Bilbao Basketek luzapenean galdu du partida bikaina jokatu ostean
Uxue Bilbao Basketek 87-85 galdu du Palau Blaugranan. Bizkaitarrek partida bikaina jokatu dute, baina norgehiagoka luzapenean erabaki da eta bilbotarrek porrot egin dute. Partidaren amaieran eta luzapenean Bartzelonak Uxuek baino gehiago asmatu eta garaipena lortu du.
Bilbao Basketek hasiera ikusgarria egin du Palau Blaugranan, eta 0-12ko partziala sartu dio Bartzelonari. Bizkaitarrek defentsan sakatu eta erasoan ikaragarri asmatu dute aurreneko minutuetan.
Hala ere, inork ez zuen esan erraza izan behar zenik, eta Barça markagailuan berehala hurbildu da. Baina beltzezko gizonek ez dute etsi eta lanean jarraitu dute lehen laurdena bost puntu goitik bukatzeko (15-20).
Bigarren laurdenean Vasileiadisek orkatilean min hartu du epaile bati zapaldu ostean. Greziako hegalekoak kantxa utzi behar izan du. Neurketak parekotasunaren bidetik jarraitu du atsedenaldira arte (29-32). Huertasek (13 puntu) Kataluniako taldea partidan bizirik mantendu du.
Atsedenaldiaren ostean Vasileiadis osatu egin da eta neurketan parte hartu du berriro. Bilbotarrek fin jarraitu eta markagailuan alde egin dute. Mumbruk eta Hamiltonek beltzezko gizonak gidatu dituzte. Baina kataluniarrak suspertu dira eta abantaila murriztu dute (47-53).
Azken laurdenean Uxuek garaipena eskuetan izan du Hamiltonek hiruko erabakigarri bat sartu eta gero. Baina bilbotarrek kale egin dute, eta Barçak azken minutuan asmatu du. Horrela, neurketa luzapenean erabaki behar izan da.
Luzapena orekatua izan da eta ez da amaierara arte erabaki, baina bilbotarrek azken laurdeneko kolpea nabaritu dute. Horrela, bizkaitarrek porrot egin dute partida bikaina jokatu ostean. Vasileiadisek norgehiagoka irabazteko aukera izan du azken jabetzan, baina ez du hirukoan asmatu.
Fitxa teknikoa:
87 - Bartzelona Regal (15+14+18+26+14): Sada (-), Navarro (-), Mickeal (8), Wallace (-), Tomic (4) -hasierako bostekoa-, Jawai (12), Huertas (19), Abrines (5), Rabaseda (7), Lorbek (18) eta Jasikevicius (14).
84 - Uxue Bilbao Basket (20+12+21+20+12): Raul Lopez (-), Vasileadis (24), Mumbru (10), Hervelle (-), Hamilton (21) -hasierako bostekoal-; Zisis (12), Pilepic (5), Grimau (3), Moerman (-), Rakovic (10) eta Samb (-).
Zure interesekoa izan daiteke
Surne Bilbaok Prievidza menderatu du (46-83), eta sendo jarraitzen du FIBA Europa Kopan
Txapelketako bigarren fasean, euskal taldeak bi partida jokatu ditu, eta bietan lortu du garaipena, Eslovakiako taldearen kantxan irabazita.
Surne Bilbaok garaipen sendoa lortu du Hiopos Lleidaren aurka Miribillan (93-75)
Beltzezko gizonek nagusitasunez irabazi dute, markagailua oso parekatuta joan bada ere, etxekoek oso indartsu amaitu baitute partida.
Surne Bilbaok sendo ekin dio txapelketako bigarren faseari, Sportingi irabazita (94-79)
Jaume Ponsarnauk zuzentzen duen taldea sufritu du partidako hainbat fasetan, baina ia beti aurretik egon da markagailuan. Garaipen garrantzitsua lortu dute beltzezko gizonek.
Surne Bilbaok Sporting CPren aurka hasiko du FIBA Europa Kopako bigarren fasea, asteazkenean, Miribillan
Bigarren faseko lehen partida hau, EITBk zuzenean emanen duena, 18:30ean hasiko da. PAOK Salonika eta Prievidza izanen dira euskal taldearen multzoa osatuko duten taldeak.
Pantzarrek eta Jaworskik gidatu dute Surne Bilbaoren garaipena Kanaria Handiaren aurka (79-72)
Melwin Pantzarrek eta Justin Jaworskik gidatu dute igande honetan Miribillan Surne Bilbaoren garaipena Dreamland Kanaria Handiaren aurka (79-72). Bizkaitarrek datorren Errege Kopan parte hartzeko anbizioa dute.
Greziako PAOK, Eslovakiako Prievidza eta Portugaleko Sporting, Surne Bilbaoren aurkariak, bigarren fasean
Beltzezko gizonek Sporting Portugalen aurka jokatuz ekingo dio FIBA Europa Kopako bigarren itzuliari, abenduaren 10ean, etxean.
Surne Bilbaok Kutaisi jipoitu du Miribillan, eta multzoko buru dabilela, sailkapena lortu du (117-54)
Gainera, beltzezko gizonek klubaren historiako saskiratze-marka berriz hautsi dute.
Surne eta Bilbao Basket, elkarrekin 2031ra arte
Kontratua berrituta, taldearen izena Surne Bilbao izanen da aurrerantzean.
Surne Bilbao Basketek taldeko lehen postua ziurtatu nahi du Kutaisi 2010en aurka
Kutaisiren aurkako norgehiagoka zuzenean izango da ikusgai, 20:00etatik aurrera, bai eitb.eus-en bai ETB4n.
Bilbao Basketek galdu egin du Real Madrilen aurka, lehiakor aritu bada ere (82-70)
Surne Bilbao Basketek gogor egin dio aurre Real Madrili Movistar Arenan, baina azken laurdenean indarrak ahitu zaizkio, eta, azkenean, 82-70 galdu du.