Miribillak final-laurdenetara bultzatu du Bilbao Basket
Bilbao Basketek Eurokopako final-laurdenetarako txartela lortu du, VEF Riga 76-65 gaindituta, Miribillan. Uxuek sailkatzeko garaipena bai ala bai behar zuen, eta taldeak ez du hutsik egin. Letoniako taldeak ia partida osoan aurpegia eman du, eta Katsikarisen mutilek zaleen babes ikusgarria eskertu dute.
Bizkaiko taldeak akats gehiegi egin ditu erasoan, lehenengo laurdenean, eta Danielsek eta Rowlandek ederki gidatu dute Riga (10-17). Letoniako taldeak gogor defendatu du Miribillan, eta 9 puntuko alde garrantzitsua lortu du (13-22).
Bigarren laurdeneko aurreneko minutuetan, VEF Rigak markagailuko aldea handitu egin du (13-27), eta Uxue Bilbao Basket ezinean aritu da. Hala ere, Raul Lopezek erasoa bikain gidatu du, eta Bilboko taldeak 25-31koa jarri du. Kavaliauskasek taula azpian aise agindu du, baina Katsikarisen mutilek erasoan gehiago asmatu dute. Honela, Grimauk 34-35ekoa jarri du, eta Mumbruk markagailuan goitik jarri du Uxue (37-36).
Atsedenaldiaren ostean, Rowlandek puntu garrantzitsuak lortu ditu Rigarentzat, baina Lamont Hamiltonek ere saskiratze erabakigarriak sartu ditu (47-44). Zavackasek hiruko garrantzitsua eskuratu du, eta Letoniako taldea markagailuan goitik jarri da, berriz ere (49-50). Katsikarisen mutilek markagailuan azpitik (51-53 ) bukatu dute hirugarren laurdena.
Rigako taldeak 53-58ko markagailu arriskutsua jarri du, azkeneko laurdenaren hasierako minutuetan, eta Uxue Bilbao Basketek saskiratzeak lortzeko asko sufritu du. Hala ere, Bizkaiko taldeak oso gogor borrokatu du bi saskietan, eta 57-58koa jarri du. Mumbruk berdinketaren saskiratzea eskuratu du (60-60), eta talde beltzak aurrea hartu du (66-63). VEF Rigak ezin izan du markagailua irauli, eta garaipena Fotis Katsikarisen mutilek lortu dute (76-65).
- Fitxa teknikoa:
76 - Uxue Bilbao Basket (13+24+14+25): Zisis (7), Vasileadis (3), Mumbru (15), Hervelle (2) eta Hamilton (12) -hasierako bostekoa-; Raul Lopez (15), Grimau (4), Moerman (14) eta Rakovic (4).
65 - VEF Riga (22+14+17+12): Rowland (10), Janicenoks (10), Daniels (8), Kavaliauskas (12) eta Berzins (11) -hasierako bostekoa-; Bertans (8), Zavackas (6), Jahovics, Strelnieks eta Blaus.
Partzialak: 13-22, 37-36 (atsedenaldia); 51-53 eta 76-65 (bukaera).
Zure interesekoa izan daiteke
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Surne Bilbaok finalerako sailkapena bideratu du, Hungarian Szombathely 81-98 mendean hartuta
Norgehgiagoka hasiera nahiko eskas baten ostean, beltzezko gizonek norabidea zuzendu dute, eta azken hiru laurdenetan nagusi izan dira. Ponsarnauren mutilek 17 puntuko errenta lortu dute Miribillako itzulerako neurketari begira.
Surne Bilbaok FIBA Europe Cupeko finalerako sailkatu nahi du, asteazkenean, Hungrian, Szombathelyren aurka
Partida 18:00etan hasiko da, eta kirolakeitb.eus eta ETB1ON bitartez emanen da, zuzenean.
Ponsarnau, Surne Bilbaorekin 2029ra arte berritu ondoren: “Bilbo nire etxea da, zalantzarik gabe"
"Esaten didate Bilbok mesede egiten didala, ez dakit txuletoiengatik izango ote den", adierazi du Kataluniako prestatzaileak, txantxetan. Ponsarnauk adierazi duenez, proiektuaren jarraipena "aurrerapauso bat ematera" bideratuta dago.
Surne Bilbaok porrot egin du Murtziaren aurka hiruko jaurtiketen ondorioz (100-81)
Surne Bilbaok 100-81eko emaitzarekin galdu du UCAM Murtziaren aurka Endesa Ligako 24. jardunaldian. Aurkariaren defentsako lan ona eta Sito Alonsoren taldeak hirukoetan asmatu ez izana funtsezkoak izan dira partida erabakitzeko.
Surne Bilbaori buruzko dokumentala aurkeztu dute
Gaur arratsaldean estreinatu da Bilboko BBK aretoan. Marc Ramon eta Alejandra Llambres errealizadoreak taldearekin izan ziren Lleidaren aurka jokatu bezperako astean.
Jaworskiren erakustaldiak garaipenera eraman du Surne Bilbao Andorran (98-102)
Surne Bilbaok luzapenean menderatu du Andorra (98-102). Partida lehiatua izan arren, Justin Jaworskiren erakustaldiak (36 puntu) erabaki du neurketa. Etxekoen ahaleginak, Rice eta Besten gidaritzapean, ez du saririk izan, bisitariak nagusitu baitira, luzapenean. Ondorioz, Andorrak jaitsiera postuetan jarraituko du.