Real Madrilek Uxue Bilbao Basket jipoitu du (74-94)
Uxue Bilbao Basketek jipoia jaso du Real Madrilen aurka Bilbao Arenan. Endesa Ligako liderrak, 74-94ko emaitzarekin irabazi dio talde bizkaitarrari.
Partida hasieran 0-9ko partziala lortu du Real Madrilek, baina Bilbao Basketen erantzuna azkarra izan da, 10-0 partziala lortuta (10-9). Ondoren, Real Madrilek berriro nagusi izatea lortu du (10-16), eta azkenean Madrileko taldearen aldeko 16-20ko emaitzarekin bukatu da lehen laurdena.
Bigarren laurdenari gaizki ekin dio Uxue Bilbao Basketek. Real Madrili erraztasunak eman dizkio talde bizkaitarrak, eta Pablo Lasok zuzentzen duen taldeak hamaika puntuko aldea lortu du (20-31). Partida maldan gora jarri zaio etxeko taldeari, baina garaiz suspertu da Bilbao Basket, eta desabantaila pixka bat murriztea lortu du. Horrenbestez, zortzi puntuko aldearekin iritsi da Real Madril atsedenaldira (35-43).
Atsedenalditik itzulita, partida erabakita utzi du Real Madrilek. Pablo Lasok zuzentzen duen taldeak ongi ekin dio laurdenari, eta Bilbao Basket erabat menderatu du. Pixkanaka, abantaialk handitzea lortu du Real Madrilek, eta hamabost puntuko aldea lortu du hirugarren laurdenaren amaieran (54-69).
Azken laurdenean erakustaldia eman du Endesa Ligako liderrak. Bilbao Basket ezinean ibili da partida guztian bezala, eta jipoi galanta eman dio Madrileko taldeak. Azkenean, 74-94ko emaitzarekin bukatu da partida.
Fitxa teknikoa:
74 - Uxue Bilbao Basket (16+19+19+20): Zisis (8), Vasileadis (6), Mumbru (5), Hervelle (21) eta Hamilton (15) -hasierako bostekoa-; Raul Lopez (5), Pilepic (4), Grimau (4), Moerman (2) eta Rakovic (4).
94 - Real Madril (20+23+26+25): Draper (3), Llull (21), Suárez (8), Hettsheimeir (8) eta Begic (8) -hasierako bostekoa-; Rodriguez (13), Carroll (), Mirotic (17), Reyes (12) eta Slaughter (4).
Partzialak: 16-20, 35-43 (atsedenaldia); 54-69 eta 74-94 (amaiera).
Epaileak: Bulto, Perea eta Perez Niz.
Zure interesekoa izan daiteke
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Surne Bilbaok finalerako sailkapena bideratu du, Hungarian Szombathely 81-98 mendean hartuta
Norgehgiagoka hasiera nahiko eskas baten ostean, beltzezko gizonek norabidea zuzendu dute, eta azken hiru laurdenetan nagusi izan dira. Ponsarnauren mutilek 17 puntuko errenta lortu dute Miribillako itzulerako neurketari begira.
Surne Bilbaok FIBA Europe Cupeko finalerako sailkatu nahi du, asteazkenean, Hungrian, Szombathelyren aurka
Partida 18:00etan hasiko da, eta kirolakeitb.eus eta ETB1ON bitartez emanen da, zuzenean.
Ponsarnau, Surne Bilbaorekin 2029ra arte berritu ondoren: “Bilbo nire etxea da, zalantzarik gabe"
"Esaten didate Bilbok mesede egiten didala, ez dakit txuletoiengatik izango ote den", adierazi du Kataluniako prestatzaileak, txantxetan. Ponsarnauk adierazi duenez, proiektuaren jarraipena "aurrerapauso bat ematera" bideratuta dago.
Surne Bilbaok porrot egin du Murtziaren aurka hiruko jaurtiketen ondorioz (100-81)
Surne Bilbaok 100-81eko emaitzarekin galdu du UCAM Murtziaren aurka Endesa Ligako 24. jardunaldian. Aurkariaren defentsako lan ona eta Sito Alonsoren taldeak hirukoetan asmatu ez izana funtsezkoak izan dira partida erabakitzeko.
Surne Bilbaori buruzko dokumentala aurkeztu dute
Gaur arratsaldean estreinatu da Bilboko BBK aretoan. Marc Ramon eta Alejandra Llambres errealizadoreak taldearekin izan ziren Lleidaren aurka jokatu bezperako astean.
Jaworskiren erakustaldiak garaipenera eraman du Surne Bilbao Andorran (98-102)
Surne Bilbaok luzapenean menderatu du Andorra (98-102). Partida lehiatua izan arren, Justin Jaworskiren erakustaldiak (36 puntu) erabaki du neurketa. Etxekoen ahaleginak, Rice eta Besten gidaritzapean, ez du saririk izan, bisitariak nagusitu baitira, luzapenean. Ondorioz, Andorrak jaitsiera postuetan jarraituko du.