Jokin Altunak laugarren txapela nahi du Buruz Burukoan; Artolak, aldiz, bere lehenengoa
Jokin Altuna egungo Buruz Buruko txapelduna faborito nagusia da igandean Iñaki Artolaren aurka jokatuko duen final handiari begira.
Partida Bilboko Bizkaia pilotalekuan jokatuko dute, eta EITB Mediak jarraipen zabala egingo dio telebistan, irratietan zein webgunean.
Altunak (Amezketa, 29 urte) azken zortzi finaletatik sei jokatu ditu Buruz Buruko lehian, eta hamasei, orotara, bere ibilbide osoan, txapelketa handiei dagokienez (zortzi jokatu ditu Lau t'erdikoan eta bi Binakakoan). Azken hamarkadan, jaun eta jabe izan da pilotalekuetan.
Olaizola eta Irujo txapeldun handien fisikoa falta zaio Amezketako aurrelariari, baina teknika aldetik maisua da, kantxa bikain kontrolatzen du eta mentalki oso sendoa da. Hori guztia kontuan izanda, oso zaila da Aspeko pilotaria mendean hartzea.
Bere laugarren txapela irabaziz gero, Altunak Aimar Olaizola, Ruben Beloki eta Mariano Juaristi Atano III.a berdinduko lituzke Buruz Buruko palmaresean. Lau pilotari izango lituzke gainetik: Irujo (5 txapel), Juan Ignacio Retegi eta Hilario Azkarate (6 txapel) eta Julian Retegi (11 txapel).
Bestalde, Iñaki Artolak (Alegia, 30 urte) bere lehen final handia jokatuko du Buruz Burukoan, arazo fisikoengatik 2021. urtekoari uko egin ostean. Finalerdian zuntz haustura izan zuen eskuineko besoan, eta horrek finala jokatzea galarazi zion. Orduan ere, Jokin Altuna zuen Bizkaia pilotalekuan jokatu beharreko finalean zain.
Fisikoki indartsua da Artola, eta esperientzia ere badu. Horregatik lortu zuen orain bi hilabete Binakako finala jokatzera. Bere helburua ezustekoa ematea da, eta Altunak Banakakoan bi titulu jarraian ez irabaztea. Olaizolak lortu zuen azkenengoz marka hori, 2012 eta 2013. ekitaldietako txapelak kateatuz.
Material aukeraketa
Ostegunean egindako material aukeraketan, bi pilotariak gustura geratu ziren probatutako pilotekin. Altunak 104,5 eta 105 gramoko pilotak aukeratu zituen, eta Artolak, berriz, 104,7 eta 105,1 gramokoak.
Ohi legez, Buruz Buruko finala 17:00etan hasiko den pilota jaialdiko bigarren partida izango da. Atariko partidan, Jaka-Albisu eta Elordi-Martija bikoteak arituko dira nor baino nor gehiago. Pilota jaialdia eta finalaren osteko guztiak zuzenean jarraitzeko aukera izango da ETB1en 16:45ean hasiko den saio berezian.
Zure interesekoa izan daiteke
2026ko Buruz Buruko Txapelketako sailkapenak, emaitzak eta egutegia
2026ko Buruz Buruko Txapelketa apirilaren 3an hasiko da, eta maiatzaren 31n bukatu. Finala Nafarroa Arenak hartuko du.
Larrazabalek Artola garaitu du partida oso gogorrean (17-22)
Iker Larrazabalek 2026ko Buruz Buruko lehen puntua lortu du Iñaki Artola 17-22 garaituta. Aurretik joan da uneoro markagailuan, baina sendo ibili behar izan da kosta zaion garaipena lortzeko.
Buruz Buruko Txapelketa, final-laurdenetara begira
Erik Jaka izan da asteburu honetako Buruz Buruko Txapelketako azken jardunaldiko protagonistetako bat, partida amaieran Ezkurdiaren aurka markagailua irauli ondoren.
Handia egin du Jakak, azken unean Ezkurdiari partida iraulita (21-22)
Larunbat honetan, Lizarran jokatutako Buruz Buruko Txapelketaren ligaxkako final-zortzirenetan, azken unean markagailua iraulita garaitu du Erik Jakak Joseba Ezkurdia, eta final-laurdenetarako sailkatu da.
Zabalak erraz garaitu du Bakaikoa (5-22), eta final-laurdenetara igaro da
Javier Zabalak erraz (5-22) menderatu du Joanes Bakaikoa Buruz Buruko Txapelketaren ligaxkako final-zortzirenetan, Logroñon, eta final-laurdenetarako sailkatu da.
Dario Buruz Buruzko Txapelketako final-laurdenetan izango da, Elordi kanporatuta (22-6)
Dario Gomezek nagusitasunez (22-6) garaitu du Aitor Elordi Buruz Buruko Txapelketaren ligaxkako final-zortzirenetan, Bastidan, eta final-laurdenetarako sailkatu da.
Buruz Burukoa abian da, Altuna, faborito nagusia, Laso, Artola eta Larrazabal zerrendaburu direla
Laurak zuzenean sailkatuko dira final-laurdenetako ligaxkara, eta bertan lau txapeldun multzo berean elkartu daitezke: Laso, Altuna, Elordi eta Jaka, azken biek final-zortzirenetako kanporaketa gainditzen baldin badute. Serie B txapelketan, zozketak Zubizarreta anaia ataudarren arteko neurketa utzi du.
Hamabi pilotari izango dira lehian 2026ko Buruz Buruko Txapelketan; apirilaren 3an hasiko da
Finala Nafarroa Arenan jokatuko dute, maiatzaren 31n. 2025eko ekitaldiarekin alderatuta, Bakaikoa Senarren ordez arituko da, Baikon, eta Aspen ez da aldaketarik izango. Final-zortzirenetan, partida hauek izango dira: Dario-Elordi, Bakaikoa-Zabala, Peña II-P. Etxeberria eta Ezkurdia-Jaka.
Peña II.a Buruz Buruko Txapelketan izango da, Mariezkurrena erraz garaitu ostean (22-7)
Jon Ander Peñak Buruz Buruko Txapelketa jokatzeko txartela bereganatu du, azken kanporaketan Jon Mariezkurrena nagusitasun handiz menderatuta (22-7).
Bakaikoak Buruz Buruko txapelketa jokatuko du, Senar kanporatu ostean
Joanes Bakaikoak 22-21 irabazi dio Beñat Senarri Zumarragan jokatutako Buruz Buruko txapelketako aurrekanporaketan. 21-14 aurretik joan da ataundarra, baina nafarrak zortzi tanto jarraian egin ditu; ondorioz, Bakaikoa aurtengo txapelketa nagusian izango da, Senar kanporatuta.