Galbiatik Baskonian jarraituko duela baieztatu du
Italiako entrenatzaileak zurrumurru guztiak isilarazi ditu baskoniarren aulkian jarraituko duela iragarrita.
Paolo Galbiati Kosner Baskonia taldeko entrenatzaileak ostiral honetan baieztatu duenez, Gasteizko taldean jarraituko du datorren denboraldian. Horrela, azken asteetan aukera horren inguruan sortu diren zalantzak argitu ditu.
Entrenatzaile italiarrak zurrumurru guztiak isilarazi ditu baskoniarren aulkian jarraituko duela iragarrita. "Zarata guztia bertan behera utzi nahi dut. Presidentearekin (Josean Querejeta) hitz egin dut eta oso lasai eta pozik nago zaleekin sortu dudan loturagatik", iragarri du lonbardiarrak Unicajaren aurka garaipena lortu ostean eta ACBko titulua lortzeko play-offen atarian.
Ligako balantzeaz galdetuta, 4 garaipen eta 5 porrotekin hasi ondoren, 25 partida irabazi eta 9 galdu dituztela azpimarratu du.
"Pozik nago taldeburu izateagatik, liga izugarria baita", erantsi du.
Zure interesekoa izan daiteke
Galbiati: “Nire bizitzako denboraldirik zailena izan da"
Paolo Galbiati Kosner Baskoniako entrenatzaileak aitortu duenez, Endesa Ligako play-offetan Asisa Joventuten aurka galdu ostean, bere bizitzako "denboraldirik zailena" izan da.
Kosner Baskonia Asisa Joventut final-laurdenetako play-offeko hirugarren partidaren laburpena (88-96)
Kosner Baskoniak porrot gogorra jaso du Asisa Joventuten aurka igande honetan (88-96), eta Endesa Ligako play-offetatik kanpo geratu da. Ikusi hemen partidaren laburpena.
Kosner Baskoniak berriro galdu du Joventuten aurka, eta play-offetatik at geratu da (88-96)
Paolo Galbiatik zuzentzen duen taldeak ezin izan du etxean agindu, eta bigarren porrotarekin Endesa Ligako play-offetatik kanpo geratu da.
Asisa Joventut vs Kosner Baskonia final-laurdenetako play-offeko bigarren partidaren laburpena (82-63)
Paolo Galbiatiren taldeak ezin izan du kanporaketa bigarren partidan itxi, eta igandean Buesa Arenan final bat jokatuko du. Gaizki hasi du jokoa Gasteizko taldeak, eta gero ezin izan diote buelta eman partidari. Ikusi hemen partidako laburpena.
Kosner Baskoniak galdu egin du Badalonan (82-63), eta hirugarren partida jokatu beharko du
Paolo Galbiatiren taldeak partida hasiera kaskarra izan du, eta ondo ordaindu du partida osoan. Horrela, kanporaketa Buesa Arenan erabakiko da, igandean.
Kosner Baskonia vs Asisa Joventut final laurdenetako play-offeko lehen partidaren laburpena (85-71)
Paolo Galbiatiren taldeak, Errege Koparen txapeldunak, aurrerapausoa eman du finalerdietara heltzeko, eta ostiralean Badalonako Olinpic pabiloian txartela lortzeko aukera du. Jokalariek behar bezala jardun dute; Timothe Luwawu-Cabarrotek egindakoa nabarmentzekoa da, besteak beste.
Joventutek gogor jardun du baina Kosner Baskoniak eutsi egin dio, eta aurreneko kolpea eman du (85-71)
Galbiatiren gizonek 21-5eko partziala lortu dute oso fisikoa izan den neurketaren azken txanpan. Eugene Omoruyiren eta Matteo Spagnoloren ekarpena berebizikoa izan da Joventuten defentsari aurre egiteko.
Paolo Galbiati: “Hurrengo denboraldian klubean jarraituko dut"
Kosner Baskoniako entrenatzaile italiarrak Gasteizko klubean jarraituko duela baieztatu du Unicaja Malagaren aurkako partidaren ostean. Galbiatik egunotan bere etorkizunaz sortu den "zarata guztia bertan behera utzi nahi" izan du, eta klubeko presidentearekin hitz egin ondoren, Gasteizko taldea entrenatzen jarraituko duela baieztatu du. "Oso pozik nago zaleekin sortu dudan konexioagatik", gaineratu du.
Kosner Baskoniak bigarren postuari eutsi dio Unicajari irabazita (92-89)
Kosner Baskoniak Endesa Ligako bigarren postuari eutsi dio Unicaja Malaga 92-89 mendean hartuta liga erregularreko azken partidan.