Bilbao Basketek garaipena eskuratu du estreineko jardunaldian
Dominion Bilbao Basketek garaipena lortu du MoraBanc Andorraren aurka (69-79) Endesa Ligako 2015-2016 denboraldiko lehen jardunaldian. Partida parekatua izan da, baina talde bizkaitarra nagusitu da azken laurdenean.
Hasieratik norgehiagoka lehiatua jokatu dute bi taldeek. Bietako batek ere ez du lortu markagailuan zuloa irekitzea. Bilbao Basketek, ordea, lehen laurdena lau puntuko abantailarekin bukatzea lortu du (21-25). Bigarren laurdena, lehenegoaren antzekoa izan da. Lehia bizia bi taldeen artean eta parekotasuna nagusi, nahiz eta Dominion Bilbao Basketek gehiago asmatu duen Andorrak defendatutako saskian. Partida, talde bizkaitarraren aldeko 35-41eko emaitzarekin iritsi da atsedenaldira.
Atsedenaldik bueltan, etxeko taldeak defentsa sendotzea lortu du, eta parekotasuna areagotu egin da. Hirugarren laurdenean Andorraren hobekuntza nabaria izan da, eta Bilbao Basketek ezin izan du atsedenaldira eraman duen abantaila handitu. Dena den, Dominion Bilbao Basketek lau puntuko abantailarekin (54-58) ekin dio azken laurdenari.
Partidako azken hamar minutuetan, Bilboko taldea aurkaria baino gehiago izan da jokoaren alde guztietan eta alde garrantzitsuak lortzen hasi da. Andorrarentzat gehiegi izan da talde bizkaitarrak laugarren laurdenaren hasieran hartu duen abantaila eta garaipena Dominion Bilbao Basketentzat izan da (69-79).
Fitxa teknikoa:
69- Andorra (21+14+19+15): Schreiner (7), Stojanovski (14), Betinho (10), Bogdanovic (10), Shermadini (3) -hasierako bostekoa- Sada (2), Navarro (17), Clark (6), Jones (0), Pino (0).
79- Bilbao Basket (25+16+17+21): Lopez (8), Ruoff (13), Mumbru (15), Hervelle (5), Bogris (6) -hasierako bostekoa- Hannah (9), James (13), Suarez (9), Bertans (0), Todorovic (0), Borg (1).
Epaileak: Conde, Peruga eta Zamorano.
ta Zamorano.Zure interesekoa izan daiteke
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Surne Bilbaok finalerako sailkapena bideratu du, Hungarian Szombathely 81-98 mendean hartuta
Norgehgiagoka hasiera nahiko eskas baten ostean, beltzezko gizonek norabidea zuzendu dute, eta azken hiru laurdenetan nagusi izan dira. Ponsarnauren mutilek 17 puntuko errenta lortu dute Miribillako itzulerako neurketari begira.
Surne Bilbaok FIBA Europe Cupeko finalerako sailkatu nahi du, asteazkenean, Hungrian, Szombathelyren aurka
Partida 18:00etan hasiko da, eta kirolakeitb.eus eta ETB1ON bitartez emanen da, zuzenean.
Ponsarnau, Surne Bilbaorekin 2029ra arte berritu ondoren: “Bilbo nire etxea da, zalantzarik gabe"
"Esaten didate Bilbok mesede egiten didala, ez dakit txuletoiengatik izango ote den", adierazi du Kataluniako prestatzaileak, txantxetan. Ponsarnauk adierazi duenez, proiektuaren jarraipena "aurrerapauso bat ematera" bideratuta dago.
Surne Bilbaok porrot egin du Murtziaren aurka hiruko jaurtiketen ondorioz (100-81)
Surne Bilbaok 100-81eko emaitzarekin galdu du UCAM Murtziaren aurka Endesa Ligako 24. jardunaldian. Aurkariaren defentsako lan ona eta Sito Alonsoren taldeak hirukoetan asmatu ez izana funtsezkoak izan dira partida erabakitzeko.
Surne Bilbaori buruzko dokumentala aurkeztu dute
Gaur arratsaldean estreinatu da Bilboko BBK aretoan. Marc Ramon eta Alejandra Llambres errealizadoreak taldearekin izan ziren Lleidaren aurka jokatu bezperako astean.
Jaworskiren erakustaldiak garaipenera eraman du Surne Bilbao Andorran (98-102)
Surne Bilbaok luzapenean menderatu du Andorra (98-102). Partida lehiatua izan arren, Justin Jaworskiren erakustaldiak (36 puntu) erabaki du neurketa. Etxekoen ahaleginak, Rice eta Besten gidaritzapean, ez du saririk izan, bisitariak nagusitu baitira, luzapenean. Ondorioz, Andorrak jaitsiera postuetan jarraituko du.