Bilbao Basketek, hirutik hiru Eurokopan
Bilbao Basketek sendo jarraitzen du Eurokopan. Txapelketa honetako hirugarren jardunaldiko partida, 98-71 irabazi dio Spirou Charleroiri. Orain arte jokatu dituen hiru partidak irabazi ditu Rafa Pueyok zuzentzen duen taldeak, eta B multzoko liderra da.
Partida oso parekatua izan da lehen bi laurdenetan. Hasierako minutuetan, Spirouk abantaila hartu du, eta Bilbao Basket ezinean ibili da (4-13). Lehen laurdeneko azken txanpan, ordea, etxeko taldeak bere jokoa hobetu eta aldeak murriztea lortu du. Lehen hamar minutuak Spirouren aldeko 18-21eko emaitzarekin bukatu dira.
Bigarren laurdenean, gauzak ez dira asko aldatu. Parekotasuna izan da nagusi, baina Bilbao Basketek lehen laurdenean baino askoz hobeto jokatu du. Bi taldeetako batek ere ez du abantaila handirik lortu bigarren laurdenean, eta Bilbao Basket izan da atsedenaldira puntu bateko abantailarekin iritsi den taldea (39-38).
Garaipena hirugarren laurdenean utzi du bideratuta Bilbao Basketek. Rafa Pueyok zuzentzen duen taldeak aurkariak baino askoz hobeto jokatu du laurden hau, eta abantaila handia lortu du. Spirou Charleroi ezinean ibili da.
Bilbao Basketek hogei puntuko aldearekin (72-52) ekin dio azken laurdenari, eta ez du arazorik izan errenta horri eusteko. Azkenean, 98-71ko emaitzarekin irabazi du partida Bilbao Basketek.
Fitxa teknikoa:
98 - Bilbao Basket (18+21+33+26): Raul Lopez (10), Pilepic (15), Mumbru (10), Hervelle (17) eta Kavaliauskas (4) -hasierako bostekoa-; Grimau (6), Bertans (11), Vrkic (6), Lukauskis (2), Gabriel (11), Samb (2) eta Sergio Sanchez (4).
71 - Belgacom Spirou Charleroi (21+17+14+19): Steinbach (6), Mallet (12), Mukubu (7), Devin Green (20) eta Watkins (11) –hasierako bostekoa-; Justin Hamilton (2), Gruszecki (-), Abukar (11), Beghin (2) eta Monclar (-).
Partzialak: 18-21, 39-38 (atsedenaldia); 72-52 eta 98-71 (amaiera).
Epaileak: Milivoje Jovcic (SER), Elias Koromilas (GRE) eta Petar Obradovic (BIH).
Zure interesekoa izan daiteke
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Surne Bilbaok finalerako sailkapena bideratu du, Hungarian Szombathely 81-98 mendean hartuta
Norgehgiagoka hasiera nahiko eskas baten ostean, beltzezko gizonek norabidea zuzendu dute, eta azken hiru laurdenetan nagusi izan dira. Ponsarnauren mutilek 17 puntuko errenta lortu dute Miribillako itzulerako neurketari begira.
Surne Bilbaok FIBA Europe Cupeko finalerako sailkatu nahi du, asteazkenean, Hungrian, Szombathelyren aurka
Partida 18:00etan hasiko da, eta kirolakeitb.eus eta ETB1ON bitartez emanen da, zuzenean.
Ponsarnau, Surne Bilbaorekin 2029ra arte berritu ondoren: “Bilbo nire etxea da, zalantzarik gabe"
"Esaten didate Bilbok mesede egiten didala, ez dakit txuletoiengatik izango ote den", adierazi du Kataluniako prestatzaileak, txantxetan. Ponsarnauk adierazi duenez, proiektuaren jarraipena "aurrerapauso bat ematera" bideratuta dago.
Surne Bilbaok porrot egin du Murtziaren aurka hiruko jaurtiketen ondorioz (100-81)
Surne Bilbaok 100-81eko emaitzarekin galdu du UCAM Murtziaren aurka Endesa Ligako 24. jardunaldian. Aurkariaren defentsako lan ona eta Sito Alonsoren taldeak hirukoetan asmatu ez izana funtsezkoak izan dira partida erabakitzeko.
Surne Bilbaori buruzko dokumentala aurkeztu dute
Gaur arratsaldean estreinatu da Bilboko BBK aretoan. Marc Ramon eta Alejandra Llambres errealizadoreak taldearekin izan ziren Lleidaren aurka jokatu bezperako astean.
Jaworskiren erakustaldiak garaipenera eraman du Surne Bilbao Andorran (98-102)
Surne Bilbaok luzapenean menderatu du Andorra (98-102). Partida lehiatua izan arren, Justin Jaworskiren erakustaldiak (36 puntu) erabaki du neurketa. Etxekoen ahaleginak, Rice eta Besten gidaritzapean, ez du saririk izan, bisitariak nagusitu baitira, luzapenean. Ondorioz, Andorrak jaitsiera postuetan jarraituko du.