Bilbao Basketek Lenovo Tenerife egungo txapeldunaren aurka jokatuko du asteartean
Surne Bilbao Basketek FIBA Txapeldunen Ligako Top 16ko hirugarren jardunaldiko partida jokatuko du astearte honetan, La Lagunan, Santiago Martin Kiroldegian, txapelketako egungo txapelduna den Lenovo Teneriferen aurka, 20:30ean. Partida eitb.eus-en zuzenean izango da ikusgai, baita ETB4n ere, baina kasu horretan diferituan, Aguas Santas Milaneza-Bidasoa partida amaitu ostean.
Bizkaiko taldea emaitzen krisi larrian iritsiko da Tenerifeko kantxara; izan ere, zortzi porrot jaso ditu azken hamar partidetan. Baina, batez ere, joko aldetik nabarmen egin du behera: denboraldi hasieran ez bezala, partidako azken minutuetan lehiatzeari utzi dio.
Porrot horietatik hiru Ligan izan dira (Girona, Joventut eta Santiago), eta bat Txapeldunen Ligan. Amaieran itxuratu zuten 90-72ko markagailua Murtzian, baina L multzoko lehen bi postuetako bat eskuratzeko aukera gutxiago ditu orain. Tenerifek lidergo sendoa du multzo horretan.
Europako txapelketako hirugarren fase honi Darüssafaka talde turkiarraren aurka (85-75) lortutako garaipenarekin ekin ondoren, UCAMen aurkako porrotak zaildu egin dio Surne Bilbaori ordura arte bikain bideratuta zeraman txapelketa.
Gainera, Monbus Obradoirori egindako bisitan, Ludde Hakanson, denboraldi honetako jokalari garrantzitsuena, lesionatu egin zen.
Tenerife-Surne Bilbao partidak aurrekari bat du denboraldi honetan Endesa Ligan: orduan, etxekoen garaipen argia izan zen (73-57), pibotak bikain aritu ostean: Gio Shermadini (20 puntu, 7 errebote, 2 tapoi eta 26ko balorazioa) etxeko taldean, eta Jeff Withey (15, 9, 3 eta 23) eta Michale Kyser (16, 6, 0 eta 18) Bilboko taldean.
Bilbao Basketen taldean, beste partida bat zegoen aurreikusita astearterako, Turkian: Darüssafaka-UCAM Murtzia. Asteleheneko lurrikara handien ondorioz, baina, partida hori bertan behera utzi dute.
Zure interesekoa izan daiteke
Surne Bilbaok garaipen sendoa lortu du Hiopos Lleidaren aurka Miribillan (93-75)
Beltzezko gizonek nagusitasunez irabazi dute, markagailua oso parekatuta joan bada ere, etxekoek oso indartsu amaitu baitute partida.
Surne Bilbaok sendo ekin dio txapelketako bigarren faseari, Sportingi irabazita (94-79)
Jaume Ponsarnauk zuzentzen duen taldea sufritu du partidako hainbat fasetan, baina ia beti aurretik egon da markagailuan. Garaipen garrantzitsua lortu dute beltzezko gizonek.
Surne Bilbaok Sporting CPren aurka hasiko du FIBA Europa Kopako bigarren fasea, asteazkenean, Miribillan
Bigarren faseko lehen partida hau, EITBk zuzenean emanen duena, 18:30ean hasiko da. PAOK Salonika eta Prievidza izanen dira euskal taldearen multzoa osatuko duten taldeak.
Pantzarrek eta Jaworskik gidatu dute Surne Bilbaoren garaipena Kanaria Handiaren aurka (79-72)
Melwin Pantzarrek eta Justin Jaworskik gidatu dute igande honetan Miribillan Surne Bilbaoren garaipena Dreamland Kanaria Handiaren aurka (79-72). Bizkaitarrek datorren Errege Kopan parte hartzeko anbizioa dute.
Greziako PAOK, Eslovakiako Prievidza eta Portugaleko Sporting, Surne Bilbaoren aurkariak, bigarren fasean
Beltzezko gizonek Sporting Portugalen aurka jokatuz ekingo dio FIBA Europa Kopako bigarren itzuliari, abenduaren 10ean, etxean.
Surne Bilbaok Kutaisi jipoitu du Miribillan, eta multzoko buru dabilela, sailkapena lortu du (117-54)
Gainera, beltzezko gizonek klubaren historiako saskiratze-marka berriz hautsi dute.
Surne eta Bilbao Basket, elkarrekin 2031ra arte
Kontratua berrituta, taldearen izena Surne Bilbao izanen da aurrerantzean.
Surne Bilbao Basketek taldeko lehen postua ziurtatu nahi du Kutaisi 2010en aurka
Kutaisiren aurkako norgehiagoka zuzenean izango da ikusgai, 20:00etatik aurrera, bai eitb.eus-en bai ETB4n.
Bilbao Basketek galdu egin du Real Madrilen aurka, lehiakor aritu bada ere (82-70)
Surne Bilbao Basketek gogor egin dio aurre Real Madrili Movistar Arenan, baina azken laurdenean indarrak ahitu zaizkio, eta, azkenean, 82-70 galdu du.
Bilbao Basketek berriz irabazi dio Brnori (115-100), eta multzoko lehen postua lortzeko pauso bakarra behar du
Bilbotarrek aise irabazi diete txekiarrei berriro, baina Brnok bizkaitarrak zertxobait estutu ditu une batzuetan. Surne Bilbao Basketek bere saskiratze marka hautsi du berriro gaurko norgehiagokan.