Kosner Baskoniak etxetik kanpo bere madarikazioarekin jarraitzen du Euroligan, Valentziaren aurka galduta (91-81)
Galbiatiren taldeak lehen zati kaskarra egin du eta Valentziako taldeak markagailuan alde egin du. Atsedenaldiaren ostean, talde arabarra hobeto aritu da, baina ez da nahikoa izan norgehiagoka iraultzeko.
Luwawu-Cabarrot, valentziarren defentsaz libratzen saiatzen. Argazkia: EFE
Kosner Baskoniak urtebete baino gehiago darama Euroligan etxetik kanpo irabazi gabe, eta madarikazioak Valentzian jarraitu du gaur arratsaldean. Defentsa ahul batek, baloi galera zentzugabeek (22) eta hiruko marratik izandako hutsegiteak (7/23) Galbiatiren mutilen erreakzio posible bat zapuztu dute berriro, saiatu arren (91-81).
Lehen laurdenean, talde gasteiztarra ez da gaizki kantxaratu, baina Valentziak hiruko marratik duen gaitasuna aprobetxatu du, zortzi saiakeratik bost saskiratu baititu. Arabako taldea ez da ondo aritu defentsan, eta 27 puntu sartu dizkiote lehen laurdenean, markagailuan zortzi puntu atzetik bukatu du (27-19). Gainera, Howard bi falta egin ditu laster batean, eta lehen partzialaren zatirik handiena aulkitik ikusi du.
Galbiatiren mutilen jokoak okerrera egin du bigarren laurdenaren hasieran, eta markagailuan 21 puntu azpitik egon dira. Hala ere, entrenatzaile italiarrak hutsartea eskatu du, eta bere taldeak defentsan intentsitate handiagoa erakutsi du ordutik aurrera. Gainera, Luwawu-Cabarrotek (13 puntu), Euroligako saskiratzaile onenak, lagundu du atsedenaldira iritsi aurretik aldea zertxobait txikitzeko (58-47). Valentziarren aldetik, Matt Costello (14 puntu) Boli Kostako pibota izan da saskiratzaile nagusia.
Hirugarren laurdena partidan sartuta amaitu du Baskoniak (76-65), aldageletatik igaro ostean erreakziorik izan ez duen arren. Izan ere, talde gasteiztarrak opariak eta jaurtiketa errazetan egindako akatsak berriro egin ditu. Hala ere, Baskoniaren azken fitxaketak, Eugene Omoruyik, lan bikaina egin du laurden honetan.
Azken laurdenean, talde gasteiztarra saiatu da eta etxekoak estutu ditu, behin baino gehiagotan hurbildu baita markagailuan, baina Galbiatiren gizonek ezin izan dute Euroligako lehen garaipena etxetik kanpo lortu urtebete geroago. Horrela, talde arabarrak etxetik urrun porrot berri bat jaso du.
- Fitxa teknikoa:
91 - Valentzia Basket (27+31+18+15): Badio (12), Montero (16), Puerto (4), Sako (2), Costello (18) -hasierako bostekoa-, De Larrea (-), Thompson (-), Moore (11), Taylor (16), Key (-), Pradilla (6) eta Reuvers (6).
81 - Kosner Baskonia (19+28+18+16): Simmons (8), Howard (9), Radzevicius (2), Frisch (6), Diop (-) -hasierako bostekoa-, Spagnolo (2), Forrest (10), Kurucs (6), Luwawu-Cabarrot (13), Diakite (8), Omoruyi (17) eta Villar (-).
Epaileak: Radovic (Kroazia), Shemmesh (Israel) eta Boubert (Frantzia).
Euroligako hamazortzigarren jardunaldiko partida, Roig Arenan, 12.320 ikusleren aurrean.
Zure interesekoa izan daiteke
Kosner Baskoniak iragarri du Rafa Villarrek ez duela taldean jarraituko
Eskoltak denboraldi bat eman du euskal klubean. 2028ra arteko kontratua zuen, baina ez du jarraituko 2026-2027 denboraldian.
Baskonia-Alaves Taldeak Buesa Arena erosi nahi dio Arabako Foru Aldundiari
Operazioaren epeak eta zenbatekoak ez dituzte jakinarazi, baina Josean Querejeta taldeko presidenteak eta Ramiro Gonzalez ahaldun nagusiak salerosketa gauzatzeko borondate argia azaldu dute.
DJ Stewart, Kosner Baskoniaren lehen fitxaketa
Esloveniako Cedevita Olimpija taldetik dator, eta bi denboraldirako sinatu du.
Forrest, Nowell, Omoruyi, Radzevicius eta Edwardsek ez dute Baskonian jarraituko
Klubak "eskerrak eman dizkie guztiei izan duten konpromisoagatik eta profesionaltasunagatik".
Pablo Pinek entrenatzaile laguntzaile gisa jarraituko du Kosner Baskoniaren aulkian 2027ra arte
Granadako prestatzaileak laguntzaile gisa lur hartu zuen iragan denboraldian, Gasteizen. Baskoniaren hitzetan, lehentasuna izan da "aulkietan eskarmetu handia" duen lantaldeari eustea.
Felix Fernandezek baieztatu egin du Galbiatik eta Spagnolok taldean jarraituko dutela, Forrestek alde egingo duela eta Cabarrotekin negoziatzen ari direla
Bestalde, Bartzelonak Xevi Pujol idazkari teknikoa fitxatzeko agertu duen interesa "lehia bidegabetzat" jo du Kosner Baskoniaren kirol zuzendariak, "unea egokia ez" delakoan, ACB ligako garaikurra lortzeko play-offa jokatu aurretik izan delako.
Kobi Simmonsek Kosner Baskonian jarraituko du 2028ra arte
Joko-antolatzaile estatubatuarrak denboraldi ona egin du, eta Arabako hiriburuan jarraitzeko aukera eman dio horrek. "Gasteizera iritsi zenetik ezin hobeto egokitu da taldera, eta zaleei gau bikainak eskaini dizkie", azaldu du Baskoniak.
Galbiati: “Nire bizitzako denboraldirik zailena izan da"
Paolo Galbiati Kosner Baskoniako entrenatzaileak aitortu duenez, Endesa Ligako play-offetan Asisa Joventuten aurka galdu ostean, bere bizitzako "denboraldirik zailena" izan da.
Kosner Baskonia Asisa Joventut final-laurdenetako play-offeko hirugarren partidaren laburpena (88-96)
Kosner Baskoniak porrot gogorra jaso du Asisa Joventuten aurka igande honetan (88-96), eta Endesa Ligako play-offetatik kanpo geratu da. Ikusi hemen partidaren laburpena.
Kosner Baskoniak berriro galdu du Joventuten aurka, eta play-offetatik at geratu da (88-96)
Paolo Galbiatik zuzentzen duen taldeak ezin izan du etxean agindu, eta bigarren porrotarekin Endesa Ligako play-offetatik kanpo geratu da.