Garaipenaren bideari heldu dio berriro Bilbao Basketek (90-74)
Bilbao Basketek garaipena lortu du Miribillan Kanaria Handiaren aurka jokatutako partidan (90-74), aurreko astean Murtzian jasotako porrot mingarria atzean utzita. Bertans (24 puntu) eta Raul Lopez (18) izan dira onenak bizkaitarren artean.
Lehen bi laurdenetan oreka izan da nagusi markagailuan eta jokoan. Talde biak txandakatu egin dira markagailuaren agintean, baina alde nabarmenik lortu gabe. Gauzak horrela, atsedenaldian partida irekita izan da: 37-33.
Aldaketa hirugarren laurdena hasi eta berehala iritsi da. Sito Alonsoren gizonak jaun eta jabe izan dira eta markagailuko aldea nabarmen handitu dute, denbora gutxian. Zazpi hiruko sartu dituzte bilbotarrek, hirugarren laurden honetan.
Baina kanariarrekez dute amore eman, eta jarraian 6 eta 15eko partziala egin diete Miribillakoei. Kanaria Handia bizirik heldu da azken laurdenera (69-60).
Neurketa erabakitzeke, bilbotarrek seriotasuna, eta nagusitasuna, agertu dute kantxan eta kanariarrak gehiegi ez gerturatzea lortu dute. Ondorioz, azken 10 minutuetan 11 eta 14 punturen artean izan da markagailuko aldea, beti beltzezko gizonen alde.
Azkenean, 90-74; Bilbao Basketek 17. garaipena lortu du Ligan.
Fitxa teknikoa:
90 - Bilbao Basket (15+22+32+21): Colom (10), Bertans (24), Mumbrú (10), Hervelle (4) y Marko Todorovic (7) -hasierako boskota-; Raúl López (18), Borg (8), Andjusic, Wragge eta Williams (9).
Entrenatzailea: Sito Alonso.
74 - Herbalife Kanaria Handia (16+17+27+14): Bellas (13), Kuric (9), Newley (6), Summers (2) y Tavares (8) -hasierako boskotea-, Oliver (10), Salin (8), Txemi Urtasun, Paulí, O'Leary (9), Báez (9) eta Kendall.
Entrenatzailea: Aíto García Reneses.
Partzialak: 15-16, 37-33 (atsedenaldia); 69-60 eta 90-74 (amaiera).
Zure interesekoa izan daiteke
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Surne Bilbaok finalerako sailkapena bideratu du, Hungarian Szombathely 81-98 mendean hartuta
Norgehgiagoka hasiera nahiko eskas baten ostean, beltzezko gizonek norabidea zuzendu dute, eta azken hiru laurdenetan nagusi izan dira. Ponsarnauren mutilek 17 puntuko errenta lortu dute Miribillako itzulerako neurketari begira.
Surne Bilbaok FIBA Europe Cupeko finalerako sailkatu nahi du, asteazkenean, Hungrian, Szombathelyren aurka
Partida 18:00etan hasiko da, eta kirolakeitb.eus eta ETB1ON bitartez emanen da, zuzenean.
Ponsarnau, Surne Bilbaorekin 2029ra arte berritu ondoren: “Bilbo nire etxea da, zalantzarik gabe"
"Esaten didate Bilbok mesede egiten didala, ez dakit txuletoiengatik izango ote den", adierazi du Kataluniako prestatzaileak, txantxetan. Ponsarnauk adierazi duenez, proiektuaren jarraipena "aurrerapauso bat ematera" bideratuta dago.
Surne Bilbaok porrot egin du Murtziaren aurka hiruko jaurtiketen ondorioz (100-81)
Surne Bilbaok 100-81eko emaitzarekin galdu du UCAM Murtziaren aurka Endesa Ligako 24. jardunaldian. Aurkariaren defentsako lan ona eta Sito Alonsoren taldeak hirukoetan asmatu ez izana funtsezkoak izan dira partida erabakitzeko.
Surne Bilbaori buruzko dokumentala aurkeztu dute
Gaur arratsaldean estreinatu da Bilboko BBK aretoan. Marc Ramon eta Alejandra Llambres errealizadoreak taldearekin izan ziren Lleidaren aurka jokatu bezperako astean.
Jaworskiren erakustaldiak garaipenera eraman du Surne Bilbao Andorran (98-102)
Surne Bilbaok luzapenean menderatu du Andorra (98-102). Partida lehiatua izan arren, Justin Jaworskiren erakustaldiak (36 puntu) erabaki du neurketa. Etxekoen ahaleginak, Rice eta Besten gidaritzapean, ez du saririk izan, bisitariak nagusitu baitira, luzapenean. Ondorioz, Andorrak jaitsiera postuetan jarraituko du.