IDK Euskotrenek eta Lointek Gernikak garaipena lortu dute; Kutxabank Araskik, berriz, galdu egin du
Endesa Ligaren 29. jardunaldia amaitu da euskal taldeentzat: IDK Euskotrenek eta Lointek Gernikak garaipena eskuratu dute, eta Kutxabank Araskik galdu egin du.
IDK Euskotrenek 52-89 irabazi zion atzo Bembibreri, Endesa Ligako azkenari, eta seigarren tokian jarri da sailkapen nagusia. Garaipen horri esker, eta Baxi Ferrok eta Ensinok galdu egin zutela kontuan hartuta, Azu Muguruzaren taldeak play-offean sartzeko aukera dauka. Datorren asteburuan erabakiko da dena, Ligako azken jardunaldian, Ensinoren aurka jokatuko duten norgehiagokan.
Azkeneko lau partidak galdu ostean, Lointek Gernika Bizkaiak garaipen garrantzitsua lortu zuen atzo, Celta Zorka Recalviri 73-64 irabazita; izan ere, play-offean sartzeko aukera izango dute oraindik. Azken partida Salamancan jokatuko dute, Perfumerias Avenida taldearen kontra.
Kutxabank Araskik 83-59 galdu zuen Kanaria Handian, baina ez dauka ezer jokoan. Made Urietaren taldeak etxean amaituko du denboraldia, Jairisen aurrean.
Zure interesekoa izan daiteke
Ibon Navarrok bere etete klausula ordaindu eta amaiera eman dio Unicajako etapari
Entrenatzaile gasteiztarrak oraindik urtebeteko kontratua indarrean izan arren, Malagako kluba utziko du azken urteetako entrenatzailerik arrakastatsuena bihurtu ondoren.
IDK Euskotrenek Gedna Capel hegal-pibota fitxatu du, 2026-2027 denboraldirako
Gipuzkoako taldeak jokalari kataluniarra fitxatu duela iragarri du. Capelek duela egun batzuk egin ditu 24 urte, eta 1,85eko altuera du.
Surne Bilbaok Adam Somogyi fitxatu du
Nazioarteko hungariarrak 2028ra arte sinatu du talde bilbotarrarekin, Txapeldunen Ligan partidako asistentzia gehien egin dituen joku-antolatzailea izanda.
Kutxabank Araskik Laura Piera fitxatu du
Kataluniako jokalaria Joventut taldean aritu ostean dator Gasteizera.
Galbiati: “Nire bizitzako denboraldirik zailena izan da"
Paolo Galbiati Kosner Baskoniako entrenatzaileak aitortu duenez, Endesa Ligako play-offetan Asisa Joventuten aurka galdu ostean, bere bizitzako "denboraldirik zailena" izan da.
Kosner Baskonia Asisa Joventut final-laurdenetako play-offeko hirugarren partidaren laburpena (88-96)
Kosner Baskoniak porrot gogorra jaso du Asisa Joventuten aurka igande honetan (88-96), eta Endesa Ligako play-offetatik kanpo geratu da. Ikusi hemen partidaren laburpena.
Kosner Baskoniak berriro galdu du Joventuten aurka, eta play-offetatik at geratu da (88-96)
Paolo Galbiatik zuzentzen duen taldeak ezin izan du etxean agindu, eta bigarren porrotarekin Endesa Ligako play-offetatik kanpo geratu da.
Asisa Joventut vs Kosner Baskonia final-laurdenetako play-offeko bigarren partidaren laburpena (82-63)
Paolo Galbiatiren taldeak ezin izan du kanporaketa bigarren partidan itxi, eta igandean Buesa Arenan final bat jokatuko du. Gaizki hasi du jokoa Gasteizko taldeak, eta gero ezin izan diote buelta eman partidari. Ikusi hemen partidako laburpena.
Kosner Baskoniak galdu egin du Badalonan (82-63), eta hirugarren partida jokatu beharko du
Paolo Galbiatiren taldeak partida hasiera kaskarra izan du, eta ondo ordaindu du partida osoan. Horrela, kanporaketa Buesa Arenan erabakiko da, igandean.
Surne Bilbao eta Valentzia Basketen arteko play-offetako final-laurdenetako bigarren partidaren laburpena (71-88)
Valentziako taldeak etxetik kanpo ere garaitu du Bilboko taldea, eta 2-0eko emaitzarekin kanporatu du Surne Bilbao.