RETAbet Bilbao Basketek porrot mingarria jaso du Estudiantesen aurka
RETAbet Bilbao Basketek 87-83 galdu du Movistar Estudiantesen aurka Madrilen. Neurketa oso parekatua izan da, eta azken minutuan erabaki da irabazlea. Estudiantesek gehiago asmatu du jokaldi erabakigarrietan eta denboraldiko seigarren garaipena eskuratu du.
Etxeko taldeak oso ondo ekin dio norgehiagokari eta lehen minutu parekatu batzuen ondoren, abantaila lortzen hasi da Estudiantes. Zazpi puntuko abantaila izatera iritsi da Movistar Estudiantes eta lehen hamar minutuak etxekoen aldeko 30-24ko emaitzarekin amaitu dira. Hurrengo laurdenean, aldiz, RETAbet Bilbao Basketek jokoa hobetu eta lehia parekatzea lortu du. Hain izan da parekatua bigarren laurdena, berdinduta bukatu dela (45-45).
Atsedenalditik kantxara itzuli ostean, lehiak parekatuta jarraitu du. Markagailuak aldaketak izan ditu talde baten zein bestearen alde, baina ez dira gai izan puntu bat, bi puntu edo hiru puntu baino gehiagogatik aurrea hartzeko. Dena den, abantailarekin heldu da RETAbet Bilbao Basket azken laurdenera (63-66). Partidak amaierako hamar minutuetan, aurreko 30etan izan duen gidoi berbera izan du. Markagailua estu eta parekotasuna nagusi. Azken minutua erabakigarria izan da. Bilbao Basket ez da fin ibili aurkariaren saski aurrean jokaldi erabakigarrietan eta horretaz baliatu da Estudiantes garaipena lortzeko (87-83).
Fitxa teknikoa:
87 - Movistar Estudiantes (30+15+18+24): Jackson (27), Vicedo (5), Suton (15), Arteaga (11) eta Cook (5) -hasierako bostekoa-, Page (10), Grimau (2), Fernández (2), Brizuela, Savané (5) eta Wilson (5).
83 - Retabet Bilbao (24+21+21+17): Bamforth (13), Tabu (16), Lapornik (6), Mumbrú (13) eta Hervelle (4) -hasierako bostekoa-, Borg (4), Mendía (2), Salgado (1), Todorovic (7) eta Buva (17).
Epaileak: Carlos Cortes, Juan de Dios Oyon eta Pedro Munar.
ta Pedro Munar.Zure interesekoa izan daiteke
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Surne Bilbaok finalerako sailkapena bideratu du, Hungarian Szombathely 81-98 mendean hartuta
Norgehgiagoka hasiera nahiko eskas baten ostean, beltzezko gizonek norabidea zuzendu dute, eta azken hiru laurdenetan nagusi izan dira. Ponsarnauren mutilek 17 puntuko errenta lortu dute Miribillako itzulerako neurketari begira.
Surne Bilbaok FIBA Europe Cupeko finalerako sailkatu nahi du, asteazkenean, Hungrian, Szombathelyren aurka
Partida 18:00etan hasiko da, eta kirolakeitb.eus eta ETB1ON bitartez emanen da, zuzenean.
Ponsarnau, Surne Bilbaorekin 2029ra arte berritu ondoren: “Bilbo nire etxea da, zalantzarik gabe"
"Esaten didate Bilbok mesede egiten didala, ez dakit txuletoiengatik izango ote den", adierazi du Kataluniako prestatzaileak, txantxetan. Ponsarnauk adierazi duenez, proiektuaren jarraipena "aurrerapauso bat ematera" bideratuta dago.
Surne Bilbaok porrot egin du Murtziaren aurka hiruko jaurtiketen ondorioz (100-81)
Surne Bilbaok 100-81eko emaitzarekin galdu du UCAM Murtziaren aurka Endesa Ligako 24. jardunaldian. Aurkariaren defentsako lan ona eta Sito Alonsoren taldeak hirukoetan asmatu ez izana funtsezkoak izan dira partida erabakitzeko.
Surne Bilbaori buruzko dokumentala aurkeztu dute
Gaur arratsaldean estreinatu da Bilboko BBK aretoan. Marc Ramon eta Alejandra Llambres errealizadoreak taldearekin izan ziren Lleidaren aurka jokatu bezperako astean.
Jaworskiren erakustaldiak garaipenera eraman du Surne Bilbao Andorran (98-102)
Surne Bilbaok luzapenean menderatu du Andorra (98-102). Partida lehiatua izan arren, Justin Jaworskiren erakustaldiak (36 puntu) erabaki du neurketa. Etxekoen ahaleginak, Rice eta Besten gidaritzapean, ez du saririk izan, bisitariak nagusitu baitira, luzapenean. Ondorioz, Andorrak jaitsiera postuetan jarraituko du.