LeBron Jamesek jokatzen jarraituko duela iragarri du, 21. denboraldiari ekinez
LeBron Jamesek NBAko 2023-2024 denboraldian jokatuko duela iragarri du asteazken honetan. Azken play-offetan zalantzan utzi zuen erretiroa hartuko ote zuen ala ez.
"Pistan nire onena emateko gai ez naizenean, orduan akabera izango da. Zuen onerako, ordea, ez da oraindik egun hori iritsi", esan du LeBronek ESPN kateak kirolari onenak saritzeko antolatutako ESPYS galan.
Lakers taldeko izarra 21 denboraldi betetzen dituen seigarren jokalaria izango da NBAko historian. Marka bera lortu dute oraingoz Kevin Garnett, Dirk Nowitzki, Robert Parish, Kevin Willis eta Vince Carter kirolariek. Carterrek du orain arteko errekorra, 22 denboraldi goi mailan jokatuta.
LeBronek 39 urte beteko ditu abenduan. Joan den maiatzean, etorkizunaren inguruan "pentsatzeko asko" zuela esan zuen Mendebaldeko finalean Denver Nuggetsen aurka galdu ondoren.
Adierazpen horiek zeresan handia eragin zuten sare sozialetan. Orduz gero, ez da ezer gehiago jakin gai horren harira, eta Lakers taldeko arduradunek LeBronek gutxienez beste denboraldi batez jokatuko zuela uste izanda jardun dute fitxaketen merkatuan.
Zure interesekoa izan daiteke
NBAk Los Angeles Lakers taldea saltzea du: Mark Walter enpresariak erosi du 10.000 milioi euroren truke
Frankizia Buss familiaren eskuetan zen 1979tik, ligako ezein taldek egin duena baino denbora gehiago da.
Chauncey Billups entrenatzailea eta Terry Rozier jokalaria atxilotu dituzte, legez kanpoko apustuengatik
Portland Trail Blazers taldeko entrenatzailea eta Miami Heat taldeko jokalaria aske utzi dituzte jada.
Oklahoma City Thunder, NBAko txapeldun
Oklahomako taldeak bereganatu du NBAko eraztuna, Indiana Pacersi Finaletako zazpigarren eta azken partida irabazita (103-91).
AEB munduko beste taldeekin neurtuko da NBAko All Star txapelketan
Adam Silverrek, NBAren mandatariak, asteazken honetan aurreratu duenez, 2026ko All Star txapelketak aldaketak dakartza, izan ere, Estatu Batuetako taldea munduko beste taldeen aurka ariko da nor baino nor gehiago.
NBAk Europan liga bat sortzea aztertuko du FIBArekin
FIBAk eta NBAk proiektu bateratu bat iragarri dute Europako liga bat garatzeko, oraingoz zehaztapen askorik gabe, baina kontinentean saskibaloia iraultzea eragingo luke eta Euroligari erronka handia joko lioke.
Boston Celtics 6.100 milioi dolarren truke erosi dute, AEBn inoizko zenbatekorik handiena ordainduta
Bill Chisholm enpresariak akordioa itxi du Grousbeck familiarekin, alegia, frankiziaren jabeekin, horretako gehiengoaren partizipazioa erosteko.
Ibon Navarrok zuzendutako Unicaja, Kopako txapeldun
Unicaja Malaga da 2025eko Errege Kopako txapelduna, finalean Real Madrili gailenduta, 93-79ko emaitzarekin. Ibon Navarro gasteiztarrak zuzendutako taldeak final bikaina jokatu eta titulua bereganatu du.