Kosner Baskoniak galdu egin du Monakoren aurka (102-92)
Baskonia azken unera arte lehiatu da, baina amore eman du Monakoren azken laurdeneko bultzadaren aurrean.
Trent Forrest. Argazkia: EFE
Kosner Baskoniak 102-92 galdu du ostiralean Monakoren aurka Euroligako 28. jardunaldiko partida. Azken laurdenean erabaki da norgehiagoka, eta etxekoak finago ibili dira.
Etxekoak indartsu hasi dira, baina Baskoniak Howarden eta Diakiteren hirukoei esker erantzun du 14-14koa jartzeko. Baloi galerak eta saskiratzeak baliatuta, lehen laurdena aurretik bukatu du Monakok (29-24).
Bigarren zatian, Radzeviciusek eta Howardek buelta eman diote markagailuari (29-30). Etxeko taldea 42 puntutan trabatu da, eta bisitariak ondo aprobetxatu du atsedenaldira abantailarekin joateko (46-50).
Atsedenaldiaren ostean, Howardek orkatila bihurritu du hasi eta 6 segundora, eta baskoniarrek falta ugari egin dituzte. Hala ere, lehia estua izan da hirugarren laurdenean, eta Strazel eta Nedovic protagonista izan dira 74-73koa jartzeko.
Azken laurdenean, Jamesek eta Okobok 84-77koa jarri, eta inertzia aldatu duen partziala bultzatu dute. Begarinen hiruko batek 89-81ekoa igo du markagailura partida amaitzeko 4 minutu falta zirenean, eta Galbiatik partida gelditu behar izan du.
Azken txanpan, Okoboren eta Dialloren hirukoek 95-85ekoa jarri dute markagailuan, partida erabakita uzteko. Monakok garaipena ziurtatu du jaurtiketa libreak egiteko marratik 102-92koa jarrita.
Zure interesekoa izan daiteke
Kosner Baskonia berandu esnatu da Sarajevon Dubairi egindako bisitan (100-94)
Galbiatiren taldeak zazpigarren porrota jaso du Europako txapelketan, jokalari gutxirekin iritsi baita neurketara, nahiz eta azken lau minutuetan 20 puntuko desabantaila iraultzetik gertu egon den.
30 urte bete dira Baskoniak 1996ko Errekopa irabazi zuenetik
Europa mailako lehen titulua izan zen talde gasteiztarrandako, eta bere etxean lortu zuen hain zuzen ere, PAOK Salonikaren aurka. Manel Comasek entrenatzen zuen Baskonia, taldeak Marcelo Nicola, Velmir Perasovic, Ramon Rivas, Jorge Garbajosa edo Kenny Green bezalako jokalariak zituen
Kosner Baskoniak Dubai taldearen aurka jokatuko du ostegunean Euroligan, Sarajevon
Paolo Galbiatiren taldearen aurkariak Bosniako hiriburuan jokatzen ditu etxeko partidak, Ekialde Hurbileko gerraren ondorioz. Dubaik lau garaipen lortu ditu jarraian Euroligan, eta txapelketan segitzeko aukerei eustea bilatuko du.
Kosner Baskoniak Jesse Edwards fitxatu du denboraldi amaierara arte
Trent Forrest, Endesa Ligako 21. jardunaldiko jokalari onena
Estatubatuarrak 18 puntu lortu, lau asistentzia eman eta bost errebote harrapatu zituen Buesa Arenan jokatutako azken partidan, Força Lleidaren aurka.
Kosner Baskonia garaiz esnatu da Lleidaren nagusitasunari buelta emateko (93-90)
Kosner Baskonia, Eugene Omoruyiren gidaritzapean, garaiz suspertu da Buesa Arenan, nagusi izaten ari zen Hiopos Lleidari aurre egiteko. Partidaren zati handi batean oso nabaria izan da aldea, baina azkenean 93-90 gailendu da Baskonia.
Kosner Baskoniak argi galdu du Parisen aurka (81-97), eta bolada txarrean jarraitzen du Euroligan
Euskal taldeak bost partida daramatza garaipenik lortu ezinik nazioarteko txapelketan. Paris Basketballen kontrakoan, Galbiatiren gizonak lehen laurdenetik izan dira atzetik markagailuan, eta Frantziako taldeak bigarren laurdenean hautsi du neurketa.
Kosner Baskoniak sailkapenaren azken postuetatik ateratzea bilatuko du ostiral honetan Parisen aurka
Arabarrak lesioen ondorioz ahuldutako talde batekin ailegatzen dira neurketara, aurretik ezagututako hutsunei, iparramerikar jokalariena, Rodion Kurucsena eta Matteo Spagnolorena gehitu dira.
Sedekerskisi eskuineko orkatilan ebakuntza egin diote berriro, eta denboraldi honetan ez du gehiago jokatuko
Bigarrenez egin diote horrelako ebakuntza bat. Lehenengoa abenduaren 11n egin zioten. Lituaniarra Eurobasketen min hartu zuen. Soilik 20 partida jokatu ahal izan ditu denboraldi honetan.
Galbiati: "Sedekerskisek ezingo du denboraldi honetan gehiago jokatu"
Lituaniarraren bigarren ebakuntza izango da, urtarrilean egindakoa kontuan hartuta. Udan, bere selekzioarekin Eurobasket txapelketa jokatzen ari zela, orkatilean egin zuen min.