Kutxabank Araskik zazpi partida jokatuko ditu denboraldiaurrean
Kutxabank Araskik prest du denboraldiaurreko egutegia: zazpi hitzordu izango ditu, urriaren 4ean hasiko den Endesa Ligaren 2025-26 denboraldiari begira.
Abuztuaren 25ean abiatuko dute bidea, mediku-azterketak eta proba fisikoak eginez. Ondoren, Made Urietaren taldeak Ourensera egingo du bidaia, Ensinoren eta Perfumerias Avenidaren aurkako torneo batean.
Etxeko lehena Olarizu Trofeoarekin iritsiko da, Cadi La Seu eta Ensino taldeen kontra. Horrez gain, Unibasket Logroñoren aurreko lagunartekoa ere jokatuko dute.
Azkenik, irailaren 23an eta 28an, Euskal Koparekin amaituko dute denboraldiaurrea, IDK eta Lointek aurkari dituztela.
Zure interesekoa izan daiteke
Kutxabank Araskik Alexy Mollenhauer fitxatu du, denboraldiko amaierara arte
Azerbaijango hegalekoak, 27 urtekoa bera, Endesa Ligan esperientzia dauka; izan ere, Movistar Estudiantes eta Ensino Lugo taldeetan jokatu zuen.
Alyssa Lawrence, Kutxabank Araskiko jokalari berria
Hegaleko jokalaria Esteponatik dator, eta sasoi baterako kontratua sinatu du Arabako taldearekin.
Araskik Isabela Quevedo fitxatu du, barneko jokoa sendotzea helburu
Benficatik iritsi da euskal taldera, Portugaleko Ligatik; txapelketa horretan, Jokalari Gazte Onenarentzako Saria eman zioten, eta finaleko jokalaririk onena izendatu zuten. Kubako selekzioarekin internazionala da, eta, une honetan, Brasilen dabil, Sampaio Basquete taldean.
Toussaintek Araskin jokatuko du 2025-2026 denboraldian
Kutxabank Araskik Dominique Toussaint fitxatu du datorren sasoirako. Spar Kanaria Handia taldetik heldu da Gasteizera. Hegaleko eta eskolta postuaetan joka dezake.
Montse Brotonsek kontratua berritu du Araskirekin
Alacanteko jokalariak denboraldi batez berritu du klubarekin duen lotura, eta bigarren sasoia beteko du Gasteizko taldean.
Kutxabank Araskik Quinn Urbaniak-Dornstauder pibota fitxatu du
Celta de Vigo taldetik dator Quinn. Azken denboraldian, 9,8 puntu saskiratu ditu jokatutako 13 norgehiagoketan, batez beste, 5,8 errebote jasotzeaz gain.
Lotta-Maj Lahtinen, Kutxabank Araskiren fitxaketa berria
Base-eskolta finlandiarra Nafarroako Ardoi taldetik dator. Iragan sasoian, 8,4 puntu, 3,7 errebote eta 2,4 asistentzia egin ditu batezbeste, han jokatutako 23 partidatan.
Iva Slonjsak jokalariak Kutxabank Araski utzi du
Kroaziako jokalariak ez du Kutxabank Araskin jarraituko 2025-2026 denboraldian. Urtarrilean fitxatu zuen Gasteizko taldeak Laura Aligaren hutsa betetzeko. Ordutik, 14 partida jokatu ditu, eta oso garrantzitsua izan da taldearen erasoko jokoan.
Noa Morro Kutxabank Araskira heldu da, Valentziak utzita
20 urteko pibot gaztea hurrengo denboraldirako baieztatutako hirugarren izena da, Made Urietak beste urte batez zuzenduko duen taldean.