Bilbao Basketek FIBA Europa Kopako final laurdenetarako txartela ziurtatu nahi du, Gottingen aurkari
Surne Bilbao Basketek FIBA Europa Kopako final laurdenetarako txartela ziurtatu nahi du, asteazkenean, Alemanian, Sparkassen-Arena pabiloian, Gottingen taldea aurkari. Bilboko taldeak ez du, orain arte, neurketarik galdu txapelketan, eta, garaipena lortuz gero, final laurdenetan izango da. Norgehiagoka 19:30ean hasiko da, eta ETB4k eta eitb.eus-ek zuzenean emango dute.
FIBA Europa Kopako bigarren multzo faseari dagokion laugarren jardunaldiko partida izango da, K multzoan; hau da, bigarren itzuliko aurreneko partida. Jaume Ponsarnauren taldeak hiru garaipen erdietsi ditu bigarren fasean orain arte jokatu dituen hiru partidetan, eta, hortaz, Gottingenek baino bi garaipen gehiago ditu. Lehenengo jardunaldian, Miribillan aritu ziren nor baino nor gehiago, eta Bilboko taldea gailendu zen, 75-73; Bilbao Basketek Alemanian irabaziz gero, etxeko taldea ia-ia aukerarik gabe geldituko litzateke, eta, bereziki, bermatuta legoke, euskal taldeak multzoko lehen bi postuetako bat lortuko lukeela, hau da, final laurdenetarako sailkatzea eskuratuko lukeela.
Horretarako, baina, ziurrenik Bilbao Basketek Bilbao Arenako partidan baino hobeto jokatu beharko du. Alemaniako taldeak partida hartako azken tartera arte izan zuen irabazteko aukera; azkenean, oso gutxigatik nagusitu zen Bizkaiko taldea, batez ere Thijs de Ridderrek egindako lan bikainagatik (18 puntu sartu zituen eta sei errebote hartu, eta balorazioan 23 izan zuen).
Partida hori irabazita, Bilbao Basketek erakutsi du zergatik den multzoko faboritoa; izan ere, etxetik kanpo jokatutako bi partidatan garaipena lortu du, Portugalen, Portoren aurka, 72-75, eta Bulgarian, Balkan Botevgrad azken sailkatua argi mendean hartuta (62-94). Gottingen, ordea, ez da horren fin ibili: etxean, bi norgehiagoka jokatu ditu; aurrenekoan, 76-70 menderatu zuen Botevgrad, ondo jokatu gabe, eta bigarrenean, aldiz, Porto aurkari, galdu egin zuen, 81-87, luzapenean.
Keith Hornsby eskoltak Real Madrilen aurkako partidan egin zuen debuta, igandean, eta erabat prest dago taldeari laguntzeko; Ponsarnauk jokalari guztiak ditu eskuragarri, 14, bajarik ez baitago, eta, beraz, bi utzi beharko ditu deialditik kanpo.
Arestian esan bezala, partida 19:30ean hasiko da, eta eitb.eus-ek eta ETB4k zuzenean emango dute.
Zure interesekoa izan daiteke
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Surne Bilbaok finalerako sailkapena bideratu du, Hungarian Szombathely 81-98 mendean hartuta
Norgehgiagoka hasiera nahiko eskas baten ostean, beltzezko gizonek norabidea zuzendu dute, eta azken hiru laurdenetan nagusi izan dira. Ponsarnauren mutilek 17 puntuko errenta lortu dute Miribillako itzulerako neurketari begira.
Surne Bilbaok FIBA Europe Cupeko finalerako sailkatu nahi du, asteazkenean, Hungrian, Szombathelyren aurka
Partida 18:00etan hasiko da, eta kirolakeitb.eus eta ETB1ON bitartez emanen da, zuzenean.
Ponsarnau, Surne Bilbaorekin 2029ra arte berritu ondoren: “Bilbo nire etxea da, zalantzarik gabe"
"Esaten didate Bilbok mesede egiten didala, ez dakit txuletoiengatik izango ote den", adierazi du Kataluniako prestatzaileak, txantxetan. Ponsarnauk adierazi duenez, proiektuaren jarraipena "aurrerapauso bat ematera" bideratuta dago.
Surne Bilbaok porrot egin du Murtziaren aurka hiruko jaurtiketen ondorioz (100-81)
Surne Bilbaok 100-81eko emaitzarekin galdu du UCAM Murtziaren aurka Endesa Ligako 24. jardunaldian. Aurkariaren defentsako lan ona eta Sito Alonsoren taldeak hirukoetan asmatu ez izana funtsezkoak izan dira partida erabakitzeko.
Surne Bilbaori buruzko dokumentala aurkeztu dute
Gaur arratsaldean estreinatu da Bilboko BBK aretoan. Marc Ramon eta Alejandra Llambres errealizadoreak taldearekin izan ziren Lleidaren aurka jokatu bezperako astean.
Jaworskiren erakustaldiak garaipenera eraman du Surne Bilbao Andorran (98-102)
Surne Bilbaok luzapenean menderatu du Andorra (98-102). Partida lehiatua izan arren, Justin Jaworskiren erakustaldiak (36 puntu) erabaki du neurketa. Etxekoen ahaleginak, Rice eta Besten gidaritzapean, ez du saririk izan, bisitariak nagusitu baitira, luzapenean. Ondorioz, Andorrak jaitsiera postuetan jarraituko du.