Bilbao Basketek Sibiuren etxean jokatuko du, final zortzirenetako txartelaren bila
Surne Bilbao Basketek BC CSU Sibiu taldeari bisita egingo dio asteazken honetan, FIBA Europe Cup txapelketako final zortzirenetarako txartela ziurtatzeko asmoz. Jaume Ponsarnauk gidatzen dituen jokalariek fase honetan orain arte jokatutako lau partidak irabazi dituzte; beraz, B taldeko lehen postuan daude. Asteazkeneko norgehiagoka zuzenean ikusteko aukera eskainiko du EITBk, ETB4 telebista-katean zein eitb.eus webgunean, 18:00etatik aurrera.
Beltzezko gizonek erraz irabazi zioten Errumaniako taldeari joanekoan, eta helburu horrekin irtengo dira kantxara oraingoan ere. Sibiuk ez du oraindik irabazi fase honetan, taldeko azkena da, eta kanporatuta dago dagoeneko.
Lehian ari diren hamar multzoetako irabazleek soilik izango dute zuzenean final zortzirenetara sailkatzeko aukera. Horiez gain, bigarren postu onena lortzen duten sei taldeek ere aurrera egingo dute. Gaur egun, Glasgowko Caledoniak soilik ken diezaioke lehen tokia Bizkaiko taldeari; dena den, horretarako, geratzen zaizkien bi partidak irabazteaz gain, Bilbao Basketek galdu egin beharko lituzke bere bi neurketak. Azken jardunaldira berdinduta iritsiz gero, Bilbao Basketek joanekoan ateratako 58 puntuak irauli beharko lituzke Eskoziako ekipoak.
Alex Renfroe eta Sacha Killeya-Jones jokalarien bajak
Ponsarnauk ezin izango ditu Alex Renfroe eta Sacha Killeya-Jones kantxaratu. Beltzezko gizonen entrenatzaileak azaldutakoaren arabera, base estatubatuarra ez da Errumaniara joango, Endesa Ligako bigarren jardunaldian Baskoniaren kontra jokatutako partidatik duen lesioa zaintzeko. Killeya-Jones pibot britainiarra, bestetik, Real Madrilen aurkako norgehiagokan izandako erorikotik errekuperatzeke dagoela zehaztu du.
Horien ordez, Unai Barandalla eta Asier Fernandez harrobiko jokalariek egingo dute bidaia Errumaniara taldearekin.
Zure interesekoa izan daiteke
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Surne Bilbaok finalerako sailkapena bideratu du, Hungarian Szombathely 81-98 mendean hartuta
Norgehgiagoka hasiera nahiko eskas baten ostean, beltzezko gizonek norabidea zuzendu dute, eta azken hiru laurdenetan nagusi izan dira. Ponsarnauren mutilek 17 puntuko errenta lortu dute Miribillako itzulerako neurketari begira.
Surne Bilbaok FIBA Europe Cupeko finalerako sailkatu nahi du, asteazkenean, Hungrian, Szombathelyren aurka
Partida 18:00etan hasiko da, eta kirolakeitb.eus eta ETB1ON bitartez emanen da, zuzenean.
Ponsarnau, Surne Bilbaorekin 2029ra arte berritu ondoren: “Bilbo nire etxea da, zalantzarik gabe"
"Esaten didate Bilbok mesede egiten didala, ez dakit txuletoiengatik izango ote den", adierazi du Kataluniako prestatzaileak, txantxetan. Ponsarnauk adierazi duenez, proiektuaren jarraipena "aurrerapauso bat ematera" bideratuta dago.
Surne Bilbaok porrot egin du Murtziaren aurka hiruko jaurtiketen ondorioz (100-81)
Surne Bilbaok 100-81eko emaitzarekin galdu du UCAM Murtziaren aurka Endesa Ligako 24. jardunaldian. Aurkariaren defentsako lan ona eta Sito Alonsoren taldeak hirukoetan asmatu ez izana funtsezkoak izan dira partida erabakitzeko.
Surne Bilbaori buruzko dokumentala aurkeztu dute
Gaur arratsaldean estreinatu da Bilboko BBK aretoan. Marc Ramon eta Alejandra Llambres errealizadoreak taldearekin izan ziren Lleidaren aurka jokatu bezperako astean.
Jaworskiren erakustaldiak garaipenera eraman du Surne Bilbao Andorran (98-102)
Surne Bilbaok luzapenean menderatu du Andorra (98-102). Partida lehiatua izan arren, Justin Jaworskiren erakustaldiak (36 puntu) erabaki du neurketa. Etxekoen ahaleginak, Rice eta Besten gidaritzapean, ez du saririk izan, bisitariak nagusitu baitira, luzapenean. Ondorioz, Andorrak jaitsiera postuetan jarraituko du.