Natalie van den Adelek Kutxabank Araskin jarraituko du
Kutxabank Araskik Natalie van den Adel jokalariaren kontratua beste denboraldi baterako berritu duela iragarri du asteazken honetan. Ondorioz, hegaleko herbeheretarrak bosgarren urtea beteko du Arabako hiriburuan.
Van den Adel ezinbestekoa da Made Urieta entrenatzailearen jokatzeko eran, eta hala islatzen da klubak argitaratutako prentsa-oharrean: "Nat erreferente bat da gure harrobiko neskentzat eta zaleentzat. Klubaren egitura eta filosofiarekin identifikatzen den jokalaria da. Kirol arloari dagokionez, hainbat posiziotan jokatzeko duen balio-aniztasunak, eskuzabaltasunak eta saskibaloia ikusteko moduak funtsezko pieza bihurtzen dute".
Jokalaria 2017ko udan iritsi zen Gasteizera, eta hiru denboraldiz jokatu zuen elastiko berdearekin. Bertan, bi Erreginaren Kopa eta play-off bat jokatu zituen. Lugon (Duran Maquinaria Ensino) denboraldi bat eman ondoren, udan Araskira itzuli zen.
Elastiko berdea jantzita, 100 partida baino gehiago jokatu ditu, eta klubaren bigarren saskiratzailerik onena da (825 puntu), bigarren erreboteatzailea (363) eta hirugarrena asistentzia kopuruari dagokionez (160).
Jokalariak berak bere sare sozialak erabili ditu albistearen berri emateko eta Araskiko zaleak agurtzeko:
Zure interesekoa izan daiteke
Kutxabank Araskik Alexy Mollenhauer fitxatu du, denboraldiko amaierara arte
Azerbaijango hegalekoak, 27 urtekoa bera, Endesa Ligan esperientzia dauka; izan ere, Movistar Estudiantes eta Ensino Lugo taldeetan jokatu zuen.
Kutxabank Araskik zazpi partida jokatuko ditu denboraldiaurrean
Gasteizko taldeak zazpi norgehiagoka izango ditu, urriaren 4ean ligari ekin baino lehenago. Lehen hitzordua Ensinoren eta Perfumerias Avenidaren kontrako torneoa izango da.
Alyssa Lawrence, Kutxabank Araskiko jokalari berria
Hegaleko jokalaria Esteponatik dator, eta sasoi baterako kontratua sinatu du Arabako taldearekin.
Araskik Isabela Quevedo fitxatu du, barneko jokoa sendotzea helburu
Benficatik iritsi da euskal taldera, Portugaleko Ligatik; txapelketa horretan, Jokalari Gazte Onenarentzako Saria eman zioten, eta finaleko jokalaririk onena izendatu zuten. Kubako selekzioarekin internazionala da, eta, une honetan, Brasilen dabil, Sampaio Basquete taldean.
Toussaintek Araskin jokatuko du 2025-2026 denboraldian
Kutxabank Araskik Dominique Toussaint fitxatu du datorren sasoirako. Spar Kanaria Handia taldetik heldu da Gasteizera. Hegaleko eta eskolta postuaetan joka dezake.
Montse Brotonsek kontratua berritu du Araskirekin
Alacanteko jokalariak denboraldi batez berritu du klubarekin duen lotura, eta bigarren sasoia beteko du Gasteizko taldean.
Kutxabank Araskik Quinn Urbaniak-Dornstauder pibota fitxatu du
Celta de Vigo taldetik dator Quinn. Azken denboraldian, 9,8 puntu saskiratu ditu jokatutako 13 norgehiagoketan, batez beste, 5,8 errebote jasotzeaz gain.
Lotta-Maj Lahtinen, Kutxabank Araskiren fitxaketa berria
Base-eskolta finlandiarra Nafarroako Ardoi taldetik dator. Iragan sasoian, 8,4 puntu, 3,7 errebote eta 2,4 asistentzia egin ditu batezbeste, han jokatutako 23 partidatan.
Iva Slonjsak jokalariak Kutxabank Araski utzi du
Kroaziako jokalariak ez du Kutxabank Araskin jarraituko 2025-2026 denboraldian. Urtarrilean fitxatu zuen Gasteizko taldeak Laura Aligaren hutsa betetzeko. Ordutik, 14 partida jokatu ditu, eta oso garrantzitsua izan da taldearen erasoko jokoan.
Noa Morro Kutxabank Araskira heldu da, Valentziak utzita
20 urteko pibot gaztea hurrengo denboraldirako baieztatutako hirugarren izena da, Made Urietak beste urte batez zuzenduko duen taldean.