Bilbao Basketek Darussafakaren aurka garaipena bereganatuta (85-75) ekin dio Top 16ari
Surne Bilbao Basketek irabazi egin dio Darussafakari (85-75) asteazken honetan (urtarrilaren 25ean) Bilbao Arenan jokatu den Txapeldunen Ligako Top 16ko ligaxkako lehen jardunaldiko partida.
Horrenbestez, bikain ekin dio Bizkaiko taldeak final-zortzirenetako ligaxkari. Multzoko beste neurketan Lenovo Tenerifek mendean hartu du UCAM Murtzia, 85 eta 65.
Lehen hiru puntuak Bilboko taldeak bereganatu ditu Rabasedaren hiruko bati esker (3-0). Ondoren, bost puntuko abantaila izan du Bilbao Basketek, baina Darussafakak azkar erantzun du puntu bakarrera gerturatuta (9-8). Parekotasuna nagusi izan den minutu batzuen ostean, etxeko taldeak zuloa ireki du markagailuan (16-8), eta, azkenean, Bizkaikoen aldeko 18-14ko emaitzarekin amaitu dira lehen hamar minutuak.
Bigarren laurdenaren hasieran nagusi izan da Turkiako taldea; emaitza berdindu du (22-22), baita aurrea hartu ere (22-25). Bilbao Basketek aurkariaren bolada onari eutsi dio, eta desabantaila ezerezean utzi du (25-25), jarraian bi puntuko errenta (29-27) bereganatuta. Laurdenaren azken txanpan, jokoaren aginte-makila hartu du Darussafakak; talde bisitariak bost puntuko abantaila lortu du (29-34), baina Bilbao Basketek ez dio utzi zuloa handitzen, eta bi puntuko desabantailarekin joan da atsedenaldira (34-36).
Aldagelatik pasatzea ondo etorri zaio Bilbao Basketei; izan ere, hirugarren laurdenean jaun eta jabe izan baita Jaume Ponsarnauk zuzentzen duen taldea. Etxekoak azkar jarri dira aurretik markagailuan (39-38), eta Darussafakak lehia berdindu duen arren (41-41), gehiago izan da Bilbao Basket. Pixkanaka, errenta handitzen hasi da Bilboko taldea (55-46), eta zortzi puntuko errentarekin iritsi da azken laurdenera (60-52).
Bilbao Basketek kontrolpean izan du norgehiagoka amaierako hamar minutuetan. Ponsarnauk zuzendutako taldeak ez dio aukerarik eman aurkariari; bikain ibili da defentsako zein erasoko lanean, eta Darussafakak ez du emaitza estutzeko aukerarik izan. Gauzak horrela, garaipena eskuratu du Surne Bilbao Basketek, 85-75eko emaitzarekin.
Fitxa teknikoa:
85 - Surne Bilbao Basket (18+16+26+25): Hakanson (12), Smith (14), Rabaseda (10), Sulejmanovic (8) eta Withey (8) -hasierako taldea-; Radicevic (6), Alonso (12), Reyes, Andersson (3), Kyser (12) eta Ubal.
75 - Darussafaka (14+22+16+23): Starks (14), Ozdemiroglu (6), Yeboah (8), Aaron White (2) eta Olaseni (8) -hasierako taldea-; Kormaz (6), McCullough (10), Sayili (2), Osmani (19), Kus eta Buyukcangaz.
Epaileak: Wojciech Liszka (Polonia), Lorenzo Baldini (Italia) eta Nicolas Maestre (Frantzia). Kanporaturik gabe.
Zure interesekoa izan daiteke
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Surne Bilbaok finalerako sailkapena bideratu du, Hungarian Szombathely 81-98 mendean hartuta
Norgehgiagoka hasiera nahiko eskas baten ostean, beltzezko gizonek norabidea zuzendu dute, eta azken hiru laurdenetan nagusi izan dira. Ponsarnauren mutilek 17 puntuko errenta lortu dute Miribillako itzulerako neurketari begira.
Surne Bilbaok FIBA Europe Cupeko finalerako sailkatu nahi du, asteazkenean, Hungrian, Szombathelyren aurka
Partida 18:00etan hasiko da, eta kirolakeitb.eus eta ETB1ON bitartez emanen da, zuzenean.
Ponsarnau, Surne Bilbaorekin 2029ra arte berritu ondoren: “Bilbo nire etxea da, zalantzarik gabe"
"Esaten didate Bilbok mesede egiten didala, ez dakit txuletoiengatik izango ote den", adierazi du Kataluniako prestatzaileak, txantxetan. Ponsarnauk adierazi duenez, proiektuaren jarraipena "aurrerapauso bat ematera" bideratuta dago.
Surne Bilbaok porrot egin du Murtziaren aurka hiruko jaurtiketen ondorioz (100-81)
Surne Bilbaok 100-81eko emaitzarekin galdu du UCAM Murtziaren aurka Endesa Ligako 24. jardunaldian. Aurkariaren defentsako lan ona eta Sito Alonsoren taldeak hirukoetan asmatu ez izana funtsezkoak izan dira partida erabakitzeko.
Surne Bilbaori buruzko dokumentala aurkeztu dute
Gaur arratsaldean estreinatu da Bilboko BBK aretoan. Marc Ramon eta Alejandra Llambres errealizadoreak taldearekin izan ziren Lleidaren aurka jokatu bezperako astean.
Jaworskiren erakustaldiak garaipenera eraman du Surne Bilbao Andorran (98-102)
Surne Bilbaok luzapenean menderatu du Andorra (98-102). Partida lehiatua izan arren, Justin Jaworskiren erakustaldiak (36 puntu) erabaki du neurketa. Etxekoen ahaleginak, Rice eta Besten gidaritzapean, ez du saririk izan, bisitariak nagusitu baitira, luzapenean. Ondorioz, Andorrak jaitsiera postuetan jarraituko du.