eta ia ez du txapelketan jarraitzeko aukerarik. Horrela, Bilbao Basketek garaipenaren bidera itzultzeko aukera ona du, Endesa Ligan, igandean, Valentziaren aurka galdu ondoren.
Esan bezala, asteazken honetan, Izar Gorria-IDK Euskotren partida 17:00etan hasiko da; Balkan Botevgrad-Bilbao Basket norgehiagoka, berriz, 18:00etan. Zaleek zuzenean ikusi ahal izango dituzte bi-biak, EITBn.
Zure interesekoa izan daiteke
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Surne Bilbaok finalerako sailkapena bideratu du, Hungarian Szombathely 81-98 mendean hartuta
Norgehgiagoka hasiera nahiko eskas baten ostean, beltzezko gizonek norabidea zuzendu dute, eta azken hiru laurdenetan nagusi izan dira. Ponsarnauren mutilek 17 puntuko errenta lortu dute Miribillako itzulerako neurketari begira.
Surne Bilbaok FIBA Europe Cupeko finalerako sailkatu nahi du, asteazkenean, Hungrian, Szombathelyren aurka
Partida 18:00etan hasiko da, eta kirolakeitb.eus eta ETB1ON bitartez emanen da, zuzenean.
Ponsarnau, Surne Bilbaorekin 2029ra arte berritu ondoren: “Bilbo nire etxea da, zalantzarik gabe"
"Esaten didate Bilbok mesede egiten didala, ez dakit txuletoiengatik izango ote den", adierazi du Kataluniako prestatzaileak, txantxetan. Ponsarnauk adierazi duenez, proiektuaren jarraipena "aurrerapauso bat ematera" bideratuta dago.
Surne Bilbaok porrot egin du Murtziaren aurka hiruko jaurtiketen ondorioz (100-81)
Surne Bilbaok 100-81eko emaitzarekin galdu du UCAM Murtziaren aurka Endesa Ligako 24. jardunaldian. Aurkariaren defentsako lan ona eta Sito Alonsoren taldeak hirukoetan asmatu ez izana funtsezkoak izan dira partida erabakitzeko.
Surne Bilbaori buruzko dokumentala aurkeztu dute
Gaur arratsaldean estreinatu da Bilboko BBK aretoan. Marc Ramon eta Alejandra Llambres errealizadoreak taldearekin izan ziren Lleidaren aurka jokatu bezperako astean.
Jaworskiren erakustaldiak garaipenera eraman du Surne Bilbao Andorran (98-102)
Surne Bilbaok luzapenean menderatu du Andorra (98-102). Partida lehiatua izan arren, Justin Jaworskiren erakustaldiak (36 puntu) erabaki du neurketa. Etxekoen ahaleginak, Rice eta Besten gidaritzapean, ez du saririk izan, bisitariak nagusitu baitira, luzapenean. Ondorioz, Andorrak jaitsiera postuetan jarraituko du.