Oklahoma City Thunder, NBAko txapeldun
Oklahoma City Thunderrek NBAko eraztuna irabazi du 2025eko Finaletako azken partida Indiana Pacersi 103 eta 91 irabazita. Thunderrek Oklahoman lortzen duen lehen titulua da aurtengoa, nahiz eta frankizia horrek 1979an irabazi zuen titulua, Supersonics izenpean Seattlen jokatzen zuenean.
Thunderrek denboraldi bikaina biribildu du 68 garaipen eta 14 porroteko ligako balantze onenarekin. Hala ere, titulua eskuratzeko gogotik sufritu du, Pacersek Finalak muturrera eraman baititu; zazpigarren eta azken partidaraino hain zuzen ere. Azkenean, 4-3ko emaitza orokorrarekin nagusitu da Oklahomako taldea.
Haliburtonen lesio larria
NBAko Finaletako azken partida ikusgarriak albiste tristea eta irudi beldurgarria utzi du: Indiana Pacerseko joko-antolatzaileak, Haliburtonek, min hartu eta ezin izan du neurketa amaitu.
Haliburtonek hiru hiruko sartu ditu hasierako bost minutuetan, eta beldurra sartu die gorputzean Oklahomako zaleei. Baina handik gutxira iritsi da zoritxarra: joko-antolatzaileak baloi bat jaso du Shairen aurrean, izkin egin du hiruko bat jaurtitzerakoan, eta lurrera erori da garrasika, eskuin hankak huts egin ostean.
Taldekideek Haliburton inguratu dute, eta Paycom Center pabilioia isilik geratu da une batez. Ondoren, estadio osoak txalo zaparrada batekin agurtu du jokalaria. Haliburton, txikituta, aldagelara erretiratu da hanka lurrean jarri ezinda eta malkotan, eskuoihal batekin aurpegia ezkutatuta.
Diagnostiko ofizialaren zain, Haliburtonen lesioak Jayson Tatumen (Boston Celtics) eta Damian Lillarden (Milwaukee Bucks) Akilesen tendoiaren hausturak gogora dakartza, baita Kevin Durantek Golden State Warriosekin 2019ko Finaletan jasan zuena.
Zure interesekoa izan daiteke
NBAk Los Angeles Lakers taldea saltzea du: Mark Walter enpresariak erosi du 10.000 milioi euroren truke
Frankizia Buss familiaren eskuetan zen 1979tik, ligako ezein taldek egin duena baino denbora gehiago da.
Chauncey Billups entrenatzailea eta Terry Rozier jokalaria atxilotu dituzte, legez kanpoko apustuengatik
Portland Trail Blazers taldeko entrenatzailea eta Miami Heat taldeko jokalaria aske utzi dituzte jada.
AEB munduko beste taldeekin neurtuko da NBAko All Star txapelketan
Adam Silverrek, NBAren mandatariak, asteazken honetan aurreratu duenez, 2026ko All Star txapelketak aldaketak dakartza, izan ere, Estatu Batuetako taldea munduko beste taldeen aurka ariko da nor baino nor gehiago.
NBAk Europan liga bat sortzea aztertuko du FIBArekin
FIBAk eta NBAk proiektu bateratu bat iragarri dute Europako liga bat garatzeko, oraingoz zehaztapen askorik gabe, baina kontinentean saskibaloia iraultzea eragingo luke eta Euroligari erronka handia joko lioke.
Boston Celtics 6.100 milioi dolarren truke erosi dute, AEBn inoizko zenbatekorik handiena ordainduta
Bill Chisholm enpresariak akordioa itxi du Grousbeck familiarekin, alegia, frankiziaren jabeekin, horretako gehiengoaren partizipazioa erosteko.
Ibon Navarrok zuzendutako Unicaja, Kopako txapeldun
Unicaja Malaga da 2025eko Errege Kopako txapelduna, finalean Real Madrili gailenduta, 93-79ko emaitzarekin. Ibon Navarro gasteiztarrak zuzendutako taldeak final bikaina jokatu eta titulua bereganatu du.