Pau Gasol, Barçara itzultzetik gertu
Mundo Deportivo egunkariaren edizio digitalak larunbat honetan jakitera eman duenez, Pau Gasol pibot katalanak Bartzelonaren elastikoa jantziko du berriro 20 urte geroago, ikasturte honen amaierara arte akordioa lotu ostean.
Sant Boi de Llobregaten duela 40 urte jaiotako jokalaria 2001ean atera zen Bartzelonatik, eta 20 urteren ondoren Kataluniako hiriburura bueltatuko litzateke, Tokioko Olinpiar Jokoak prestatzeko xedearekin, aipatu egunkariak jasotzen duenez, nahiz eta NBAko zenbait talde indartuko zituela zioten hainbat zurru-murru egon diren, tartean bere anaia Marcek jokatzen duen Los Angeles Lakers,
Gasolek baretu egin du sortutako ikusmina
Larunbat arratsaldean albisteak hautsak harrotu ostean, Gasolek berak bere ikuspuntua eman nahi izan du Twitterren zabaldutako mezu baten bidez.
Hala, pibot kataluniarrak azaldu du ezker oineko lesioa sendatzen jarraitzen duela, eta, beraz, oraindik ez dagoela berriro lehiatzeko moduan. "Agertutako albisteen harira, nire errekuperazioan zentratuta jarraitzen dudala jakinarazi nahi dut, eta oraindik ez nago pistara itzultzeko prest", adierazi du. Hartara, albistearen gainean sortutako iusmina baretu nahi izan du.
Gasol sei aldiz hautatu dute All Star partidan aritzeko eta bi alditan lortu du NBAko txapeldun izatea Lakersekin; alabaina, 2019ko martxotik partida ofizialik jokatu gabe dago, Milwaukee Bucks taldean zegoenetik, hain zuzen ere. Orduz geroztik, birritan egin diote ebakuntza ezker oinean, eta errehabilitazio luze bati aurre egin behar izan dio.
Albistea baieztatuz gero, Bartzelonak otsailaren 24ra arte izango luke epea bere jokalari berria Euroligan izena emateko.
Zure interesekoa izan daiteke
NBAk Los Angeles Lakers taldea saltzea du: Mark Walter enpresariak erosi du 10.000 milioi euroren truke
Frankizia Buss familiaren eskuetan zen 1979tik, ligako ezein taldek egin duena baino denbora gehiago da.
Chauncey Billups entrenatzailea eta Terry Rozier jokalaria atxilotu dituzte, legez kanpoko apustuengatik
Portland Trail Blazers taldeko entrenatzailea eta Miami Heat taldeko jokalaria aske utzi dituzte jada.
Oklahoma City Thunder, NBAko txapeldun
Oklahomako taldeak bereganatu du NBAko eraztuna, Indiana Pacersi Finaletako zazpigarren eta azken partida irabazita (103-91).
AEB munduko beste taldeekin neurtuko da NBAko All Star txapelketan
Adam Silverrek, NBAren mandatariak, asteazken honetan aurreratu duenez, 2026ko All Star txapelketak aldaketak dakartza, izan ere, Estatu Batuetako taldea munduko beste taldeen aurka ariko da nor baino nor gehiago.
NBAk Europan liga bat sortzea aztertuko du FIBArekin
FIBAk eta NBAk proiektu bateratu bat iragarri dute Europako liga bat garatzeko, oraingoz zehaztapen askorik gabe, baina kontinentean saskibaloia iraultzea eragingo luke eta Euroligari erronka handia joko lioke.
Boston Celtics 6.100 milioi dolarren truke erosi dute, AEBn inoizko zenbatekorik handiena ordainduta
Bill Chisholm enpresariak akordioa itxi du Grousbeck familiarekin, alegia, frankiziaren jabeekin, horretako gehiengoaren partizipazioa erosteko.
Ibon Navarrok zuzendutako Unicaja, Kopako txapeldun
Unicaja Malaga da 2025eko Errege Kopako txapelduna, finalean Real Madrili gailenduta, 93-79ko emaitzarekin. Ibon Navarro gasteiztarrak zuzendutako taldeak final bikaina jokatu eta titulua bereganatu du.