Saskibaloian jokatzeari utziko diola iragarri du Pau Gasolek
Pau Gasol pibot kataluniarrak saskibaloi profesionala utziko duela iragarri du astearte honetan, goi-mailan bi hamarkada baino gehiago eman dituen ibilbide gogoangarri bati amaiera emanez. Gasolek arrakasta ugari lortu zituen bai NBAko hainbat frankiziarekin, Bartzelonarekin zein Espainiako selekzioarekin.
"Gaur hemen nago zuei jakinarazteko batzuk dagoeneko susmatu duzuena, hau da, saskibaloi profesionaletik erretiratuko naizela. Erabaki zaila da, hainbeste urteren ondoren, baina hausnartua", iragarri du Gasolek Bartzelonako Lizeo Antzokian duen agerraldian.
Honako hauek dira Pau Gasolen kirol-ibilbideko daturik garrantzitsuenak:
1980: Bartzelonan jaio zen.
1996: FC Bartzelonan sartu zen.
1998: Urrea lortu zuen Mannheimeko Torneoan (Munduko Txapelketa ez-ofiziala), baita Bulgariako Europako Junior Txapelketan ere.
1999-01-17: ACB Ligan debutatu zuen.
1999: Urrezko domina lortu zuen junior mailako Portugalgo Munduko Txapelketan.
2001: Errege Kopa eta ACB Liga irabazi zituen, eta bietan jokalari onena izendatu zuten.
2001: Atlanta Hawksek NBAko drafteko hirugarren postuan hautatu zuen, eta, ondoren, Memphis Grizzliesek 4 urterako fitxatu zuen.
2002: NBAko urteko hasiberri onenaren saria jaso zuen.
2002: Bosgarren tokia lortu zuen Indianapoliseko Munduko Txapelketan.
2006: NBAko Izarren partida (All Star) jokatzeko hautatu zuten lehen aldiz (guztira sei aldiz aukeratu zuten bertan aritzeko).
2006: Japoniako Munduko Txapelketan urrea irabazi zuen, nahiz eta ezin izan zuen finala lesio bategatik. Kiroletako Asturiasko Printzea Saria jaso zuen Espainiako selekzioarekin.
2008: Los Angeles Lakersek fitxatu zuen eta, NBAko finalista izan zen.
2008: Zilarrezko domina erdietsi zuen Beijingo Olinpiar Jokoetan.
2009: NBAko lehen eraztuna eskuratu zuen Lakersekin, eta Eurobasketa ere irabazi zuen.
2010: NBAko bigarren txapelketa irabazi zuen Lakersekin.
2011: Urrezko domina irabazi zuen Eurobasketean.
2012: Zilarrezko domina eskuratu zuen Londresko Olinpiar Jokoetan.
2014-2016: Chicago Bulls taldearekin jokatu zuen.
2015: Marc anaiarekin batera Kiroletako Asturiasko Printzesa Saria partekatu zuen.
2015: Urrea lortu zuen Eurobasketean, eta txapelketako jokalaririk onena izendatu zuten.
2016: Brontzezko domina eskuratu zuen Rioko Olinpiar Jokoetan.
2016-2019: San Antonio Spurs taldean jokatu zuen. 2018an, ezker oinean estresak eragindako haustura diagnostikatu zioten.
2019: Milwaukee Bucks taldean jokatu zuen hilabete batzuetan, eta ebakuntza egin zioten oineko lesioarengatik.
2019: Portland Trail Blazers taldeak fitxatu zuen, baina ez zuen jokatu eta bertako batzorde teknikoan sartu zen.
2021: Bartzelonara itzuli zen denboraldia amaitu arte (Liga irabazi zuen), eta selekzioa utzi zuen Tokion, bere bosgarren hitzordu olinpikoan.
Zure interesekoa izan daiteke
NBAk Los Angeles Lakers taldea saltzea du: Mark Walter enpresariak erosi du 10.000 milioi euroren truke
Frankizia Buss familiaren eskuetan zen 1979tik, ligako ezein taldek egin duena baino denbora gehiago da.
Chauncey Billups entrenatzailea eta Terry Rozier jokalaria atxilotu dituzte, legez kanpoko apustuengatik
Portland Trail Blazers taldeko entrenatzailea eta Miami Heat taldeko jokalaria aske utzi dituzte jada.
Oklahoma City Thunder, NBAko txapeldun
Oklahomako taldeak bereganatu du NBAko eraztuna, Indiana Pacersi Finaletako zazpigarren eta azken partida irabazita (103-91).
AEB munduko beste taldeekin neurtuko da NBAko All Star txapelketan
Adam Silverrek, NBAren mandatariak, asteazken honetan aurreratu duenez, 2026ko All Star txapelketak aldaketak dakartza, izan ere, Estatu Batuetako taldea munduko beste taldeen aurka ariko da nor baino nor gehiago.
NBAk Europan liga bat sortzea aztertuko du FIBArekin
FIBAk eta NBAk proiektu bateratu bat iragarri dute Europako liga bat garatzeko, oraingoz zehaztapen askorik gabe, baina kontinentean saskibaloia iraultzea eragingo luke eta Euroligari erronka handia joko lioke.
Boston Celtics 6.100 milioi dolarren truke erosi dute, AEBn inoizko zenbatekorik handiena ordainduta
Bill Chisholm enpresariak akordioa itxi du Grousbeck familiarekin, alegia, frankiziaren jabeekin, horretako gehiengoaren partizipazioa erosteko.
Ibon Navarrok zuzendutako Unicaja, Kopako txapeldun
Unicaja Malaga da 2025eko Errege Kopako txapelduna, finalean Real Madrili gailenduta, 93-79ko emaitzarekin. Ibon Navarro gasteiztarrak zuzendutako taldeak final bikaina jokatu eta titulua bereganatu du.