Porrot mingarria jaso du Gipuzkoa Basketek, Valentziaren aurka
Delteco Gipuzkoa Basketek porrota jaso du Valentziaren aurka (66-67), partida handia jokatu ostean. Garaipena gertu izan du talde gipuzkoarrak, baina azken txanpan ihes egin dio.
Lehen laurdena oso parekatua eta puntu gutxikoa izan da. Bi taldeei kosta egin zaie saskiratzeak lortzea, eta defentsan sendo ibili dira. Lau puntuko abantaila izan du momentu baten Gipuzkoa Basketek, baina Valentziak azkar erantzun du, eta hasierako hamar minutuak berdinduta amaitu dira (14-14).
Bigarren laurdenari kaskar ekin dio Delteco GBC taldeak. Rebeci kirolez kontrako falta adierazi diote, eta Valentzia horretaz baliatu da abantaila lortzen hasteko. Atsedenaldira iristeko hiru minuturen faltan, 9 puntuko errenta (22-31) eskuratu du talde bisitariak. Norgehiagoka maldan gora jarri zaio Gipuzkoa Basketi, baina jokalariek ez dute etsi, eta lau puntura murriztu dute desabantaila (29-33).
Atsedenalditik kantxara itzuli ostean, Valentziak abantaila handitu du 7 puntura (31-38), baina Gipuzkoa Basketek azkar erreakzionatu du. Donostiako taldeak aurkariaren abantaila ezerezean uztea lortu du (41-41 eta 45-45). Ondoren, Valentzia baino hobea izan da GBC, eta lau puntuko abantaila eskuratu du (52-48), azken laurdenari ekiteko.
Bikain ekin dio azken laurdenari Gipuzkoa Basketek, abantaila hamar puntura handituta (62-52), baina Valentzia kalitate handiko taldea da, eta aldeak murriztea lortu du (64-60). Hala ere, Gipuzkoa Basketek sei puntuko errenta eskuratu du (66-60) azken bi minutuei aurre egiteko. Valentzia, ordea, nagusi izan da azken txanpan, eta puntu bakarrera gerturatu da (66-65) amaierarako minutu bakarra falta zenean. Azken minutuan oso gaizki jokatu du Delteco GBCk. Valentziak bi puntuko saskiratzea lortu du, Gipuzkoa Basketek ez du azken jabetzan asmatu, eta porrota jaso du (66-67).
Fitxa teknikoa:
66.- Delteco Gipuzkoa Basket (14+15+23+14): Dani Perez (2), Newells (14), Salvo (10), Burjanadze (6), Sekulic (4)- hasierako taldea- Maiza, Van Lacke, Barro, Salvo, Vobrov (12), Rebec (6), Zeisloft (12), Corbacho,
67.- Valentzia Basket (14+19+15+19): Labeyrie (12), Van Rosson (8), San Emeterio (11), Will Thomas, Rafa Martinez (3)- hasierako taldea- Diot, Garcia, Vives (7), Tobey (13), Sastre (5), Matt Thomas (2) eta Doornekamp (6).
Epaileak: Peruga. Aliaga eta Baena. Kanporaturik gabe.
Zure interesekoa izan daiteke
Lara McSpadden pibot australiarrak Inversus Gernikan jokatuko du
27 urteko jokalaria 1,94 metro luze da, eta bere herrialdeko ligako Sydney Flames taldetik dator.
Bassala Bagayokok ez du Surne Bilbaon jarraituko
2028ra arte kontratua izan arren, bi aldeak ados jarri dira lotura hausteko. Maliko pibotak Texas Tech taldean jokatuko du, AEBetako unibertsitate ligan.
Ponsarnau: “Klubaren hazkundeari eusteko gogor egin beharko dugu lan”
Surne Bilbao Basketek denboraldiaurreko lehen entrenamendua buru du. Aurten, Europa mailan koska bat igo eta Txapeldunen Ligan jokatuko du (BCL). “Hazkunde horren parte” izan nahi dutela azaldu du Harald Frey jokalariak, baina horretarako, gogor egin beharko dute lan.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
-3?fmt=webp-alpha&qlt=80)
Surne Bilbaok azterketa medikoekin hasiko du denboraldiaurrea
Aleix Font, Bastien Bautier, Manex Ansorregi eta Ondrej Hustak, 22 urtez azpiko Urko Madariaga, Mikel Liñares eta Bingen Errasti gain, izan dira azterketa medikoak igaro dituzten lehen jokalariak.
Kosner Baskoniak Burgosen jokatuko du ligako lehen partida, eta Surne Bilbaok Manresa hartuko du etxean
Lehenengo euskal derbia azaroaren 22an jokatuko da, 12:00etan, Bilbon, eta bigarrena 2027ko urtarrilaren 30ean, 19:30ean, Gasteizen.
Los Angeles Lakers taldea, 12.000 milioi dolarren truke truke salduta Kushner eta Iger enpresariei
Salmenta Mark Walterrek frankizia erosi eta urtebetera gertatu da, eta NBAko talde batentzat inoizko handiena izango da.
Smartlog Ointxe taldea 3x3 saskibaloiko Women's Seriesen arituko da Azerbaijanen
Espainiako Kopa eskuratuta, Arrasateko taldeak goi mailan aritzeko gonbidapena jaso du. Irene Muruak, Lara Gonzalezek, Izar Bediak eta Mama Dembelek osatzen duten taldeak bi partida ditu larunbatean Neftxi Azerbaijaneko taldearen eta Yanjing talde txinatarraren kontra.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.