ACBk Gipuzkoa Basket gonbidatu du datorren denboraldian Endesa Ligan aritzeko
Saskibaloiko Kluben Elkarteak (ACB) astearte honetan adierazi duenez, Delteco Gipuzkoa Basket 2020-2021eko Endesa Ligan aritzera gonbidatu du, eta, horrela, bete egin du erabaki hori hartzera behartzen zuen auto judiziala.
"ACBk gonbidapena egin dio Donostia Gipuzkoa Basketi 2020-21 denboraldian ACBn aritu dadin, Bartzelonako Lehen Auzialdiko 38 zenbakiko Epaitegiak emandako autoan xedatutakoa betez, elkarteak kautelazko neurrien aurka egiteko duen eskubideari kalterik egin gabe", adierazi du ACBk ohar batean.
Donostiako taldea, Carramimbre Valladolidekin batera, Urrezko LEB Ligatik ACBra igotzeko eskubidea zuten bi taldeetako bat da, eta joan zen ostiralean auto judizial bat aurkeztu zuen ACBren egoitzan. Donostiako klubak azaldutakoaren arabera, auto horrek klubak eskatutako kautelazko neurria aintzat hartzen du, eta taldea "berehala" Endesa Ligan inskribatzeko "betebeharra" ezartzen du.
Gipuzkoa Basketen erabakia Kirol Kontseilu Gorenak, ACBk eta Espainiako Saskibaloi Federazioak negoziazioak amaitutzat eman eta egun batera iritsi zen, donostiarrak maila gorenera igo zitezela modurik aurkitu ez zutela. "Urrezko LEB mailako taldeek mailaz igotzeko eskubidea dute, eta artifizialki sortutako oztopo administratiboek edo ekonomikoek ez dute igoera eragozten. Ebazpen judiziala beste luzapenik gabe betetzea espero dugu, afiliazio prozesu luze eta bihurri baten ondoren, kalte ekonomiko eta kirol kalte handiak eragin dizkigulako", ohartarazi zuen euskal taldeak egun horretan.
Gogoratu beharra dago Kluben Elkarteak 2019-2020 denboraldian jaitsierarik ez egitea erabaki zuela, koronabirusak lehiaketa eten ondoren; ondorioz, 18 taldeak mantendu zituen lehen mailan. Horrenbestez, Deltecoren onarpenak Endesa Ligak 19 eta bi jardunaldi gehiago izatea eragingo du, Euroligak estutzen duen egutegi batean.
Zure interesekoa izan daiteke
Araskik maila gorenean jarraituko du, Estepona garaituta (74-77)
Hil ala biziko partida jokatu du Gasteizko taldeak azken jardunaldian, eta garaipenarekin hurrengo denboraldian maila gorenean jarraitzea ziurtatu dute.
Lointekek Gernika KESB babesteari utziko dio, 2025-2026 denboraldia amaituta
Bizkaiko klubak baieztatu du “elkarrizketak” abiatu dituela, “hainbat erakunde eta enpresarekin, etapa berri honetan taldeari izena emango dion bidelagun berri bat aurkitzeko helburuarekin, Emakumezkoen Endesa Ligan”.
Jaume Ponsarnau, itzuliko partidaz: “Lan gogorra dugu, mailarik onena eman beharra dugu”
Surne Bilbaok sei puntuz galdu du, 79-73, FIBA Europa Kopako joaneko neurketan. Norgehiagoka amaituta, Jaume Ponsarnau entrenatzaileak nabarmendu du titulua Miribillan erabakiko dela, “gure jendearekin”.
Justin Jaworski: “Garaipena lortzea gustatuko litzaiguke, baina erdia falta da”
Surne Bilbaok sei puntuz galdu du, 79-73, Salonikan, PAOK aurkari, FIBA Europa Kopako joaneko partidan; hala, euskal taldeak markagailua irauli beharko du Miribillan, datorren asteazkenean.
Finalaren itzulikoa irauli beharko du Surne Bilbaok, Mirbillan, galdu egin baitu joaneko partida, Salonikan (79-73)
Ponsarnauren taldeak partida osoa eman du markagailuan atzetik, Palatakin, biko jaurtiketen portzentaje txarrak baldintzatuta. PAOKen aldeko koskarik handiena 12 puntukoa izan da, baina puntu bakarrko aldea ere izan da.
Zuzenean: FIBA Europe Cup txapelketaren finaleko joaneko partida, PAOK Salonikaren eta Bilbao Basketen artean
Ikusi, gaur, apirilak 22, 18:15etik aurrera, PAOK Salonikaren eta Surne Bilbao Basketen arteko FIBA Europe Cupeko finalaren joaneko partidaren zuzeneko emanaldia, Greziatik. Saioa 17:50ean hasiko da ETB1en, atariko batekin, eta partida streaming bidez jarraitu ahal izango da kirolakeitb.eus eta ETBOn atarien bidez.
Ponsarnau: “Gure focus-a da partida oso luze bat izango balitz bezala ulertzea"
Surne Bilbao Basketek PAOK talde greziarraren aurka jokatuko ditu, bihar, apirilak 22, FIBA Europa Kopako finalaren joaneko 40 minutuak. Jaume Ponsarnau entrenatzailearekin egon gara Loiuko aireportuan eta “ilusio handiarekin eta kontzentratuta” daudela esan digu. (Bideoa gazteleraz)
Surne Bilbaok Grezia du jomugan
Tryggvi Hlinason beltzezko gizonen kapitainak dioenez, iazko eta duela bi hilabeteko bigarren fasean aurrean izandako PAOK, talde bera izanagatik, "zeharo aldatu" da. Bai Miribillan (95-73) eta bai Palatakin (87-88) mendean hartu zuten beltzezkoek PAOK bigarren fasean.
Surne Bilbaok galdu egin du BAXI Manresaren aurka Miribillan (80-84)
FIBA Europako Kopako finalaren joaneko partidaren atarian, Surne Bilbaok porrot egin du Miribillan Baxi Manresaren aurkako norgehiagoka (80-84), eta, ondorioz, play-offean sartzeko atzerapausoa eman du.
Kosner Baskoniak porrot batekin esan dio agur Euroligari Belgraden (91-79)
Arabarrek bolada onari amaiera eman diote azken jardunaldian, Partizani egindako bisitan galdu dute. Hala ere, dagoeneko ez zuten ezer jokoan.