Bilbao Basket vs Nymburk, etxeko lanak eginda
Surne Bilbao Basketek asteazken honetan itxiko du Txapeldunen Ligako fase erregularra ERA Nymburk talde txekiarraren aurka, Miribillan (20:00etan). Bertan, bere txapelketa ona ospatuko du, azken jardunaldia baino lehen multzoko txapeldun izendatu baitzen.
Gainera, Jaume Ponsarnauren taldea zuzenean sailkatu da lehiaketako 16 talde onenen faserako eta txapelketako zortzi multzoetako bigarren eta hirugarrenek jokatu behar duten "Play In" deserosoa saihestu dute.
Surne Bilbaok D Multzoko lehen postua ziurtatu zuen, aurreko jardunaldian, Turkian, Bahcesehir Collegeren aurka erakustaldia emanda Istanbulen jokatutako 40 minutuetan (60-92).
Garaipen horrekin, laugarren jardunaldian Igokea bosniarraren aurka etxean galdutako partida ahazteko moduan izan ziren Ponsarnauk zuzendutako mutilak (81-84), porrotak arazoak ekar zitzakeen Bilboko taldearentzat. Baina ez, "beltzezko gizonek" bikain gainditu zuten partida erabakigarria.
Barnealdeko jokalariak buru zituztela, Jeff Witheyk (13 puntu, 8 errebote eta 23ko balorazioa), Emir Sulejmanovicek (16, 5 eta 19) eta Michale Kyserrek (11, 5, 2 tapoi eta 14) eta Ludde Hakanson antolatzaileak (10, 5 asistentzia eta 14) multzoko lehen postua eta final-zortzirenetako multzoen faserako txartela ziurtatu zituzten.
Partida zuzenean eskainiko da ETB4n eta eitb.eus-en asteazkenean, arratsaldeko 20:00etatik aurrera.
Zure interesekoa izan daiteke
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Surne Bilbaok finalerako sailkapena bideratu du, Hungarian Szombathely 81-98 mendean hartuta
Norgehgiagoka hasiera nahiko eskas baten ostean, beltzezko gizonek norabidea zuzendu dute, eta azken hiru laurdenetan nagusi izan dira. Ponsarnauren mutilek 17 puntuko errenta lortu dute Miribillako itzulerako neurketari begira.
Surne Bilbaok FIBA Europe Cupeko finalerako sailkatu nahi du, asteazkenean, Hungrian, Szombathelyren aurka
Partida 18:00etan hasiko da, eta kirolakeitb.eus eta ETB1ON bitartez emanen da, zuzenean.
Ponsarnau, Surne Bilbaorekin 2029ra arte berritu ondoren: “Bilbo nire etxea da, zalantzarik gabe"
"Esaten didate Bilbok mesede egiten didala, ez dakit txuletoiengatik izango ote den", adierazi du Kataluniako prestatzaileak, txantxetan. Ponsarnauk adierazi duenez, proiektuaren jarraipena "aurrerapauso bat ematera" bideratuta dago.
Surne Bilbaok porrot egin du Murtziaren aurka hiruko jaurtiketen ondorioz (100-81)
Surne Bilbaok 100-81eko emaitzarekin galdu du UCAM Murtziaren aurka Endesa Ligako 24. jardunaldian. Aurkariaren defentsako lan ona eta Sito Alonsoren taldeak hirukoetan asmatu ez izana funtsezkoak izan dira partida erabakitzeko.
Surne Bilbaori buruzko dokumentala aurkeztu dute
Gaur arratsaldean estreinatu da Bilboko BBK aretoan. Marc Ramon eta Alejandra Llambres errealizadoreak taldearekin izan ziren Lleidaren aurka jokatu bezperako astean.
Jaworskiren erakustaldiak garaipenera eraman du Surne Bilbao Andorran (98-102)
Surne Bilbaok luzapenean menderatu du Andorra (98-102). Partida lehiatua izan arren, Justin Jaworskiren erakustaldiak (36 puntu) erabaki du neurketa. Etxekoen ahaleginak, Rice eta Besten gidaritzapean, ez du saririk izan, bisitariak nagusitu baitira, luzapenean. Ondorioz, Andorrak jaitsiera postuetan jarraituko du.