Bilbao Basketek Herbalife gainditu du, defentsa sendotuta
Uxue Bilbao Basketek landutako garaipen garrantzitsua eskuratu du Herbalife Kanaria Handiaren aurka (81-70). Bizkaiko taldeak Errege Kopako final-laurdenetan Pedro Martinezen mutilen aurka jokatu beharko du, eta konfiantza hartzeko aurrerapauso ederra eman du. Alex Mumbruk ederki gidatu du taldea erasoan, eta gainera, orain, talde beltzak Kanaria Handiarekin basket-averagea alde du.
Fotis Katsikarisen mutilek partida gaizki hasi dute (11-16), baina Bilbao Basketek adorearekin jokatu du erasoan, eta aurreneko laurdena 22-22koarekin bukatu da Miribillan.
Bigarren laurdenean partida orekatu egin da, eta Herbalifek markagailuan aldea handitzeko gogor sakatu du erasoan. Hala ere, Bizkaiko taldea defentsan sendo aritu da, eta pixkanaka taula azpian nagusitzen hasi da (31-32). Uxuek markagailua iraultzea lortu du, eta atsedenaldira hiru puntuko aldearekin joan da (39-36).
Atsedenaldiaren ostean Katsikarisen mutilek 10-0eko partzial ikusgarria lortu dute, eta Kanaria Handiko taldeak ezin izan du talde beltzaren erritmoa jarraitu (49-36). Bilbao Basket nagusi izan da Miribillako kantxan, baina Pedro Martinezen taldea markagailuan gertu mantendu da (59-50).
Azkenengo laurdenean Herbalife Kanaria Handia arriskuarekin hurbildu da markagailuan (61-57), hirukoei esker, baina Bilboko taldea aurretik mantendu da (70-63). Mumbruk ederki gidatu du Uxueren erasoa une garrantzitsuetan, eta Bilbao Basketek garaipen garrantzitsua lortu du, aurkari zuzenaren aurka (81-70).
- Fitxa teknikoa:
81 - Uxue Bilbao Basket (22+17+20+22): Raul Lopez (12), Vasileadis (9), Mumbru (18), Hervelle (9), Hamilton (12) -hasierako bostekoa-; Zisis (3), Pilepic (-), Grimau (5), Moerman (5) eta Rakovic (8).
70 - Herbalife Kanaria Handia (22+14+14+20): Bellas (7), Toolson (9), Newley (18), Nelson (4), Rey (6) -hasierako bostekoa-, Scheyer (5), Guerra (-), Beiran (10), Baez (9) eta Tavares (2).
Zure interesekoa izan daiteke
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Surne Bilbaok finalerako sailkapena bideratu du, Hungarian Szombathely 81-98 mendean hartuta
Norgehgiagoka hasiera nahiko eskas baten ostean, beltzezko gizonek norabidea zuzendu dute, eta azken hiru laurdenetan nagusi izan dira. Ponsarnauren mutilek 17 puntuko errenta lortu dute Miribillako itzulerako neurketari begira.
Surne Bilbaok FIBA Europe Cupeko finalerako sailkatu nahi du, asteazkenean, Hungrian, Szombathelyren aurka
Partida 18:00etan hasiko da, eta kirolakeitb.eus eta ETB1ON bitartez emanen da, zuzenean.
Ponsarnau, Surne Bilbaorekin 2029ra arte berritu ondoren: “Bilbo nire etxea da, zalantzarik gabe"
"Esaten didate Bilbok mesede egiten didala, ez dakit txuletoiengatik izango ote den", adierazi du Kataluniako prestatzaileak, txantxetan. Ponsarnauk adierazi duenez, proiektuaren jarraipena "aurrerapauso bat ematera" bideratuta dago.
Surne Bilbaok porrot egin du Murtziaren aurka hiruko jaurtiketen ondorioz (100-81)
Surne Bilbaok 100-81eko emaitzarekin galdu du UCAM Murtziaren aurka Endesa Ligako 24. jardunaldian. Aurkariaren defentsako lan ona eta Sito Alonsoren taldeak hirukoetan asmatu ez izana funtsezkoak izan dira partida erabakitzeko.
Surne Bilbaori buruzko dokumentala aurkeztu dute
Gaur arratsaldean estreinatu da Bilboko BBK aretoan. Marc Ramon eta Alejandra Llambres errealizadoreak taldearekin izan ziren Lleidaren aurka jokatu bezperako astean.
Jaworskiren erakustaldiak garaipenera eraman du Surne Bilbao Andorran (98-102)
Surne Bilbaok luzapenean menderatu du Andorra (98-102). Partida lehiatua izan arren, Justin Jaworskiren erakustaldiak (36 puntu) erabaki du neurketa. Etxekoen ahaleginak, Rice eta Besten gidaritzapean, ez du saririk izan, bisitariak nagusitu baitira, luzapenean. Ondorioz, Andorrak jaitsiera postuetan jarraituko du.