Lointek Gernikak oso bideratuta utzi du kanporaketa (92-50)
Lointek Gernikak irabazi egin du astelehen honetan Basket Namur talde belgikarraren kontra, Eurokopako multzoen fasera sailkatzeko balio duen kanporaketako joaneko partidan.
Gernikako Malosten jokatutako norgehiagokan, etxekoak goitik behera nagusitu dira; izan ere, bisitariek sartu duten partidako hasierako saskiratzea kenduta (0-2), uneoro izan dute alde markagailua. Horren adierazle dira laurden bakoitzean egon diren emaitzak: 18-6, 36-18 (atsedenaldian), 64-27 eta 92-50 (amaieran).
Gernikarren artean Gintare Mazionyte izan da saskiratzaile nagusiena, 17 punturekin. Lituaniarraz gain, beste lau jokalarik ere 10 puntutik gora sartu dituzte: Valeriya Berezhynska (16 puntu) Rachael Vanderwal (16), Margaret Roundtree (12) eta Itziar Ariztimuño (11).
Horrenbestez, Mario Lopezek entrenatzen duen taldeak 42 puntuko aldearekin egingo dio aurre ostegun honetan bertan jokatuko den itzuliko lehiari. Partida Belgikan izango da, 20:30etik aurrera, Hall Octave Henry kantxan.
Namurrek iazko Eurokopan ere hartu zuen parte, eta lehen postua erdietsi zuen multzoen fasean, baina Enisey Errusiako taldeak kanporatu zuen hurrengo kanporaketan. Gernikak, berriz, ez zuen lehen fasea gainditu.
Zure interesekoa izan daiteke
NBAk Los Angeles Lakers taldea saltzea du: Mark Walter enpresariak erosi du 10.000 milioi euroren truke
Frankizia Buss familiaren eskuetan zen 1979tik, ligako ezein taldek egin duena baino denbora gehiago da.
Chauncey Billups entrenatzailea eta Terry Rozier jokalaria atxilotu dituzte, legez kanpoko apustuengatik
Portland Trail Blazers taldeko entrenatzailea eta Miami Heat taldeko jokalaria aske utzi dituzte jada.
Oklahoma City Thunder, NBAko txapeldun
Oklahomako taldeak bereganatu du NBAko eraztuna, Indiana Pacersi Finaletako zazpigarren eta azken partida irabazita (103-91).
AEB munduko beste taldeekin neurtuko da NBAko All Star txapelketan
Adam Silverrek, NBAren mandatariak, asteazken honetan aurreratu duenez, 2026ko All Star txapelketak aldaketak dakartza, izan ere, Estatu Batuetako taldea munduko beste taldeen aurka ariko da nor baino nor gehiago.
NBAk Europan liga bat sortzea aztertuko du FIBArekin
FIBAk eta NBAk proiektu bateratu bat iragarri dute Europako liga bat garatzeko, oraingoz zehaztapen askorik gabe, baina kontinentean saskibaloia iraultzea eragingo luke eta Euroligari erronka handia joko lioke.
Boston Celtics 6.100 milioi dolarren truke erosi dute, AEBn inoizko zenbatekorik handiena ordainduta
Bill Chisholm enpresariak akordioa itxi du Grousbeck familiarekin, alegia, frankiziaren jabeekin, horretako gehiengoaren partizipazioa erosteko.
Ibon Navarrok zuzendutako Unicaja, Kopako txapeldun
Unicaja Malaga da 2025eko Errege Kopako txapelduna, finalean Real Madrili gailenduta, 93-79ko emaitzarekin. Ibon Navarro gasteiztarrak zuzendutako taldeak final bikaina jokatu eta titulua bereganatu du.