Araskik porrota jaso du Perfumerias Avenidaren aurka eta finalik gabe geratu da
RPK Araskik porrota jaso du Perfumerias Avenidaren aurka (45-60) Erreginaren Kopako finalerdietan. Ondorioz, Arabako taldeak ezin izan du final handirako txartela lortu, neurketa ona egin duen arren.
Perfumerias Avenida indartsu kantxaratu da, etxean jokatzen ibili baita, bere zaleen aurrean. Hala ere, Araskik ondo eutsi dio Salamancako taldearen hasierari, eta aurkariak lehen minutuetan ihes ez egitea lortu du (7-7). Perfumerias Avenidak erritmo bizia jarri nahi izan dio partidari, baina Araskik ere ausart jokatu du, eta puntu bakarreko abantaila lortu du Salamancako taldeak lehen hamar minutuen amaieran (14-13).
Araskik lan ona gin du bigarren laurdenean ere, baina gehiago kosta zaio puntuak eskuratzea, ez baitira fin ibili saskiratzerako garaian. Perfumerias Avenidak zortzi puntuko errenta eskuratu du (15-23), baina Araskik desabantaila murriztea lortu du (23-26) atsedenaldira iritsi orduko.
Atsedenaldiaren ostean, Perfumerias Avenida nagusi izan da, eta berriro zuloa ireki du (24-32). Aurkaria gehiago zela ikusita, Maialen Urietak hutsartea eskatu behar izan du, eta etenaldia baliagarria izan da Arabako taldearentzat, jokoa hobetu eta bi puntura gerturatu baita (34-36). Lau puntuko desabantailarekin heldu da Araski azken laurdenera (37-41).
Estu iritsi da emaitza azken hamar minutuetara, baina txanpa honetan nagusi izan da Perfumerias Avenida. Hayes bezalako jokalarien kalitatea azaldu da, eta horrek min egin dio Araskiri. Salamancako taldeak 12 puntuko aldea lortu du partida amaitzeko zazpi minutu falta zirenean, eta garaipena bideratuta utzi du. Partida maldan gora izan duela, Araski ez da aurkaria urduri jartzeko gai izan, eta Perfumerias Avenidak lortu du garaipena (45-60).
Fitxa teknikoa:
45- RPK Araski (14+9+14+8): Asurmendi (9), Carrera (12), Barbee (8), Tania Perez (-), Seda (7) -hasierako taldea-, Quevedo (8), Van den Adel (1), Pardo (-), Molinuevo (-).
60- Perfumerias Avenida (13+13+15+19): Cazorla (2), Silvia Dominguez (11), Hayes (21), Fagbenle (7), Vitola (-) -hasierako taldea-, Loyd (6), Laura Gil (9), Hof (-), Samuelson (4), Vilaro (-).
Epaileak: De Lucas De Lucas, De Langa Martin eta Franquesa Vazquez.
Zure interesekoa izan daiteke
Kutxabank Araskik Alexy Mollenhauer fitxatu du, denboraldiko amaierara arte
Azerbaijango hegalekoak, 27 urtekoa bera, Endesa Ligan esperientzia dauka; izan ere, Movistar Estudiantes eta Ensino Lugo taldeetan jokatu zuen.
Kutxabank Araskik zazpi partida jokatuko ditu denboraldiaurrean
Gasteizko taldeak zazpi norgehiagoka izango ditu, urriaren 4ean ligari ekin baino lehenago. Lehen hitzordua Ensinoren eta Perfumerias Avenidaren kontrako torneoa izango da.
Alyssa Lawrence, Kutxabank Araskiko jokalari berria
Hegaleko jokalaria Esteponatik dator, eta sasoi baterako kontratua sinatu du Arabako taldearekin.
Araskik Isabela Quevedo fitxatu du, barneko jokoa sendotzea helburu
Benficatik iritsi da euskal taldera, Portugaleko Ligatik; txapelketa horretan, Jokalari Gazte Onenarentzako Saria eman zioten, eta finaleko jokalaririk onena izendatu zuten. Kubako selekzioarekin internazionala da, eta, une honetan, Brasilen dabil, Sampaio Basquete taldean.
Toussaintek Araskin jokatuko du 2025-2026 denboraldian
Kutxabank Araskik Dominique Toussaint fitxatu du datorren sasoirako. Spar Kanaria Handia taldetik heldu da Gasteizera. Hegaleko eta eskolta postuaetan joka dezake.
Montse Brotonsek kontratua berritu du Araskirekin
Alacanteko jokalariak denboraldi batez berritu du klubarekin duen lotura, eta bigarren sasoia beteko du Gasteizko taldean.
Kutxabank Araskik Quinn Urbaniak-Dornstauder pibota fitxatu du
Celta de Vigo taldetik dator Quinn. Azken denboraldian, 9,8 puntu saskiratu ditu jokatutako 13 norgehiagoketan, batez beste, 5,8 errebote jasotzeaz gain.
Lotta-Maj Lahtinen, Kutxabank Araskiren fitxaketa berria
Base-eskolta finlandiarra Nafarroako Ardoi taldetik dator. Iragan sasoian, 8,4 puntu, 3,7 errebote eta 2,4 asistentzia egin ditu batezbeste, han jokatutako 23 partidatan.
Iva Slonjsak jokalariak Kutxabank Araski utzi du
Kroaziako jokalariak ez du Kutxabank Araskin jarraituko 2025-2026 denboraldian. Urtarrilean fitxatu zuen Gasteizko taldeak Laura Aligaren hutsa betetzeko. Ordutik, 14 partida jokatu ditu, eta oso garrantzitsua izan da taldearen erasoko jokoan.
Noa Morro Kutxabank Araskira heldu da, Valentziak utzita
20 urteko pibot gaztea hurrengo denboraldirako baieztatutako hirugarren izena da, Made Urietak beste urte batez zuzenduko duen taldean.