Luzapenean irabazi dio Tenerifek Gipuzkoa Basketi
Luzapenean irabazi dio Iberostar Tenerifek Gipuzkoa Basketi Donostia Arenan (Illunbe). Valdeolmillosen taldea kanariarrei gailentzeko balentriak eginak zituen, baina luzapenak ez die mesede egin.
Atzeratu egin da gainera, partidaren hasiera posesioa neurtzen duen erlojuarekin arazoak izan dituztelako.
Entrenatzaile granadarrak hasieratik atera duen boskotea honakoa izan da: Gutierrez, Nevels, Bobrov, Salvo eta Barro; bigarrenak sekulako partida egin duelarik.
Lehen laurdenari dagokionez, Valdeolmillosen taldeak gupidagabe ekin dio neurketari eta aurreneko minutuetan, jaun eta jabe izan da, Nevelsen saskiratzeei esker, berak eman baititu lehen bost puntuak taldeari. Min handia egin die hasiera gogor horrek aurkariari, eta azkenik, 26-15ko emaitzarekin eman diote amaiera lehen zatiari.
Bigarren laurdenean, GBCk partidaren nagusitasuna bere egin du markagailua bere alde izanik une oro, baina Tenerife hurbiletik zuen jarraiki. Hala ere, gipuzkoarrek eutsi egin dute eta 43-36 iritsi dira atsedenera; apzimarragarri izan da bertan ere, Nevels eta Bobroven jokoa.
Hirugarren laurdenean, Iberostar Tenerifek aldea murriztu du eta GBCren emaitzarengandik gero eta hurbilago zegoen. Valdeolmillosen taldeak, ordea, lanak izan ditu nagusitasun hori mantentzeko; izan ere, Txus Bidorretak zuzentzen dituen jokalariek konfiantza handia erakutsi dute jokoan (55-53).
Azken laurdenean, Gipuzkoa Basketek ezuste handia hartu du atsedenaren ostean Tenerifek egundoko indarra erakutsi ostean. Berdinketa iritsi da Illunbera, eta hortik aurrera, Iberostar indarberritu egin da eta aurrea hartu dio GBCri. Minutuek aurrera egin ahala, gainera, gero eta parekatuago zegoen norgehiagoka McFaddenen saskiratze batek luzapena eragin duen arte (68-68).
Delteco Gipuzkoa Basketen aukerak ezeresean gelditu dira Bidorretaren taldea aukera guztiez baliatu baitira. Gauzak horrela, ihes egin dio talde gipuzkoarrari Ligako aurreneko garaipenak, eta ondorioz, laugarren porrota jaso du jarraian. Tenerifek bestalde, Ligako hirugarren garaipena eskuratu du (73-79).
Fitxa teknikoa:
73.- Delteco Gipuzkoa Basket: Gutierrez (2), Nevells (19), Bobrov (16), Salvo (7), Barro (2)- lehen boskotea- Van Lacke (5), Beraza (2), Sekulic (9), Dani Perez (5), Oroz, Corbacho (6), Maiza.
79.- Iberostar Tenerife: San Miguel (6), McFadden (18), Beirán (13), Abromaitis (3), Colton Iverson (3)- lehen boskotea- Saiz (12), Staiger (9), Bassas (6), Bonde, Gillet (9).
Epaileak: Perez, Serrano, Gonzalez Galvez.
Zure interesekoa izan daiteke
Valentziak Endesa Ligako finala jokatuko du Bartzelonaren aurka
Valentzia Basketek Endesa Ligako finalerako txartela lortu du igande honetan, Asisa Joventuten aurkako finalerdietako hirugarren partida ere irabazita (75-87), Badalonan, garaipen guztiak lortuta eta finalerako txartela lortuta. Hala, Bartzelonaren aurka jokatuko du finala.
BBK Bidaideak taldea BSR 3x3ko Espainiako txapeldun
BBK Bidaideakek Amiab Albacete garaitu du (13-10) Bilbon jokatutako finalean, Europako brontzearekin eta Ligako Lauko Finalerako sailkapenarekin osatutako denboraldi arrakastatsua borobilduta.
New York Knicks 53 urte geroago nagusitu da NBAn
New Yorkeko taldeak 90-94 garaitu du San Antonio Spurs partida parekatu batean. Hala, 4-1ko emaitzarekin irabazi du finala.
Bartzelona, Endesa Ligako lehen finalista
Barçak Endesa Ligako finalerako txartela lortu du finalerdietako hirugarren partidan La Laguna Teneriferi irabazita (76-85). Valentzia Basketek eta Asisa Joventutek jokatuko duten kanporaketatik aterako da bere aurkaria.
Ibon Navarro, Izar Gorriko entrenatzaile berria
Gasteiztarrak Milan Tomic ordezkatuko du, maiatzaren amaieran taldearen ardura hartu zuen entrenatzailea, eta lehen esperientzia izango du entrenatzaile gisa Espainiatik kanpo.
Ibon Navarrok bere etete klausula ordaindu eta amaiera eman dio Unicajako etapari
Entrenatzaile gasteiztarrak oraindik urtebeteko kontratua indarrean izan arren, Malagako kluba utziko du azken urteetako entrenatzailerik arrakastatsuena bihurtu ondoren.
IDK Euskotrenek Gedna Capel hegal-pibota fitxatu du, 2026-2027 denboraldirako
Gipuzkoako taldeak jokalari kataluniarra fitxatu duela iragarri du. Capelek duela egun batzuk egin ditu 24 urte, eta 1,85eko altuera du.
Surne Bilbaok Adam Somogyi fitxatu du
Nazioarteko hungariarrak 2028ra arte sinatu du talde bilbotarrarekin, Txapeldunen Ligan partidako asistentzia gehien egin dituen joku-antolatzailea izanda.
Kutxabank Araskik Laura Piera fitxatu du
Kataluniako jokalaria Joventut taldean aritu ostean dator Gasteizera.
Galbiati: “Nire bizitzako denboraldirik zailena izan da"
Paolo Galbiati Kosner Baskoniako entrenatzaileak aitortu duenez, Endesa Ligako play-offetan Asisa Joventuten aurka galdu ostean, bere bizitzako "denboraldirik zailena" izan da.