Chauncey Billups entrenatzailea eta Terry Rozier jokalaria atxilotu dituzte, legez kanpoko apustuengatik
Portland Trail Blazers taldeko Chauncey Billups entrenatzailea eta Miami Heat taldeko Terry Rozier jokalaria atxilotu dituzte, legez kanpoko kirol apustuetan parte hartzea eta poker partidetan iruzur egitea egotzita, mafiaren laguntzarekin. Aske utzi dituzte jada.
Billups libre geratu da Portlandeko auzitegitik pasatu ostean, iruzur elektronikoa egiteko konspirazioa eta dirua zuritzea egotzita, The Athleticek jakitera eman duenez. Entrenatzaileak bidaiatzeko murrizketak onartu ditu eta pasaportea kendu diote.
Entrenatzaile estatubatuarra Oregonen atxilotu zuten, familia mafiosoen babesa zuten poker partida klandestinoen iruzur sare batean zegoela iritzita.
Billups bere postutik at utzi dute momentuz, eta Tiago Splitter Baskoniako jokalari ohiak hartu du, behin-behinean, entrenatzaile postua.
Bestalde, Rozierrek Floridan duen 6 milioi dolarreko etxea jarri du bermetzat, eta pasaportea kendu diote, Sports Illustrated hedabideak zabaldu duenez. NBAko informazio pribilegiatua erabili, eta, diru truke, beste batzuei pasatzen zien legez kanpoko kirol apustuen sare bateko sei susmagarrietako bat da.
Ameriketako Estatu Batuetako Ikerketa Bulego Federalak (FBI) jakinarazi duenez, 34 pertsona atxilotu dituzte 11 estatutan hainbat urtez ikertzen aritu ostean.
Zure interesekoa izan daiteke
NBAk Los Angeles Lakers taldea saltzea du: Mark Walter enpresariak erosi du 10.000 milioi euroren truke
Frankizia Buss familiaren eskuetan zen 1979tik, ligako ezein taldek egin duena baino denbora gehiago da.
Oklahoma City Thunder, NBAko txapeldun
Oklahomako taldeak bereganatu du NBAko eraztuna, Indiana Pacersi Finaletako zazpigarren eta azken partida irabazita (103-91).
AEB munduko beste taldeekin neurtuko da NBAko All Star txapelketan
Adam Silverrek, NBAren mandatariak, asteazken honetan aurreratu duenez, 2026ko All Star txapelketak aldaketak dakartza, izan ere, Estatu Batuetako taldea munduko beste taldeen aurka ariko da nor baino nor gehiago.
NBAk Europan liga bat sortzea aztertuko du FIBArekin
FIBAk eta NBAk proiektu bateratu bat iragarri dute Europako liga bat garatzeko, oraingoz zehaztapen askorik gabe, baina kontinentean saskibaloia iraultzea eragingo luke eta Euroligari erronka handia joko lioke.
Boston Celtics 6.100 milioi dolarren truke erosi dute, AEBn inoizko zenbatekorik handiena ordainduta
Bill Chisholm enpresariak akordioa itxi du Grousbeck familiarekin, alegia, frankiziaren jabeekin, horretako gehiengoaren partizipazioa erosteko.
Ibon Navarrok zuzendutako Unicaja, Kopako txapeldun
Unicaja Malaga da 2025eko Errege Kopako txapelduna, finalean Real Madrili gailenduta, 93-79ko emaitzarekin. Ibon Navarro gasteiztarrak zuzendutako taldeak final bikaina jokatu eta titulua bereganatu du.