Buruz Buruko finala astebetez atzeratu da
Jokin Altunak eta Iñaki Artolak jokatuko duten 2021eko Buruz Buruko finalak astebeteko atzerapena izango du. Hala, ekainaren 13an izan behar zen neurketa ekainaren 20ra atzeratu dela jakinarazi du asteazken honetan Esku Pilotako Enpresen Ligak.
Zabaldutako oharrean irakur daitekeenez, Baiko Pilota enpresa izan da atzerapena eskatu duena, Artola bere pilotariak dituen "arazo fisikoengatik". Eskari horri Alegiako aurrelariaren osasun-egoerari buruzko mediku-txosten bat erantsi dio Baikok, eta, hura kontuan hartuta, Borja Oses txapelketako epaile bakarrak finalaren data aldatzea erabaki du.
Bere erabakia hartzeko garaian Buruz Buruko Txapelketaren Araudiak finalari buruzko atalean dioena hartu du aintzat Osesek:
Sailkatuetako bati hasieran aurreikusitako datan txapelketaren finalean parte hartzea eragozten dioten gertaerak badaude, txapelketa beste data batera atzeratu ahal izango da, EPELeko Lehiaketa Epaile Bakarrak hala erabakitzen badu. Pilotariak ezin badu finala hasieran aurreikusitako datan jokatu, EPELeri jakinarazi beharko dio, parte hartzea eragozten dioten gertaerak jaso bezain laster. Gertakariak pilotariaren osasunarekin lotura badu, pilotariak edo pilotaria kide den enpresako medikuak txosten medikoa aurkeztu beharko du. Txosten horretan, pilotaria finala jokatzeko prest egongo dela aurreikusten den data bat ezarri beharko da. EPELeko Lehiaketa Epaile Bakarrak, gertaerak aztertuta, atzerapena eman edo ez erabakiko du, eta, ematen badu, beste egun bat ezarriko du finalerako, 2021eko ekainaren 20a baino lehen lehiatu beharko litzatekeena.
Horrenbestez, pilotazaleek beste astebetez itxaron beharko dute EITBn ikusi ahalko den finalaz gozatzeko. Final horretan aritzeko, Altunak Zabaleta kaleratu zuen (8-22) eta beste horrnbeste egin zuen Artolak Rezustarekin (16-22).
Zure interesekoa izan daiteke
Dario Gomezek arantzaz beteriko ibilbidea izan du txapelaren loria lortu arte
Aurrelari errioxarrak 2015eko ekainaren 14an egin zuen debuta profesionaletan, Asperen eskutik, Logroñoko Adarraga pilotalekuan. Buruz buruko txapeldunaren ibilbide profesionala zailtasunez beteta egon da, arritmia arazoak izan zituen eta urte luzez arazo ugari eskuekin.
Dario Gomez: “Gorriz jantzita pasako dut urte osoa, ametsik onenetan ere ez nuen halakorik aurreikusten”
Dario Gomezek, egungo Buruz Buruko txapeldunak, elkarrizketa bat eskaini du Ezkaraiko plazatik. Errioxarrak, garaipenarekin pozik, "txapelketa amestutakoa baino askoz hobea" izan dela eta "aurretik datorren guztian pentsatzen" ari dela esan digu. (Bideoa gazteleraz)
2026ko Buruz Buruko Txapelketako sailkapenak, emaitzak eta egutegia
2026ko Buruz Buruko Txapelketa apirilaren 3an hasiko da, eta maiatzaren 31n bukatu. Finala Nafarroa Arenak hartuko du.
Ezkaraitarrek ongietorri beroa egin diote Dario Gomez txapeldunari
Dario Gomez Buruz Buruko txapeldun berriari harrera beroa egin diote Ezkarain. Eskertuta eta hunkituta agertu da errioxarra.
6-21ekoa, finaleko tantorik onena: Dariok pilotakada bikaina emanda amaitu du
Buruz Buruko final handiko azken-aurreko tantoan, bi pilotariak bizi-bizi aritu dira, defentsa ederra egin dute eta, pilatutako nekea gorabehera, Nafarroa Arena bete duten zaleei biziki gozarazi diete.
Botileroen finala: “Oparirik ez egiteko momentua da!"
Dario Gomezen eta Iñaki Artolaren botileroek protagonismoa izan dute Nafarroa Arenan jokatutako final handian.
Miguel Capellan, Darioren entrenatzailea Ezcarayn: “Badakizu zer egin duen Dariok? Sinestezina da!”
Buruz buruko txapeldun berriak Miguel Capellan izan zuen entrenatzaile. Nafarroa Arenan jokatutako finala ikusi eta aurrelari errioxarrak txapela jantzi ostean, Capellanek, hunkituta, urte haiek ekarri ditu gogora.
Balba Gil, Darioren ama: “Niretzat, nire semea nire txapelduna da”
“Bere bizitza osoko ametsa da”, esan du Balba Gil 2026ko Buruz Buruko Txapelketako txapeldunaren amak, semeak Nafarroa Arenan txapela irabazi ostean. Dario argi menderatu du Iñaki Artola finalean: 6-22.
Dario Gomez: “Hurrengo pilotakadan baino ez nuen pentsatu nahi”
Dario Gomez Aspeko pilotariaren adierazpenak, 2026ko Buruz Buruko Txapelketa irabazi eta txapela jantzi ondoren. (Adierazpenak gaztelaniaz)
Finaleko azken tantoa eta sari banaketa
Dario Gomez da 2026ko buruz buruko txapelduna. Igandean, Iruñeko Nafarroa Arenan jokatutako finalean, Aspeko pilotariak 6-22 menderatu du Iñaki Artola, eta garaipen horri esker txapela eskuratu du.