Delteco GBC galtzaile atera da Zaragozan (97-73)
Delteco GBC taldeak porrot handia hartu du Tecnyconta Zaragozaren etxean 97 eta 73. Aragoikoek hirugarren garaipena jarraian lortu dute Ligan hirugarren laurdenean egindako hiruko saskiratzeei esker. Azken laurdenerako neurketa erabakita utzi dute.
Zaragoza aurretik izan da markagailua ia partida osoan, GBC 15 eta 16 aurreratu den momentua kendura. Nagusitasuna oso nabarmena izan da eta garaipena merezita lortu dute etxekoek.
Tecnyconta hasieratik hobeto atera da, eta puntuak erraz sartu ditu. Donostiarrek ez dute amore eman eta 13-11 hurbildu dira lehen laurdenean, eta 15 eta 16 aurretik jartzeko gai izan dira lehen 10 minutuak betetzeko minutu eta erdiren faltan.
Bigarren laurdenean, Zaragozak 12 puntuko aldea ere izan du 18. minutuan, baina Porfi Fisacen taldeak 1 eta 7ko partziala egin du eta 43 eta 37 iritsi dira atsedenaldira.
Hirugarren laurdenean etxekoak amorruz atera dira, partida erabakita uzteko asmoarekin. Eta lortu egin dute, hiruko saskiratzeei esker. Horrela, 70 eta 52ko emaitzarekin hasi dute azken laurdena.
Partida erabakita, GBC ezinean aritu da eta Tecnycontak lasai eta eroso jokatu ditu azken minutuak. Azkenean, aragoarrak 97 eta 73 gailendu dira.
Fitxa teknikoa
97 - Tecnyconta Zaragoza (18+25+27+27): Bellas (9), Neal (14), Barreiro (3), Dragovic (15), Varnado (9) -hasierako boskotea- Sergi García (12), Mazalin (2), Michalak (8), De Jong (8), Álex Suárez (11) eta Blums (6).
73 - Delteco GCB (16+21+15+21): Dani Pérez (2), Swing (17), Salvo (7), Fakuade (3), Norel (10) -hasierako boskotea- Agbelese (6), Chery (12), Van Lacke (9), Oroz (5), Pardina (-) eta Clark (2).
eta Clark (2).Zure interesekoa izan daiteke
Ibon Navarro, Izar Gorriko entrenatzaile berria
Gasteiztarrak Milan Tomic ordezkatuko du, maiatzaren amaieran taldearen ardura hartu zuen entrenatzailea, eta lehen esperientzia izango du entrenatzaile gisa Espainiatik kanpo.
Ibon Navarrok bere etete klausula ordaindu eta amaiera eman dio Unicajako etapari
Entrenatzaile gasteiztarrak oraindik urtebeteko kontratua indarrean izan arren, Malagako kluba utziko du azken urteetako entrenatzailerik arrakastatsuena bihurtu ondoren.
IDK Euskotrenek Gedna Capel hegal-pibota fitxatu du, 2026-2027 denboraldirako
Gipuzkoako taldeak jokalari kataluniarra fitxatu duela iragarri du. Capelek duela egun batzuk egin ditu 24 urte, eta 1,85eko altuera du.
Surne Bilbaok Adam Somogyi fitxatu du
Nazioarteko hungariarrak 2028ra arte sinatu du talde bilbotarrarekin, Txapeldunen Ligan partidako asistentzia gehien egin dituen joku-antolatzailea izanda.
Kutxabank Araskik Laura Piera fitxatu du
Kataluniako jokalaria Joventut taldean aritu ostean dator Gasteizera.
Galbiati: “Nire bizitzako denboraldirik zailena izan da"
Paolo Galbiati Kosner Baskoniako entrenatzaileak aitortu duenez, Endesa Ligako play-offetan Asisa Joventuten aurka galdu ostean, bere bizitzako "denboraldirik zailena" izan da.
Kosner Baskonia Asisa Joventut final-laurdenetako play-offeko hirugarren partidaren laburpena (88-96)
Kosner Baskoniak porrot gogorra jaso du Asisa Joventuten aurka igande honetan (88-96), eta Endesa Ligako play-offetatik kanpo geratu da. Ikusi hemen partidaren laburpena.
Kosner Baskoniak berriro galdu du Joventuten aurka, eta play-offetatik at geratu da (88-96)
Paolo Galbiatik zuzentzen duen taldeak ezin izan du etxean agindu, eta bigarren porrotarekin Endesa Ligako play-offetatik kanpo geratu da.
Asisa Joventut vs Kosner Baskonia final-laurdenetako play-offeko bigarren partidaren laburpena (82-63)
Paolo Galbiatiren taldeak ezin izan du kanporaketa bigarren partidan itxi, eta igandean Buesa Arenan final bat jokatuko du. Gaizki hasi du jokoa Gasteizko taldeak, eta gero ezin izan diote buelta eman partidari. Ikusi hemen partidako laburpena.
Kosner Baskoniak galdu egin du Badalonan (82-63), eta hirugarren partida jokatu beharko du
Paolo Galbiatiren taldeak partida hasiera kaskarra izan du, eta ondo ordaindu du partida osoan. Horrela, kanporaketa Buesa Arenan erabakiko da, igandean.