San Mateo Torneoa bueltan da formatu murriztuagoarekin
San Mateo Torneoa irailaren 21etik 26ra artean jokatuko da, Logroñon. Aurreko edizioetan baino formatu murriztuagoa izango du, guztira bost jaialdi egingo direlarik. Binakako Txapelketan ez da sailkatze ligaxkarik egongo, eta zuzenean finalerdiak jokatuko dira, ondoren finala jokatzeko.
Irailaren 21ean Jokin Altuna eta Unai Laso ibiliko dira nor baino nor Lau t'erdian. Ostegunean, irailaren 23an, lehen finalerdia jokatuko dute Joseba Ezkurdia-Beñat Rezusta bikoteak, Victor Estebanen eta Jose Javier Zabaletaren kontra. Ostiralean, irailaren 24an, Aimar Olaizola-Jon Mariezkurrena bikoteak Erik Jakaren eta Jon Ander Albisuren aurka neurtuko dituzte indarrak bigarren finalerdian. Binakakoaren finala irailaren 26an, igandean, jokatuko da.
Ardoaren Erronka, aldiz, irailaren 24an izango da; Altuna eta Martija neurtuko dira Lasoren eta Imazen aurka. Egun horretan 1.200 ardo botila egongo dira jokoan.
Bestalde, Iker Irribarriak Adarragan jokatzea ere aurreikusita dago. Irribarria, Elordiren kontra arituko da irailaren 24an, Lau t'erdiko Txapelketara sailkatzeko partidan.
Zure interesekoa izan daiteke
2026ko CaixaBank Masterseko sailkapena, emaitzak eta egutegia
Txapelketa uztailaren 17an hasiko da, eta urriaren 4an amaitu; finala Iruñean jokatuko dute, Nafarroa Arenan.
Zabala eta Iztueta, CaixaBank Masterseko finalerdietara (15-22)
Zabalak eta Iztuetak 4. puntua eskuratu dute Artola eta Rezusta garaituta, eta, beraz, CaixaBank Masterseko finalerdietarako sailkatu dira.
Minutuko isilunea egin dute hildako gaztearen omenez Lekeitioko pilotalekuan
Pilotalekuan partida jokatzen ari zenean jakin dute antzarretan mutil bat zendu dela, eta orduan jakinarazi diete harmailetan zeuden zaleei. Lehen atsedenaldi luzean, minutuko isilunea egin dute, hildakoaren omenez.
Imazek, ondoezik, ezin izan du partida amaitu; Ezkurdiak eta Albisuk lortu dute garaipena (22-14)
Lekeition jokatu den CaixanBank Masterseko neurketa bertan behera gelditu da, Ezkurdia eta Albisu Altuna eta Imaz 18-14 menderatzen ari zirenean Oiartzungo atzelaria ondoezik sentitu baita. Ezkurdiak eta Albisuk bigarren puntua batu dute horrela, eta sailkatzeko aukerak izaten jarraitzen dute. Altuna eta Imaz, berriz, sailkatzeko aukerarik gabe gelditu dira, garaipen bakarra lortu baitute.
Elordi eta Mariezkurrena CaixaBank Masterseko finalaurrekoan izango dira, Laso eta Martija aise garaituta (22-10)
Aitor Elordi eta Jon Mariezkurrena 22-10 gailendu dira Unai Laso eta Julen Martijaren aurka Lekeitioko pilotalekuan jokatu duten partidan, eta, ondorioz, CaixaBank Masterseko finalerdietarako sailkatu dira. Gorriak jaun eta jabe izan dira.
Atzeratu egin da Pilota Pro Ligaren lehiaketa formatu berria
Proiektuaren konplexutasuna dela eta atzeratu egingo da lehiaketa sistema berriaren ezarpena.
Muruak Asperekin berritu du beste lau urtez
Arrasateko aurrelariak 2030era arte berritu du kontratua “onena ematea eta ahalik eta txapelketa gehien jokatzea” helburu dituela.
Dario gorriz etxekoen aurrean eta Altuna aurrekanporaketan, San Mateo torneoan
Sanmateoetako pilota torneoa aurkeztu dute gaur Logroñon. Irailaren 18tik 27ra bitarte jokatuko da. Atarikoetan, A Multzoan Jaka-Mariezkurrena, Zabala-Rezusta eta Artola-Albisu Larrazabal-Iztueta arituko dira. B multzoan, Laso-Landa, Dario-Zabaleta, Ezkurdia-Martija eta Altuna-Bikuña.
Hirugarren puntua, Artola eta Rezustarentzat (22-20)
Artolak eta Rezustak 22-20 garaitu dituzte Larrazabal eta Zabaleta, eta hirugarren puntua eskuratu dute CaixaBank Mastersen.
Dariok astebete aurreratu du berragerpena
Buruz buruko txapelduna irailaren 6an itzuliko da kantxetara, Beloradon, uztailaren 1etik lehiaketatik at izan duen belauneko lesioa gainditu ondoren.